அப்புசாமி குட்டிக் கதைகள்

by **சிவா** Tue Oct 16, 2012 12:49 pm

அப்புசாமி பாத்ரூம் விளக்கை மறந்துபோய் அணைக்காமல் வந்து விட்டார்.

மனைவி சீதே கோபமாக பாத்ரூம் பல்பை கழற்றிவிட்டாள்.

மறுதினம் அப்புசாமி தெரு வாசலில் குளிக்கத் தொடங்கினார்.

காரணம் கேட்டவர்களுக்கு, ”அவளால் சூரியனைக் கழற்றி எறிய முடியாதே” என்றார்.

by **சிவா** Tue Oct 16, 2012 12:50 pm

ஓட்டலுக்குச் சென்ற அப்புசாமி வெயிட்டரைக் கூப்பிட்டு, ஓரொரு பலகாரத்தின் விலையையும் விசாரித்தார்.

பிறகு மூணு இட்லி, இரண்டு வடை, ஒரு தோசை, ஒரு காப்பி சாப்பிடுவதானால் எவ்வளவு பணம் வேண்டியிருக்கும்?” என்றார்.

வெயிட்டர் சொன்னான் அப்புசாமி எழுந்து கொண்டார். ”நீ பிரயோசனமில்லை. கணக்கில் வீக்கான சப்ளையராக நான் தேடிக் கொண்டிருக்கிறேன்,” என்று வெளியேறினார்.

by **சிவா** Tue Oct 16, 2012 12:50 pm

அப்புசாமி காலையில் ஏழு மணி ஆகியும் எழுந்திருக்கவில்லை. அவர் மனைவி சீதா

”நீங்களே காப்பி போட்டுக் கொள்ளுங்கள்” என்று ஒரு கடிதம் எழுதி வைத்துவிட்டுப் போய் விட்டாள்.

மனைவி திரும்பி வந்து பார்த்தபோது அப்புசாமி முழுச் சமையலே செய்து வைத்திருந்தார். மேடையில் ஒரு கடிதம் காணப்பட்டது. ‘காப்பிப்பொடி, சர்க்கரை, பால் இல்லாமல் காப்பி போடுவதை விடச் சமையல் செய்வது சுலபமாக இருந்தது.’

by **சிவா** Tue Oct 16, 2012 12:50 pm

அப்புசாமிக்கு அவசரமாகக் கொஞ்சம் பணம் தேவைப்பட்டது. பக்கத்து வீட்டுக்காரரிடம் போய்த் தலையைச் சொறிந்தார் : ”என்ன விஷயம்?” என்றார்.

”சீக்கிரம் கடனாகப் பத்து ரூபாய் கொடுத்து என்னை அனுப்பி விடுங்கள். இல்லாவிட்டால் நிறையப் பொடுகு உங்கள் வீட்டில் பரவிவிடும்,” என்றார் அப்புசாமி.

by **சிவா** Tue Oct 16, 2012 12:50 pm

அப்புசாமி தனக்கு ஏதோ ஒரு லாட்டரியில் கோடி ரூபாய் பரிசு விழுந்ததாக நடுராத்திரியில் கனவு கண்டார். கண்ணை மூடிக்கொண்டே மனைவியை உடனே எழுப்பினார். ”சீதே!

சீதே! சீக்கிரம் என்னை நம்பி நூறு ரூபாய் கொடு! நான் இப்போ கோடீஸ்வரன்… சீக்கிரம். சீக்கிரம்… நான் கண்ணைத் திறப்பதற்கு முன் கொடு,” என்றார்.

by **சிவா** Tue Oct 16, 2012 12:50 pm

ஒரு கல்யாண ரிஸப்ஷனுக்கு அப்புசாமி போயிருந்தார். நேராக விருந்து மண்டபத்துக்குப் போய்விட்டார். இன்னும் அங்கே இலை மட்டும் போட்டிருந்தார்கள். பரிமாறவில்லை.

”கொஞ்சம் டைம் ஆகுமே,” என்றார் சமையல்காரர். அப்புசாமி உடனே ”நான் மாப்பிள்ளையின் தாத்தா! மரியாதை தெரியாதவராயிருக்கீங்களே. உடனே போடுங்கள்” என்றார் வேகமாக.

சமையல்காரர் : ”இது சதாபிஷேகக் கல்யாணம். மாப்பிள்ளைக்கு எண்பது வயசு முடிகிறது. அவருக்கு நீங்கள் தாத்தாவாக இருக்க முடியாதே,” என்றார்.

”சரி, பேரன் என்று வைத்துக் கொண்டுதான் சாப்பாடு பரிமாறுங்களேன்” என்றார் அப்புசாமி.

by **சிவா** Tue Oct 16, 2012 12:51 pm

”சீதே! மறந்துவிடாதே. நாளைக்கு எனக்குப் பிறந்த நாள். கேக் கூட வாங்கியாகிவிட்டது…. என்றார் அப்புசாமி. மனைவி சீதாப்பாட்டி ”என்னைக் கேட்காமல் ஏன் பிறந்த நாள் விழா” என்றாள்.

அப்புசாமி நிதானமாக ”நான் பிறந்ததே உன்னைக் கேட்டுக் கொள்ளாமல்தானே?” என்றார்.

by **சிவா** Tue Oct 16, 2012 12:51 pm

குழாங்கிப்பேர்காரனை அவசரமாகக் கூட்டி வரச் சொன்னாள் மனைவி. சரியாக மூடமுடியாமல் பாத்ரூமில் குழாய் கொட்டிக் கொண்டிருந்தது.

கொஞ்ச நேரம் கழித்து தண்ணீர் வடிவது நின்றுவிட்டது. அப்புசாமி கொட்டக் கொட்ட ஈரமாக நடுங்கிக் கொண்டே வந்தார். ”என்ன ஆச்சு உங்களுக்கு?”

”இரண்டு வேலை ஆச்சு. நான் குளிக்கவும் குளித்தாகிவிட்டது. குழாயையும் மூடியிருக்கேன். பிளம்பர் கிடைக்காததால் ஓவர்ஹெட் பார்க்குக்குள் அப்புசாமி இறங்கிக் குழாயைத் துணி வைத்து அடைத்துவிட்டு அப்படியே நன்றாக முழுகிக் குளித்துவிட்டு வந்து விட்டார்.

by **சிவா** Tue Oct 16, 2012 12:51 pm

விமானத்தில் அப்புசாமி சிற்றுண்டியை முடிக்குமுன் ஏர் ஹோஸ்டஸ் அவரது பிளேட்டை வாங்குவதற்குக் கை நீட்டினாள்.

”அவசரப்படாதே. நானே தேய்த்து வைத்து விடுகிறேன். வீட்டில் அந்த வேலையை செய்து பழக்கப்பட்டவன் நான்” என்றார்.

by **சிவா** Tue Oct 16, 2012 12:51 pm

பயணத்தின்போது எதிர்பாராத நெருக்கடி ஏற்பட்டு, யந்திரம் பழுதாகி சுவாசிக்க முடியாத சூழ்நிலை விமானத்தில் ஏற்பட்டால் சமாளிப்பது எப்படி? அதற்கான முகமூடியை அணிவது எப்படி என்பதை ஏர் ஹோஸ்டஸ் சாடையால் விளக்கிக் கொண்டிருந்தாள். ஏதாவது ஒரு குறிப்பிட்ட மொழியில் பேசினால் அது தெரியாத மற்றவர்களுக்கு புரியாதே என்று சாடையாலேயே அப்புசாமி விளக்குவது வழக்கம்.

அப்புசாமி அவரை ஊமை என்று நினைத்து அருகிலிருந்தவரிடம், ”நான் பத்து ரூபாய் கொடுப்பதாக இருக்கிறேன். நீங்களும் கொடுங்கள். ரயில் பிச்சைக்காரியென்றால் ஐந்து ரூபாய் போதும். விமானப் பிச்சைக்காரியாச்சே!” என்றார்.