"ஈமு' மோசடியினர், சட்டத்தின் பிடியில் இருந்து தப்பிக்க, ஈரோடு பொருளாதாரக் குற்றப் பிரிவு போலீசார், வசூல் வேட்டையில் ஈடுபட்டு உள்ளனர்.

ஈரோடு மாவட்டத்தில், கடந்த ஏழு ஆண்டுகளில், 54 "ஈமு' நிறுவனங்கள், பல்வேறு பெயரில் நிறுவனம் துவங்கி, சில மாதங்களில், மோசடியில் ஈடுபட்டு, உரிமையாளர்கள் தலைமறைவாயினர்.இதுவரை, சுசி ஈமு நிறுவனத்தில், குரு உட்பட எட்டு பேர், குயின் ஈமுவில், ஒருவர் என, மோசடி நிறுவனங்களின் பெரும்பாலானோர் கைது செய்யப்பட்டுள்ளனர். தலைமறைவானவர்களை, போலீசார் தேடி வருகின்றனர். இந்நிறுவனங்கள் மீது, 4,287 புகார் மனுக்கள் பெறப்பட்டு, 77 கோடி ரூபாய் மதிப்பில் மோசடி நடந்தது, உறுதி செய்யப்பட்டு உள்ளது.
மோசடி புகாரில் சிக்கியுள்ள நிறுவனத்தினர், வழக்கறிஞர்கள் உதவியுடன் முன்ஜாமின் பெற்று, நீதிமன்றத்தில் ஆஜராகி வந்தனர். இப்போது, பொருளாதாரக் குற்றப் பிரிவு போலீசாரை, "கவனித்து' வழக்கின் நிலை, அடுத்த கட்ட நடவடிக்கையை அறிந்து, அதற்கேற்ப செயல்படுகின்றனர்.

ஆரம்பத்தில், பொருளாதாரக் குற்றப் பிரிவு போலீஸ் விசாரணைக்கு ஆஜராகும் மோசடி நபர்கள், ஒருவித பீதியுடனே காணப்பட்டனர். தற்போது, ரொம்பவும் பழகிய இடத்திற்கு வந்து செல்பவரை போல், அவர்கள் நடந்து கொள்வதை பார்க்கும், முதலீட்டாளர்கள் குமுறுகின்றனர். ஈரோடு பொருளாதாரக் குற்றப் பிரிவில், டி.எஸ்.பி.,கள் ஜெகநாதன், மந்திரமூர்த்தி தலைமையில், ஏழு இன்ஸ்பெக்டர், ஐந்து எஸ்.ஐ., 25 போலீசார் பணியாற்றுகின்றனர். பல கோடி ரூபாயை விழுங்கிய மோசடியினருக்கு துணை போகும் போலீசார், பெரியளவில் கல்லாகட்டுவதாக சொல்லப்படுகிறது.ஏட்டு முதல், டி.எஸ்.பி., வரை பெரிய அளவில், "கவனிப்பு' நடப்பதால், இனி, வழக்கின் நிலை தலைகீழாகும் என, முதலீட்டாளர்கள் புலம்புகின்றனர். இதுகுறித்து அவர்கள், டி.ஜி.பி.,க்கு, புகார் மனுக்களை அனுப்பி வருகின்றனர்.

தினமலர்

அப்ப அதிக லாபத்தின் பேரில் திருடனுங்க வேட்டை
இப்ப அதிலிருந்து தப்பிக்க வைக்க போலீசின் வேட்டை

மக்களுக்கு என்றுமே மொட்டை, அல்வா, லட்டு, பட்டை நாமம் இதுவே சாஸ்வதம்.

கொடுமை

இது நிஜம் என்றால் கல்லாகட்டுபவர்களுக்கு கல்லறை கட்டும் நாள் வெகுதொலைவில் இல்லை