கல்லூரியின் கடைசி நாளுக்காக...

by **அகல்** Sun Oct 14, 2012 10:47 am

ஒரு சில மணித் துளிகள்,
உங்கள் இதழ்கள் இதை வாசிக்கட்டும்.
இதயம் சற்று சுவாசிக்கட்டும்..!

"கனாக்காலம்"

ஆம்..!
இது ஒரு கனாக்காலம்..!

சிட்டாய்ச் சிறகடித்து திரிந்தகாலம்
பனைமரத்து தூக்கணாம் குருவிபோல,
தூளிகட்டி துள்ளிக் குதித்தகாலம்.
சிரிப்பொலியும், கொலுசொலியும்,
சில்லறை போல் சிதறிய காலம்..!

பல நேரத்தில், பலர் ஊட்டிய உணவுகள்,
உண்ட மயக்கத்தில் உறங்கிய மடிகள்,
ஊமையாய்ப் பேசிய ஆயிரம் பாஷைகள்,

சிறிய கோபத்திலும் சிவந்த கண்கள்,
தோல்வியின்போது தோல்கொடுத்த தோழர்கள்,
ஆசிரியர் மீது பாய்ந்த அம்புகள்,
கட் அடிப்பது முதல், கடலை போடுவது வரை,
அவரவர் தனித் திறமையை காட்டிய காலங்கள்..!

உண்மையைச் சொல்லப்போனால்..!

பல ஜோடிகளுக்கு,
கள்ளிச் செடியிலும் நெல்லிக் கனி
காய்த்த காலம் இது...
கல்லறையைக் கண்டாலும் - தாயின்
கருவறை போல் காட்சியளித்த காலமிது...
நிலத்தில் கால் வைத்து,
நிலவில் நீந்திய காலமிது..!

ஆனால், இன்று ஏனோ..!

என் இமைகள் உறங்க மறுக்கிறது
இதழ்கள் உணவை வெறுக்கிறது.
குருதியில் குதிரை ஓடும் சத்தம் கேட்டு,
மூளையும் முனு முணுக்கிறது...
மூச்சுக் காற்றும், முள் போல் குத்துகிறது.

பல கைகள் காணவில்லையே என
என் கை ரேகையும் கண்ணீர் வடிக்கிறது
என் பேனா முள் கூட,
"பிரிவு" எனும் வார்த்தையை,
உச்சரிக்க மறுக்கிறது..!

ஆம்..!

இனம்புரியாத துன்பத்தில் இமைகளை
மூடினேன் இரவில்,.
காலையில்..,
கண்ணில் பல கல்வெட்டுக் காயங்களை
காட்டியது கண்ணாடி பிம்பம்..

ஆனால்..,

அடித்தது புயலாயினும் (பிரிவு) - அது
அனைவருக்கும் மழையைப் (வேலை, வசதி) பொழியும்
என்ற நம்பிக்கையில்,...
இந்த இளம் நெஞ்சங்களுக்கு,
ஓர் இனிய வேண்டுகோள்...!

இரவில் உங்கள் இமைகள் உறங்கட்டும் - ஆனால்
இதயம் என்றும் சற்று, திறந்தே இருக்கட்டும்..!!

எனது வலைப்பூவில் காண

by **அகல்** Sun Oct 14, 2012 12:21 pm

நான் படித்த கல்லூரி...

by யினியவன் Sun Oct 14, 2012 12:44 pm

அருமை அந்தக் கடைசி நாள் நினைவு
அகல் - அகலவே அகலாது யாருக்குமே.

அந்த அரியர்ஸ் விஷயத்த மட்டும் சொல்ல மறந்துட்டீங்களே!!!

ஆவடியிலா இல்லை அன்னனூர்லயா அம்மா கல்லூரி?

by balakarthik Sun Oct 14, 2012 12:45 pm

யினியவன் wrote:ஆவடியிலா இல்லை அன்னனூர்லயா அம்மா கல்லூரி?

இது திருச்சி என்று நினைக்கிறேன்

by balakarthik Sun Oct 14, 2012 1:13 pm

கல்லூரி நாட்கள் எப்பவுமே இனிமைத்தான் அதிலும் என்னைபோன்றவர்களுக்கு எனா நாங்கலாம் கல்சுரல்சுனு சொல்லிட்டு ஊற ஏமாத்திகிட்டு புல் அட்டேநேன்ஸ் வாங்கிகிட்டு திரிஞ்சவங்க மீண்டும் பழைய நினைவுகளை நினைக்க வைத்ததற்கு நன்றி நான் கூட எனது கல்லூரி கல்சுரல்ஸ் அனுபவங்களை எப்பொழுதோ இங்கே பதிந்ததாக நினைக்கிறேன்

by Guest Sun Oct 14, 2012 1:38 pm

அருமை அகல் ,, காதல் காதல் (அது என்ன கீதல் , கீதா நு வேனா வச்சுக்கலாம் ) ஏதும் சுத்துநிங்களா அகல் ??

by **அகல்** Sun Oct 14, 2012 2:19 pm

balakarthik wrote:
யினியவன் wrote:ஆவடியிலா இல்லை அன்னனூர்லயா அம்மா கல்லூரி?

இது திருச்சி என்று நினைக்கிறேன்

ஆமங்க யினியன், பாலா.. இந்த கல்லூரி திருச்சில தான் இருக்கு...

by **அகல்** Sun Oct 14, 2012 2:20 pm

புரட்சி wrote:அருமை அகல் ,, காதல் காதல் (அது என்ன கீதல் , கீதா நு வேனா வச்சுக்கலாம் ) ஏதும் சுத்துநிங்களா அகல் ??

ஹ ஹ அப்டி எந்த நல்ல காரியமும் நடக்கல பாஸ் புன்னகை

by யினியவன் Sun Oct 14, 2012 2:21 pm

புரட்சி wrote:அருமை அகல் ,, காதல் காதல் (அது என்ன கீதல் , கீதா நு வேனா வச்சுக்கலாம் ) ஏதும் சுத்துநிங்களா அகல் ??

சுத்தாமலா வரி வரியா வரிசையா வருது கீதல் கவிதைகள்?

by **அகல்** Sun Oct 14, 2012 2:24 pm

யினியவன் wrote:
புரட்சி wrote:அருமை அகல் ,, காதல் காதல் (அது என்ன கீதல் , கீதா நு வேனா வச்சுக்கலாம் ) ஏதும் சுத்துநிங்களா அகல் ??
சுத்தாமலா வரி வரியா வரிசையா வருது கீதல் கவிதைகள்?

ஐயய்யோ சும்மா இருந்த வாயிக்கு அவல்(அவள் இல்ல புன்னகை

) கொடுத்த மாதிரி ஆயிப்போச்சே...