அடுத்த ஆண்டு ஜூன் மாதம் வரை மின்வெட்டு நீடிப்பு

தமிழகத்தில், அடுத்த ஆண்டு ஜூன் மாதத்தில் தான், மின் வெட்டு தீரும்; மின் வெட்டு பிரச்னை நீடிப்பதற்கு மத்திய அரசு தான் காரணம்,'' என, தமிழக மின்சார துறை அமைச்சர், நத்தம் விஸ்வநாதன் தெரிவித்தார்.

கரூர் லோக்சபா தொகுதி, அ.தி.மு.க., செயல்வீரர்கள் கூட்டம், எம்.பி., தம்பிதுரை தலைமையில் நேற்று நடந்தது. இந்த கூட்டத்தில் மின்சார துறை அமைச்சர், நத்தம் விஸ்வநாதன் பேசியதாவது: இதுவரை, 18 லோக்சபா தொகுதிகளின், அ.தி.மு.க., செயல்வீரர்கள் கூட்டம் நடந்துள்ளது. இதில், பேசிய, அ.தி.மு.க., நிர்வாகிகள் அனைவரும் வைக்கும் ஒரே கோரிக்கை, மின்வெட்டு பிரச்னை தான். மின்வெட்டு பிரச்னையை தீர்க்க, மத்திய அரசிடம், முதல்வர் ஜெயலலிதா, 1,000 மெகாவாட் மின்சாரத்தை கூடுதலாகக் கேட்டார். ஆனால், மத்திய அரசு, தமிழகத்துக்கு வழங்க வேண்டிய, 2,950 மெகாவாட் மின்சாரத்தில், 1,100 மெகாவாட் மின்சாரத்தை குறைத்து விட்டது. அதே போல், மின்சார தேவைக்காக நிலக்கரி சுரங்கம் ஒன்றை, தமிழக அரசு கேட்டது. ஆனால், மத்திய அரசு ஒரு சுரங்கத்தை கொடுத்து விட்டு, அதில் நான்கு மாநிலங்களையும் சேர்த்து விட்டது. மொத்தம், 14.5 மில்லி யன் டன் நிலக்கரியை மத்திய அரசு வழங்க வேண்டும். ஆனால், அதில், 30 சதவீதத்தை, மத்திய அரசு குறைத்து விட்டது. இதனால், தமிழகத்தில் நிலவி வரும் மின்வெட்டு பிரச்னைகளுக்கு, தி.மு.க., ஆதரவோடு மத்தியில் உள்ள காங்கிரஸ் அரசு தான் காரணம். வடமாநிலத்தில் இருந்து மின்சாரத்தை கொண்டு வரலாம் என்றால், ஒரே ஒரு வழித்தடம் மட்டும் தான் உள்ளது.

தமிழகத்தில் இன்று நிலவி வரும் மின்வெட்டு பிரச்னைக்கும், அ.தி.மு.க., அரசுக்கும் எந்த தொடர்பும் இல்லை. ஜெயலலிதா முதல்வராக பொறுப்பேற்ற, 15 மாதங்களில், மின்வெட்டு பிரச்னையை தீர்க்க, பல திட்டங்களை அறிவித்து செயல்படுத்தி வருகிறார். மேட்டூரில் உள்ள புது தெர்மலில், 608 மெகாவாட் மின் உற்பத்தி துவங்கி உள்ளது. மேலும், வல்லூரில், 1,500 மெகாவாட் மின் உற்பத்தி விரைவில் துவங்கவுள்ளது. வட சென்னையில் தலா, 600 மெகாவாட் மின் உற்பத்தி செய்ய அமைக்கப்பட்ட, இரண்டு யூனிட்களில், அடுத்த ஆண்டு மார்ச் மாதம் ஒரு யூனிட்டும், ஆகஸ்ட் மாதம், இரண்டாவது யூனிட்டும் உற்பத்தியை துவங்கும். தமிழகத்தின் தற்போதைய பற்றாக்குறை, 3,000 முதல், 4,000 மெகாவாட் மின்சாரமாக உள்ளது. மேட்டூர், வல்லூர், வடசென்னையில் உள்ள யூனிட்கள் மூலம், 3,000 மெகாவாட் மின்சாரம் கிடைக்கும்.

கூடங்குளம் அணுமின் நிலையம் மூலம், 1,000 மெகாவாட் கிடைத்தால், தமிழகத்தில் அடுத்த ஆண்டு, ஜூன் மாதம் மின் வெட்டு பிரச்னை இருக்காது. இவ்வாறு அவர் பேசினார்.

நன்றி தினமலர்

மின் வெட்டு என்றும் இல்லையா கட் , இதான் வெரி குட்...........

ஓமன் கிளையும் இதற்க்கு வல்லிய ஆதரவை தருகிறது என்பதை மகிழ்ச்சியுடன் தெரிவித்துகொள்கிறேன்

balakarthik wrote:ஓமன் கிளையும் இதற்க்கு வல்லிய ஆதரவை தருகிறது என்பதை மகிழ்ச்சியுடன் தெரிவித்துகொள்கிறேன்

ஓ... பின்னே.....

கூடங்குளம் திறந்த உடனே 1000 மெகா வாட் கிடைக்கிற மாதிரியே பேசுறது.!

நத்தம் விஸ்வநாதன் , இந்த மாதிரி செய்திகளை பாதுகாப்பு அதிகாரிகள் அல்லது பத்திரிக்கை துறை நண்பர்களிடம் மட்டும் சொல்லுங்கள் ..

மேடை போட்டு சொல்லி செருப்படி , விளக்கமாறு அடி வாங்கி விடாதீர்கள் ..

இன்று காலையில் அமைச்சர் சொன்னதாக ஜனவரி மாதம் மின்வெட்டு நீடிப்பு சரி செய்யப்படும் என்று சொன்னதாக செய்தி படித்தேன்.
எது உண்மையோ?

அருண் wrote:இன்று காலையில் அமைச்சர் சொன்னதாக ஜனவரி மாதம் மின்வெட்டு நீடிப்பு சரி செய்யப்படும் என்று சொன்னதாக செய்தி படித்தேன்.
எது உண்மையோ?

தினம் தினம் சரியாகிடுமுனுத்தான் சொல்லுவாங்க ஆனா என்னைக்குமே சரியாகாது அருண்