இந்தியாவின் பொற்காலம்

**சிவா** · **சிவா** Wed May 13, 2015 4:51 pm

இந்திய வரலாற்றை எடுத்துக் கொண்டால் குப்தர்கள் காலம்தான் பொற்காலம் என்று சொல்லப்படுகிறது. இவர்கள் ஆட்சியில்தான் நாடு முழுவதும் அமைதி நிலவியது. செல்வம் கொழித்தது. கலைகள் வளர்ந்தன. இந்து சமயம் மறுமலர்ச்சி அடைந்தது. இலக்கியம் தழைத்தது.

குப்தர்கள், மவுரியர்கள் ஆட்சியை பின்பற்றினர். ஆனாலும் அவர்கள் நிகழ்த்திய கொடுமைகளை குப்தர்கள் நிகழ்த்தவில்லை. இதனால் நாட்டில் அமைதியும் ஒழுக்கமும் நிலவியது. “குப்தர்கள் ஆட்சி செய்த நாட்டில் 6 வருடங்கள் சுற்றியுள்ளேன். ஒரு முறை கூட கள்வரால் தாக்கப்படவில்லை. வருத்தப்படும்படியான எந்த நிகழ்வும் நடைபெறவில்லை” என்று சீனப் பயணியான பாயான் கூறியுள்ளார்.

வெளிநாடுகளுடன் வாணிபம் செழித்திருந்தது. கோவில்கள் பல கட்டப்பட்டன. சிவன் கோவில்களும் தசாவதார கோவில்களும் கட்டப்பட்டன. காந்தார சிற்ப முறை கைவிடப்பட்டு, இந்திய சிற்பமுறை மறுமலர்ச்சி பெற்றது. அஜந்தா குகை ஓவியங்களில் சில குப்தர்கள் காலத்தில் தோன்றியவை.

ராமாயணம், மகாபாரதம், வேதங்கள், பதிணென் புராணங்கள் தொகுக்கப்பட்டன. இவர்கள் காலத்தில் தான் இந்துக்களின் புனித நூலான பகவத்கீதை பாரதத்தில் சேர்க்கப்பட்டது. இருப்பினும் புத்த மதம் புறக்கணிக்கப்படவில்லை. நாளந்தா பல்கலைக்கழகம் தோன்றியது. நாகர்ஜுனர், வாகபந்து, புத்தகோஷர், பரமார்த்தர் முதலிய புத்த தத்துவ ஞானிகள் தங்கள் மதம் பற்றிய பல புத்தகங்களை எழுதினார்கள்.

சமஸ்கிருதமும் வளர்ச்சியடைந்தது. சாகுந்தலம், விக்ரமோர் வசியம், மாலவிகாக்னிமித்ரம், ரகுவம்சம், குமாரசம்பவம், மேகதூதம், ரிதுசம்ஹாரம், முதலிய நூல்களை மகாகவி காளிதாசர் எழுதினார். பக்தி, சட்டம், தர்மம், காமம் பற்றிய நூல்கள் மட்டுமல்ல, கணிதம், வான சாஸ்திரம், மருத்துவம் போன்ற துறைகளும் வளர்ந்தன.

ஆரியபட்டர் எழுதிய ஆரியபட்டியா என்ற கணித வான சாஸ்திரம், ஜோதிடம் பற்றி கூறும் பஞ்சசித்தாந்திக, பிரஹத்சம்கிதா வான சாஸ்திரம் போன்ற நூல்களை வராஹமிகிரர் எழுதினார். இப்படி எல்லா துறைகளிலும் மேன்மை அடைந்த ஆட்சி குப்தர்களுக்கு முன்னும் தோன்றியதில்லை. அவர்களுக்கு பின்னும் தோன்றியதில்லை. எனவேதான் குப்தர்களின் காலமே இன்றுவரை இந்தியாவின் பொற்காலமாக தலை நிமிர்ந்து நிற்கிறது.

**ராஜா** · **ராஜா** Wed May 13, 2015 6:56 pm

ஆனா இனிமே குமாரசாமியின் காலம் தான் இந்தியாவின் பொற்காலம் தல.

**சிவா** · **சிவா** Wed May 13, 2015 10:16 pm

ராஜா wrote:ஆனா இனிமே குமாரசாமியின் காலம் தான் இந்தியாவின் பொற்காலம் தல.

இவன் வாங்கிய பணம் 100 கோடிக்கு மேல் இருக்கும் என நினைக்கிறேன்! கூடிய சீக்கிரம் இவனை போட்டுத் தள்ளப் போறாங்கன்னு நினைக்கிறேன்!

சரவணன் · சரவணன் Wed May 13, 2015 10:18 pm

ஆனால் தலைவரே! அசோகர் ஆட்சி பொற்காலம் என்று பள்ளி பாடத்தில் உள்ளதே? அதுவும் உண்மைதானே?

**சிவா** · **சிவா** Wed May 13, 2015 10:20 pm

சரவணன் wrote:ஆனால் தலைவரே! அசோகர் ஆட்சி பொற்காலம் என்று பள்ளி பாடத்தில் உள்ளதே? அதுவும் உண்மைதானே?

ஆம், அதுவும் பொற்காலம் தான், ஆனால் அது 24 காரட் பொன்னாக இருக்காது, கொஞ்சம் குறையும்! ஏனெனில் அசோகரை யாரும் புடம் போடவில்லையாம்! சிரி

சரவணன் · சரவணன் Wed May 13, 2015 10:21 pm

சிவா wrote:
சரவணன் wrote:ஆனால் தலைவரே! அசோகர் ஆட்சி பொற்காலம் என்று பள்ளி பாடத்தில் உள்ளதே? அதுவும் உண்மைதானே?
ஆம், அதுவும் பொற்காலம் தான், ஆனால் அது 24 காரட் பொன்னாக இருக்காது, கொஞ்சம் குறையும்! ஏனெனில் அசோகரை யாரும் புடம் போடவில்லையாம்!

**krishnaamma** · **krishnaamma** Thu May 14, 2015 9:55 am

சிவா wrote:
ராஜா wrote:ஆனா இனிமே குமாரசாமியின் காலம் தான் இந்தியாவின் பொற்காலம் தல.

இவன் வாங்கிய பணம் 100 கோடிக்கு மேல் இருக்கும் என நினைக்கிறேன்! கூடிய சீக்கிரம் இவனை போட்டுத் தள்ளப் போறாங்கன்னு நினைக்கிறேன்!

அடுத்த வருடம் இந்திய பணக்கார்கள் லிஸ்ட் இல் இவர் பேரும் வருமோ? சிரி சிரி