உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

balakarthik · balakarthik Sun Oct 14, 2012 11:57 am

வீடு, வணிக நிறுவனங்கள், தொழில் நிறுவனங்களுக்கு, மின்வாரியம் அளித்து வரும் பல்வேறு சேவைகளுக்கான, பராமரிப்பு கட்டணத்தை உயர்த்த, மின்சார ஒழுங்கு முறை ஆணையிடத்திடம், தமிழ்நாடு மின்சார வாரியம் முறையிட்டுள்ளது. ஒப்புதல் கிடைத்தவுடன், அதற்கான உத்தரவு வெளியாகும் என, மின்வாரிய வட்டார தகவல்கள் தெரிவிக்கின்றன.

தமிழகம் முழுவதும், இரண்டு கோடிக்கும் மேற்பட்ட மின் இணைப்புகள் உள்ளன. மின்வாரியம், நஷ்டத்தை தவிர்க்க, ஏப்ரல் மாதம், மின்சார கட்டணத்தை உயர்த்தி அறிவித்தது. தற்போது, சேவைகளுக்கான கட்டணத்தை உயர்த்துவது பற்றி, மின்வாரியம் ஆலோசித்து வருகிறது.மின் இணைப்பு வழங்குதல், மீட்டர் வாடகை, மின்சார மீட்டர் மற்றும் மீட்டர் பொறுத்துதல், மீட்டர் பலகையை மாற்றுவது, புதிதாக அமைக்கப்படும் உபகரணங்களை ஆய்வு செய்வது, துண்டிக்கப்பட்ட மின் இணைப்பை மீண்டும் வழங்குவது, பெயர் மாற்றம், மின் இணைப்பு கேட்டு வரும் விண்ணப்பங்களை பதிவு செய்தல், மின் கட்டண கணக்கீட்டை விதிப்படி மாற்றுவது உள்ளிட்ட சேவைகளை, மின்சார வாரியம் வழங்கி வருகிறது.வீட்டு மின் இணைப்பு விண்ணப்பத்தை பதிவு செய்து, முடிவு எடுக்க, 50 ரூபாய் கட்டணம் உள்ளது. இந்த கட்டணமும், துண்டிக்கப்பட்ட மின் இணைப்பை, மீண்டும் பெறுவதற்கான கட்டணமும், 200 ரூபாய் வரை உயர்வதற்கு வாய்ப்புள்ளது.மேலும், பல்வேறு சேவைகளுக்கான கட்டணமும், 100 ரூபாய் வரை அதிகரிக்க வாய்ப்புள்ளதாக அதிகாரிகள் தரப்பில் கூறப்படுகிறது. இப்பணிகள் குறித்த பட்டியலை தயார் செய்து, மின்வாரிய இணையதளத்தில் வெளியிட்டுள்ளனர். 2003ம் ஆண்டுக்கு பின், இந்த சேவைகளுக்கான கட்டணம் எதுவும் உயர்த்தப்படவில்லை என்பது குறிப்பிடத்தக்கது.

மின்வாரிய அதிகாரி ஒருவர் கூறியதாவது:மின்வாரிய பராமரிப்பு பணிகளுக்கான கட்டணம், 2003ம் ஆண்டு உயர்த்தப்பட்டது. அதன்பின் உயர்த்தப்படவில்லை. இது தொடர்பாக, மின்சார ஒழுங்கு முறை ஆணையத்திடம் கருத்து கேட்கப்பட்டுள்ளது. அதிகப்படியாக உயர்வதற்கு வாய்ப்பில்லை, 100 முதல், 200 ரூபாய் வரை அதிகரிக்கலாம்.பணம் செலுத்தாவிட்டால், வீட்டில் உள்ள "பீஸ்காரியரை' வயர்மேன் எடுத்து செல்வார். ஒரு மாதம் வரையிலும் பணம் செலுத்தாவிட்டால், கம்பத்தில் இருந்து இணைப்பை துண்டிப்பார். இதற்கான கட்டணமும் உயர்த்தப்பட வாய்ப்புள்ளது.இவ்வாறு அவர் கூறினார்.

மின் நுகர்வோர் பாதுகாப்புக் குழுவைச் சேர்ந்த பாலசுப்பிரமணியன் கூறியதாவது:மின்சார வாரியம், பொதுமக்கள் பயன்பாட்டுக்கான மின் கட்டணத்தை, ஆறு மாதங்களுக்கு முன் உயர்த்தியது. தற்போது, மின்வாரிய ஊழியர்கள் மூலம், வீடுகள், வணிக நிறுவனங்கள், தொழிற்சாலைகளுக்கு அளிக்கப்படும், பல்வேறு சேவைகளுக்கான கட்டணத்தையும் உயர்த்த முயற்சி மேற்கொள்ளப்பட்டுள்ளது. பணிகள் குறித்த பட்டியலை தயார் செய்து, மின்வாரிய இணையதளத்தில் வெளியிட்டுள்ளது. மின்சார ஒழுங்கு முறை ஆணையத்திடம், கட்டணத்தை உயர்த்த வேண்டும் என முறையிட்டுள்ளது.இவை தவிர, மீட்டர் காப்பு கட்டணம், "செக்யூரிட்டி டெபாசிட்', அபிவிருத்தி கட்டணம் போன்றவையும் உயர்வதற்கு வாய்ப்புள்ளது. மின்வாரியம் வெளியிட்டுள்ள கட்டண உயர்வு கணக்கீடு பட்டியலில், மின்வாரிய ஊழியர்களின் பணிக்கு தகுந்தவாறு கட்டணம் கணக்கிடப்பட்டுள்ளது.தற்போது, மின் கணக்கீட்டாளர், "மீட்டர் ரீடிங்' எடுத்த நாளில் இருந்து, 20 நாளில் கட்டணம் செலுத்த வேண்டும். அவர் எப்போது "ரீடிங்' எடுத்தார் என்பதை கவனிக்காவிட்டால், பில்லில் அபராதம் சேர்ந்து விடுகிறது. மறு இணைப்பை பெற கணிசமான கட்டணம் உயர்த்த அனுமதி கேட்டுள்ளனர். பணியாளர் ஊதியம், வேலை நேரம் அடிப்படையில், கட்டணம் உயர்த்த திட்டமிட்டுள்ளனர்.இவ்வாறு அவர் கூறினார்.

நன்றி:- தினமலர்

ரசித்த கமெண்ட்

KudikaaraKuppamma - kabool,ஆப்கானிஸ்தான்

வராத தண்ணிக்கு வாய்க்கா வெட்டினானாம் வெட்டியான் ............இல்லாத கரன்ட்டுக்கு கட்டண உயர்வு.............

யினியவன் · யினியவன் Sun Oct 14, 2012 12:05 pm

பவர்ல இருக்கற அம்மா இந்த பவர்னாலையே
பவரில்லாம போகப் போறாங்க - அவங்க எப்படியோ
போகட்டும் - மக்களுக்கு பவர் பிரச்சினை தீருமா தீராதா?

balakarthik · balakarthik Sun Oct 14, 2012 12:17 pm

பவர் ஸ்டார்தான் பதில் சொல்லணும் தலைவா

யினியவன் · யினியவன் Sun Oct 14, 2012 12:45 pm

தமிழகத்தின் விடி வெள்ளி பவர் பிரச்சினை தீர்க்க
உதித்த பவர் ஸ்டாரின் ப்யூசைத் தான் புடுங்கிட்டாங்களே!!!

balakarthik · balakarthik Sun Oct 14, 2012 1:01 pm

விரைவில் பவர் ஒளிவெள்ளம் பாய்ச்ச பாய்ந்து வருவார்

Guest · Guest Sun Oct 14, 2012 1:30 pm

balakarthik wrote:விரைவில் பவர் ஒளிவெள்ளம் பாய்ச்ச பாய்ந்து வருவார்

அவர் சோலிய முடிகுரதுல குறியா இருங்க ..

balakarthik · balakarthik Sun Oct 14, 2012 1:34 pm

கூட்டல் குறியாகவா இல்லை கழித்தல் குறியாகவா இல்லை பெருக்கல் குறியாகவா இல்லை வகுத்தல் குறியாகவா எதுன்னு தெளிவாக சொல்லவும் - குறிப்பறிந்து குழி பறிக்கும் கும்மாச்சிகள் சங்கம் ஓமன் கிளை

Guest · Guest Sun Oct 14, 2012 1:39 pm

balakarthik wrote:கூட்டல் குறியாகவா இல்லை கழித்தல் குறியாகவா இல்லை பெருக்கல் குறியாகவா இல்லை வகுத்தல் குறியாகவா எதுன்னு தெளிவாக சொல்லவும் - குறிப்பறிந்து குழி பறிக்கும் கும்மாச்சிகள் சங்கம் ஓமன் கிளை

எல்லா குறியும் சேர்த்து சமன்பாடு ஆக்கி அவர சமன் செய்ய போறீங்க ...

யினியவன் · யினியவன் Sun Oct 14, 2012 2:34 pm

புரட்சி wrote:எல்லா குறியும் சேர்த்து சமன்பாடு ஆக்கி அவர சமன் செய்ய போறீங்க ...

இல்ல நல்லா சவரம் பண்ணிட்டு மக்கள் சபைக்கு வர சம்மன் அனுப்பப் போறோம்.

Sponsored content · Sponsored content

உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

Re: உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

Re: உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

Re: உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

Re: உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

Re: உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

Re: உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

Re: உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

Re: உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

Re: உயர்கிறது மின்பராமரிப்பு பணிகளுக்கான கட்டணம்: மின்சார வாரியம் மீண்டும் ஷாக்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக