உடற்பயிற்சியில் அதிசயம்!

நடிப்புக்காக ஒரே ஆண்டில் 25 கிலோ எடையைக் குறைத்தேன் என்று நம் ஊர் நடிகர்கள் சொன்னால் அது கொஞ்சம் அதிகப்படியாகவே நமக்குத் தோன்றும். காரணம், அப்போதும் இப்போதும் உடம்பு ஒரே மாதிரிதான் நம் பார்வைக்குத் தெரியும்.


ஆனால் ஹாலிவுட் நடிகர் கிறிஸ்டியன் பேல் இதற்கு விதிவிலக்காக இருக்கிறார். படத்துக்குப் படம் தேவைக்கு ஏற்றபடி உடலை கூட்டிக் குறைப்பதே இவரது தலையாய வேலை.

2000-ம்ஆண்டில் இருந்து இவரது உடல் ரீதியான ஏற்ற இறக்கம் பாருங்கள். 2000-வது ஆண்டில் `அமெரிக்கன் சைக்கோ' என்ற படத்தில் இவர் நடித்தபோது இவரது எடை 81 கிலோ. 2002-ம் ஆண்டில் இரண்டு கிலோ மட்டும் எடை அதிகரித்து `ரெயின்ஆப் பயர்' படத்தில் நடித்தார்.

அடுத்த இரண்டு ஆண்டுகளில் `தி மெஷினிஸ்ட்' படத்தில் நடித்தபோது டைரக்டர் கேட்டுக் கொண்டதற்காக இரண்டே வருடத்தில் தனது எடையை 55 கிலோவுக்கு கொண்டு வந்து அதாவது 26 கிலோ எடை குறைத்து பார்க்கவே பரிதாபமான தோற்றத்தில் காட்சி தந்தார்.

இனி இந்த உடம்பு தேறாது என்று ரசிகர்களே நினைத்த நேரத்தில் அடுத்த ஆண்டே `பேட்மேன் பின்ஸ்' படத்துக்காக ஒரே ஆண்டில் 21 கிலோ எடையை அதிகரித்து மீண்டும் பயில்வான் தோற்றம் தந்து ரசிகர்களை ஆனந்தத்தில் மூச்சடைக்க வைத்தார்.

அடுத்த ஆண்டே நடிக்கவிருந்த `ரெஸ்க்ï டான்' படத்துக்காக உடம்பை கணிசமாக குறைத்தாக வேண்டிய நிலை. அதற்காக கொஞ்சமும் கவலைப் படாமல் கடின பயிற்சியில் இறங்கினார். ஒரே ஆண்டில் மறுபடியும் அதிர்ச்சியுறும் விதத்தில் 25 கிலோ எடை குறைத்து 61 கிலோ எடையுடன் நடித்தார்.

அடுத்த இரண்டு ஆண்டுகளில் மறுபடியும் ஒரு சோதனை. 2008-ம் ஆண்டில் `டார்க் நைட்' படத்தில் மறுபடியும் 25 கிலோ எடை கூட்டியாக வேண்டிய கட்டாயம். இரண்டே வருடத்தில் மறுபடியும் ஆச்சரியப்படும் விதமாய் 25 கிலோ உடம்பை ஏற்றினார். இப்போது 86 கிலோ எடையுடன் பார்க்கவே மறுபடியும் கம்பீரமாக காட்சி தந்தார்.

சோதனையைப் பாருங்கள். அடுத்த 2 ஆண்டுகளில் அதாவது 2010-ம் ஆண்டில் `தி பைட்டர்' படத்தில் மறுபடியும் 20 கிலோ குறைத்து நடித்தார். 66 கிலோ எடையில் படம் முழுக்க நோஞ்சான்உடம்புடன் வந்தார். இந்தப் படத்தில் நடித்து முடித்த நேரத்தில் `தி டார்க் நைட் ரைசஸ்' படம் வந்தது. படத்தின் டைரக்டர் போட்ட ஒரே கண்டிஷன், `படம் தொடங்கும்போது எனக்கு நீங்கள் 90 கிலோ எடையில் இருக்க வேண்டும்.'



ஆஹா, ஒரு ஆண்டு இடைவெளிக்குள் மறுபடியும் 24 கிலோ எடை ஏற்றியாக வேண்டும். முடியுமா என்பது அவரது அபிமானிகளின் கவலையாக இருக்க... ஆனால் நடந்தது வேறு. டைரக்டர் கேட்ட அதே 90 கிலோ எடையுடன் இப்போது நடிக்கத் தயாராகி விட்டார்.

இது சாத்தியமா? சினிமாவில் நட்சத்திரங்களுக்கு உடற்பயிற்சி கற்றுத்தரும் பிட்னெஸ் மாஸ்டர் பிரான்சிசை கேட்டால், "பயிற்சி மூலம் நிச்சயம் முடியும். ஆனால் அதற்கு சம்பந்தப்பட்ட நட்சத்திரம் முழு ஒத்துழைப்பு கொடுக்க வேண்டும். கேரக்டரை நேசிக்கிறவர்கள் நிச்சயம் இந்த ஏற்றி இறக்கும் வித்தைக்குள் எளிதாக நுழைந்து புறப்படுவார்கள்''என்றார்.

நான் இதை பற்றி தேடி படித்தேன் .. நேற்று தான் machinist படம் பார்த்தேன் .. உடம்ப என்னத்தைய செஞ்சாரு நு தோனுச்சு ..

பல வருடங்களாக உடற்பயிற்சி ஈடுபட்டு வருபவர்கள் தான் இப்படி குறைக்க கூட்ட முடியும் , ஏன் என்றால் அவர்களுக்கு தான் எதை செய்தால் எடை கூடும் குறையும் மற்றும் அவர்களின் உடற் கூறு பற்றி நன்றாக அறிந்து வைத்து இருப்பார்கள் .. நல்ல trainer மிக அவசியம்

என்ன ஒரு ஆச்சிரியம்
உடம்பை இப்படி பாடாய் படுத்து இருக்கிறார்.!

எப்படிதான் இப்படிலாம் பன்றாங்களோ

திறமையான நடிகர்தான்

எடை வித்தியாசத்துக்கு இடை வெளி இரண்டு வருடம் - ஒரு படம் வர இரண்டு மூன்று வருடங்கள் ஆகுது அங்க.

நாம இரண்டு வருடத்தில இருநூறு படம் ரிலீஸ் பண்றோம்.

என்ன பண்ண முடியும் நம்ம ஹீரோக்கள்?

யினியவன் wrote:எடை வித்தியாசத்துக்கு இடை வெளி இரண்டு வருடம் - ஒரு படம் வர இரண்டு மூன்று வருடங்கள் ஆகுது அங்க.

நாம இரண்டு வருடத்தில இருநூறு படம் ரிலீஸ் பண்றோம்.

என்ன பண்ண முடியும் நம்ம ஹீரோக்கள்?

இவர்கள் தொப்பையை குறைக்கவே கடும் உடற்பயிற்சி செய்தேன் என அழட்டும் போது எங்கே உடம்பை ஏற்ற இறக்க .....