கோபம் வரவில்லை!சிரிப்புத்தான் வருகிறது!

by அசோகன் Mon Oct 15, 2012 1:04 pm

First topic message reminder :

இச்சமூகத்தில் தற்போது நிகழும் ஊழல்,வாரிசு அரசியல்,குடிமக்களின் விருப்பத்திற்கெதிரான ஆட்சி இதெல்லாம் பார்த்து நம் மக்கள் அடங்கிப் போவதற்கு காரணம் என்னவென்று சற்றே சிந்த்தித்துப் பார்த்தால் உண்மை விளங்குகிறது.இதற்கு நம் வரலாற்றுப் பக்கங்களைப் பின்னோக்கி புரட்ட வேண்டும்.
ஆதாம் ஏவாள் காலத்தை தாண்டி நம் நினைவில் நிற்பதென்னவோ மன்னராட்சியே! அந்த ஆட்சியில் என்ன நிகழ்ந்தது? பலமுள்ளவன் முதன் முதலில் மன்னராட்சியைத் தொடங்கினான்.பின்னர் அவனது வம்சம் ஆண்டது. பின்னர் அவனது குலத்தினர் மட்டுமே ஆண்டனர். மீதமுள்ளவர்கள் எல்லோரும் மன்னனின் அடிமைகள் அவர்கள் அவனுக்கும் அவனது குடும்பத்தார்க்கும் சேவகம் செய்ய வேண்டும்.வரி செலுத்த வேண்டும்.மரியாதை செலுத்த வேண்டும்.இன்னும் பல வேண்டும்கள்…………………..
இதையெல்லாம் விட கொடுமை அவனுக்கு பக்கத்து நாட்டில் பொன்னாசை,பொருளாசை,மண்ணாசை அல்லது புகழாசை ஏதாவதிருந்தால் அவனது பலத்தினைக் காட்ட பல்லாயிரக் கணக்கானோரை போர் என்ற பெயரில் சாகடித்தனர். இதற்காகவே பிறந்தது போலவே மக்களும் மன்னர்களின் ஆணைகளை செவ்வனே நிறைவேற்றி வந்தனர் எம்மக்கள்.கிட்டத்தட்ட 18 நூற்றாண்டுகளுக்குப் பின் ஆங்கிலேயர் ஆட்சி.அதில் அடிமத்தனம் கொஞ்சம் மாறுபட்டு கொத்தடிமையானார்கள்.மன்னராட்சியிலாவது மக்கள் மீது கொஞ்சம் கரிசனம் இருந்தது.பொருட்களை சுரண்டி அங்கேயே சேர்த்து வைத்தனர் மன்னர்கள் ஆனால் இந்த வெள்ளையர்களோ அதை சுரண்டி அவர்கள் நாட்டிற்கு கடத்தைனர்.அதுவும் எப்படி வண்டி நுகங்களில் மாட்டிற்கு பதிலாக எம்மக்களைப் பூட்டி!
அப்புறம் எப்படியோ போராடி சுதந்திரம் வாங்கி மீண்டும் இந்த கேடுகெட்ட அரசியல் வாதிகளிடம் அடிமைகளாகி கிடக்கின்றோம்.என்ன ஒரு வித்தியாசம் என்றால் மன்னராட்சியில் போருக்கு மக்களை அனுப்பி மன்னனது மண்ணாசை தீர்ந்தது.ஆனால் இப்போதெல்லாம் அடுத்த நாட்டுக்காரனிடம் மக்களை அடகு வைத்து தனது இச்சையைத் தீர்த்துக் கொள்கிறான்.
இரண்டாயிரம் ஆண்டாக மக்களின் அடிமைத்தனம் மாறவில்லை.அதன் பெயர்கள்தான் மன்னராட்சி,சர்வாதிகாரம் மற்றும் மக்களாட்சி என மாறியுள்ளது.இதியெல்லாம் உற்று நோக்கும் போது ஒரு பழமொழிதான் ஞாபகத்தில் வருகிறது.அது,
“தொட்டில் பழக்கம் சுடுகாடு வரைக்கும்”
2000 வருடமாக திருந்தாத நாம் இனிமேலா திருந்தப் போகிறோம்!

by அசோகன் Thu Oct 25, 2012 8:25 am

மாணிக்கம் நடேசன் wrote:இதுதான் அரசியல் விபச்சாரமா?

இதை சொன்னால் எத்துனை பேர் புரிந்து கொள்வர்....ஏற்றுக் கொள்வர்.....

by அசோகன் Thu Nov 29, 2012 8:48 pm

வானம் பொய்த்து விட்டது......
இனி பொழிந்தாலும் பஞ்சத்தின் தாக்கம் சிறிது குறையுமே தவிர முழுதும் தீராது.......
மரங்களை வெட்டி மாட மாளிகை கட்டி மகிழ்வுந்து செல்ல மளமளவென சாலையமைத்து மானுடன் மண்ணிடம் தோற்கிறான்......
இனி எலிக்கறி கொறித்து கோமயம் குடிக்கும் நிலை வந்தாலும் நம்மைப் போல் மானுட போர்வையிலிருக்கும் மூடர்களுக்கு அறிவு வரப் போவதில்லை!
இதையும் கடந்து சென்று தனது கழிவை தானே உண்ணும் நிலை வந்தாலும
் இந்த விவசாயியின் நண்பர்களான மழை,காற்று,நிலம் ஆகியனவற்றை மாசுபடுத்துவதை மட்டும் ஒருக்காலும் நாம் நிறுத்தப் போவதில்லை......
போங்கடா போங்க!இனி இந்த இடைத் தரகர்களெல்லாம் உணவுப் பொருட்களைப் பதுக்கி வைத்து பஞ்ச காலங்களில் பெரும் விலைக்கு விற்கப் போகிறார்கள்!அதை லஞ்சம் வாங்கிப் பதுக்கிய காசில் வாங்கித் திண்பவர்கள் திண்ணும் போது சிதறிய பருக்கையை பொறுக்கி திங்க ஆயிரம் காக்கைகளோடு ஆயிரத்தி ஒன்றாவதாக நாம் நிற்கப் போகிறோம்........................

by அசோகன் Thu Aug 15, 2013 1:05 am

இந்தியா சுதந்திரம் அடைந்து இன்றோடு 66 வருடங்களாகின்றன.இந்த 66 வருடங்களில் நாட்டின் பல்வேறு துறைகளின் வளர்ச்சி அபிரிதமாக் இருக்கிறது என்று ஏட்டளவில் சொல்லப் பட்டாலும் உண்மையை சற்று ஆராய்ந்தால் அங்கு அதில் எங்காவதுதான் உண்மையைக் காண முடிகிறது.அதில் சில உண்மைகளை உங்களுக்காக பட்டியலிடுகிறேன்
1.கட்டுப் படுத்த முடியாத மக்கள் தொகை.இதற்கு காரணம் மக்களுக்கு போதிய அளவு கல்வியறிவின்மை.
இந்தியாவின் 68.84%மக்கள் மிகவும் பின்தங்கிய கிராமங்களில் வசிக்கின்றனர்.இதில் 50% பேர் ஐந்தாம் வகுப்பிற்கு மேல் பள்ளி செல்லாதோர்.நமது கல்வித் திட்டமோ அந்தோ பரிதாபம் பில்கேட்ஸிடம் வேலை பார்க்கும் ஆயிரம் பேரை உருவாக்கும் ஆனால் ஒரு பில்கேட்ஸைக் கூட உருவாக்கத் துப்பில்லாத தரம் கெட்ட கல்வித் திட்டம்.
2.நாட்டின் முதன்மைத் தொழில் விவசாயம்.அங்கேயும் பெரிய முன்னேற்றமில்லை.தனி நபர்க் கடன்களை ஐந்து நிமிடங்களில் வழங்கும் வங்கிகள் விவசாயி கடன் கேட்டால் அவனை விவஸ்தை கெட்டவனென அலைக்க்கழிக்கிறது.இதில் மாநிலங்களுக்கிடையேயான நதிநீர்ப் பங்கீட்டில் விவசாயிகளின் உயிரைப் பகடைகளாக உருட்டி விளையாடும் அரசியல் விளையாட்டு வேறு.வருண பகவானும் தன் பங்கிற்கு அவ்வப்போது ஏமாற்றி விடுகிறார்.இந்தப் புவி வெப்பமாதல் வேறு அவ்வப்போது வருண பகவானைக் குழப்பி பருவம் தப்பி மழை பொழிய வைத்து வேடிக்கை பார்க்கிறது
3.அடிப்படைத் தேவைகளைப் பூர்த்திசெய்ய இயலாத அரசாங்கம்.இன்னும் எத்தனையோ கிராமங்களில் குடிநீர்,கழிப்பிட வசதியில்லாமல் மக்கள் வாழ்கின்றனர்.நகர்ப்புற சேரிகளில் மட்டொம் சுமார் 7 கோடி பேர் வசிக்கின்றனர்.இச்சேரிகளில் குடி நீர்க்கும் கழிவு நீருக்கும் வித்தியாசம் தெரிவதில்லை.

இன்னும் பல இல்லைகள் இருக்கிறது...ஆனால் கருத்து சுதந்திரம் மட்டு உள்ள்து.அதனால் மட்டுமே இதை தங்களோடு பகிர்ந்து கொள்ள முடிகிறது.சரி இனியாவது நமது கடமையை சரிவர செய்து நமது தாய்த் திரு நாட்டை பேணிக் காப்போம்.