நான்காம் வகுப்பு படிக்கிறான் சபரி. நன்றாகப் படிப்பான். ஆனால் ஏழைக் குடும்பத்தைச் சேர்ந்தவன். புத்தகத்தை கொண்டு வரக்கூட ஒரு நல்ல பை கிடையாது. அவனது அம்மா, சந்தைக்கு காய்கறி வாங்க கொண்டு செல்லும் பையில்தான் புத்தகத்தையே சுமந்து வருவான்.

அன்று விடுமுறை. அம்மாவுடன் காய்கறி வாங்க மார்க்கெட்டுக்கு சென்றிருந்தான் சபரி. அம்மாவின் கையைப் பிடித்துக்கொண்டு, அங்கும் இங்கும் `பராக்' பார்த்துக்கொண்டே வந்தான்.

திடீரென்று அம்மாவின் கையைப் பிடித்து இழுத்தவன் `அம்மா, அம்மா... அங்கே பாருங்க, எங்க மிஸ் வர்றாங்க' என்றான்.

`ஆமா சபரி, உங்க மிஸ் இங்கேதான் வாராங்க' என்றாள் அம்மா.

காய்கறிகளை வாங்கி பிளாஸ்டிக் கவர்களில் போட்டு இரு கைகளிலும் சுமந்து வந்து கொண்டிருந்தார், சபரியின் ஆசிரியை.

சபரியைப் பார்த்த அவர், `டேய் சபரி, காலையிலேயே உங்க மம்மி பின்னால மார்க்கெட்டுக்கு வந்துட்டியா?' என்றார்.

`ஆமாம் மிஸ்' என்றான் உற்சாகமாக.

`ஐய்ய... என்ன மிஸ் நீங்க, பிளாஸ்டிக் கவர்ல காய்கறி வாங்கிட்டுப் போறீங்க. போன வாரம் நாம இதே ரோட்டிலே பிளாஸ்டிக்கை ஒழிப்போம்னு கோஷம் போட்டுகிட்டு போனோம். நீங்கதான் எல்லா மாணவர்களையும் வழிநடத்தினீங்க. இப்போ நீங்களே கேரி பேக் ïஸ் பண்றீங்களே மிஸ்' என்றான்.

`டேய் சும்மா இருக்க மாட்டே. மிஸ்கிட்ட அப்படியெல்லாம் கேட்கக்கூடாது' என்று அவனது அம்மா அதட்டினாள்.

`பரவா இல்லை அம்மா. சபரி உண்மையைத்தான் சொல்கிறான். சபரிக்கு இருக்கிற அக்கறைகூட எனக்கு இல்லை' என்றவர், `மிஸ் என்னை மாத்திக்கிறேன் சரியா?' என்றபடி சபரியின் தலையை கோரிவிட்டார் ஆசிரியை.

`சபரி, ஒரு நிமிஷம் நில்லு. மிஸ் உனக்கு சாக்லெட் வாங்கித் தர்றேன்' என்று சொல்லிவிட்டு, பக்கத்துக் கடையில் ஒரு காய்கறி கூடையும், ஒரு ஸ்கூல் பேக்கும் வாங்கினார் ஆசிரியை. கூடவே இரண்டு சாக்லெட்.

சாக்லெட் மற்றும் ஸ்கூல் பேக்கை சபரியின் கையில் கொடுத்த ஆசிரியை, `இது மிஸ்ஸோட கிப்ட், நாளையில் இருந்து இந்த பேக்கில்தான் நீ புக்ஸ் கொண்டு வரணும் சரியா?' என்றார்.

`தேங்க்ï மிஸ்' என்றான் சபரி.

`சபரி இஸ் ய குட்பாய்' என்ற ஆசிரியை காய்கறிகளை கூடையில் பாட்டுக்கொண்டு, பிளாஸ்டிக் கவர்களை குப்பைத் தொட்டியில் போட்டார். சபரிக்கு டாட்டா பை சொல்லி புறப்பட்டார்.

சபரியும் கையசைத்து டாட்டா காட்டினான்!

ஆர்.மந்திரராஜ்

இப்படி தான் அரசியல் வாதிகளும் இருக்கிறாங்க

ஒரு விசயத்தில் தன்னை முன் நிறுத்துபவர் முன்னோடியாக இருக்க வேண்டும் என உணர்த்திய விதம் அருமை அண்ணா

சிவா wrote:
`சபரி இஸ் ய குட்பாய்' என்ற ஆசிரியை காய்கறிகளை கூடையில் பாட்டுக்கொண்டு, பிளாஸ்டிக் கவர்களை குப்பைத் தொட்டியில் போட்டார். சபரிக்கு டாட்டா பை சொல்லி புறப்பட்டார்.

சபரியும் கையசைத்து டாட்டா காட்டினான்!

ஆர்.மந்திரராஜ்

தவறு செய்யலாம். ஆனால் அது தவறு என்று தெரிந்த பின் அதைத் திருத்திக் கொள்ளவேண்டும்! அருமையான கதைப் பகிர்வுக்கு நன்றி சிவா சார்!