ஹாய் மதன் - கேள்வி- பதில்கள்

by **சிவா** Tue Feb 03, 2009 3:27 pm

First topic message reminder :

போலீஸாரால் கைது செய்யப்படுவதை அரசியல்வாதிகள் விரும்புவது ஏன் ?

அரசியல்வாதி என்றால் ( மக்களுக்காக ! ). ஒருமுறையாவது ஜெயிலுக்குப் போயிருக்க வேண்டும் என்கிற அபத்தமான தகுதி இங்கு உண்டு. ( சுதந்திரப் போராட்டம் என்பது வேறு !). ஆகவேதான் ஏதாவது போராட்டத்தை ஆரம்பித்து, சில நாட்கள் ( மட்டுமே !) ஜெயிலில் இருந்து விட்டு வருவார்கள். சில அரசியல்வாதிகள் வேறு குற்றங்களுக்காக ( எப்போதாவது ) கைது செய்யப்படுவதும் உண்டு. அப்போதும் வேனில் ஏறும் போது, "" அடக்குமுறை வீழ்க !'' என்று கூவி, தெருவில் கூடியிருக்கும் மக்களைத் திசை திருப்புவார்கள் !

by **சிவா** Fri Feb 05, 2010 1:32 pm

சில மேலை நாடுகளில் கணவனும், மனைவியும் ஒரே கட்டிலில் விடியும்வரை சேர்ந்து தூங்குவது இல்லையாமே ....உண்மையாமே ?

அப்படி எல்லாம் இல்லை ! நீங்கள் கேட்பதைப் பார்த்தால், ஏதோ பாதித் தூக்கத்தில் இருவரும் எழுந்து வேறு யாருடைய கட்டிலுக்காவது போய்ப்படுத்துக் கொண்டு விடுவார்கள் என்பது போல அல்லவா இருக்கிறது ?!!

by **சிவா** Fri Feb 05, 2010 1:32 pm

பல்வேறு விதமான பயங்களுக்கும் அந்த ஃபோபியா, இந்த ஃபோபியா என்கிறார்களே ... இதுமாதிரி பயங்களைப் பற்றிய பயத்துக்கு என்ன பெயர்?

இருக்கிறதே ! ஏன் என்று தெரியவில்லை... மனிதன் மாளாமல் நூற்றுக்கணக்கான ""ஃபோபியா''க்களுக்குப் பெயர் வைத்திருக்கிறான். நீங்கள் சொல்கிற ""பயங்களைப் பற்றிய பயத்துக்கு'' ஃபோபாஃபோபியா என்று பெயர். ""ஃபோபியா'' இல்லாத ஆளே கிடையாது. ஆனானப்பட்ட விஞ்ஞான மேதை ஐசக் நியூட்டன் கடைசி வரை உடலுறவு கொள்ளாமலே வாழ்ந்தார் என்று சொல்லப்படுகிறது. அவரைப் பாதித்தது காய்ட்டோ ஃபோபியா.

by **சிவா** Fri Feb 05, 2010 1:33 pm

ரோட்டில் கிடக்கும் "பிணம்', ரோட்டில் கிடக்கும் "பணம்' - என்ன வித்தியாசம் சார்?

முதலாவதை எல்லாரும் பார்த்துக் கொண்டே போவார்கள். இரண்டாவதை எல்லாரும் பார்க்க முடியாது - அதற்கு முன்பே அது எடுக்கப்பட்டுவிடும் என்பதால் !

by **சிவா** Fri Feb 05, 2010 1:33 pm

மதன் சாருக்குக் கடைசி பெஞ்ச் அனுபவம் உண்டா... அது பற்றி?

ஆரம்பத்தில் இருந்து கடைசி வரை கடைசி பெஞ்ச் அனுபவம்தான்... ""மற்ற உருப்படாத பசங்களைப் போல அல்லாமல் நான் முதல் பெஞ்ச்சில் அமர்ந்து ஒழுக்கத்துடன், கட்டுப்பாட்டுடன், கவனமாகப் படித்து எல்லாவற்றிலும் நூற்றுக்கு நூறு மார்க் வாங்க வந்தவன்!'' என்கிற அகந்தை எல்லாம் எப்போதுமே எனக்கு இருந்தது கிடையாது!

by BPL Fri Feb 05, 2010 2:08 pm

சிவா wrote:மதன் சாருக்குக் கடைசி பெஞ்ச் அனுபவம் உண்டா... அது பற்றி?

ஆரம்பத்தில் இருந்து கடைசி வரை கடைசி பெஞ்ச் அனுபவம்தான்... ""மற்ற உருப்படாத பசங்களைப் போல அல்லாமல் நான் முதல் பெஞ்ச்சில் அமர்ந்து ஒழுக்கத்துடன், கட்டுப்பாட்டுடன், கவனமாகப் படித்து எல்லாவற்றிலும் நூற்றுக்கு நூறு மார்க் வாங்க வந்தவன்!'' என்கிற அகந்தை எல்லாம் எப்போதுமே எனக்கு இருந்தது கிடையாது!