இது போதும் எனக்கு - புதியது

by **அகல்** Sat Oct 13, 2012 9:45 am

First topic message reminder :

குறிப்பு: "இதுபோதும் எனக்கு" எனும் வைரமுத்து அவர்களின் கவிதையின் தாக்கத்தில் நான் எழுதிய வரிகள் இவை. தலைப்பைத்தவிர மற்ற வரிகள் யாவும் எனது கற்பனையே..!

அடை மழையில்
சிறு குடைக்குள்
அன்பாக நீ
அணைக்க நான்.
இது போதும் எனக்கு..!

பனிபடர்ந்த மாலை நேரம்
பதமான குளிர்
நடை பாதைப் பயணம்
என் வலது கையில் நீ
உன் இடது கையில் நான்.
இது போதும் எனக்கு..!

காஞ்சிவரப்பட்டு
கண்ணாடி வளையல்
கழுத்தோரம் கருகமணி
மனம்மயக்கும் மதுரை மல்லி
வெள்ளிக் கொலுசு
அடி நெற்றியில் குங்குமம்
அதற்குமேலே சந்தனம்
பகலில் இதை அணிய நீ
இரவில் அதை களைய நான்.
இது போதும் எனக்கு..!

அதிகாலை நேரம்
ஆவி பறக்கும் காபி
அழுக்கு வாயால் உனக்கோர் முத்தம்
அதை அதட்டும் உன் இதழ்கள்.
இது போதும் எனக்கு..!

நாம் கொண்ட அன்பு
அதில் நீ கொண்ட தாய்மை
தாய்மை நாளின் தவிப்பு
உன் மாலை நேர களைப்பு
மெட்டியிட்ட உன் விரல்கள்
அதில் நெட்டி எடுக்க நான்.
இது போதும் எனக்கு..!

உன்கையில் ஒருபிடி சோறு
நெற்றியில் தரும் ஒற்றை முத்தம்
சுகத்தில் சாய உன் மடி
சோகத்தில் சாய உன் மார்பு
இது போதும் எனக்கு..!

மாலை நேரம்
திறந்த புல்வெளி
தலை கோதும் உன் விரல்கள்
உன் மடியில் நான்.
இது போதும் எனக்கு..!

நவம்பர் மாத நடுக்கம்
ராத்திரி நேர உறக்கம்
நடு இரவில் விழிப்பு
என் நெஞ்சுக்குள் நீ.
இது போதும் எனக்கு..!

எனது வலைப்பூவில் காண

by **அகல்** Sat Oct 13, 2012 12:03 pm

புரட்சி wrote:வரிகள் அருமை அகல் ..

தங்களின் கருத்திற்கு மிக்க நன்றி புரட்சி அவர்களே..

by கோபாலன் Sat Oct 13, 2012 1:11 pm

நல்லதொரு வாழ்க்கை அனுபவம்... நன்றாக இருந்தது கவிதை.

இது நன்றென எடுத்தியம்ப முடியவில்லை..அத்தனையும் அருமை..இதுபோதும் எனக்கு இதுபோதும் எனக்குன்னு எல்லாமே சொல்லிட்டீங்க..போங்க

by **ஜாஹீதாபானு** Sat Oct 13, 2012 1:59 pm

அருமையான வரிகள்

by **அகல்** Sat Oct 13, 2012 2:01 pm

கோபாலன் wrote:நல்லதொரு வாழ்க்கை அனுபவம்... நன்றாக இருந்தது கவிதை.

தங்கள் கருத்திற்கு நன்றிகள் பல கோபாலன் புன்னகை

by **அகல்** Sat Oct 13, 2012 2:03 pm

காயத்ரி வைத்தியநாதன் wrote:இது நன்றென எடுத்தியம்ப முடியவில்லை..அத்தனையும் அருமை..இதுபோதும் எனக்கு இதுபோதும் எனக்குன்னு எல்லாமே சொல்லிட்டீங்க..போங்க

ரொம்ப நன்றி காயத்ரி புன்னகை

.. மற்ற எனது பதிவுகளையும் பார்க்கவும்...

by **அகல்** Sat Oct 13, 2012 2:04 pm

ஜாஹீதாபானு wrote:அருமையான வரிகள்

நன்றிகள் அன்பரே ஜாஹீதாபானு புன்னகை

by லோகு Sat Oct 13, 2012 9:40 pm

அகல் wrote:
லோகு wrote:காஞ்சிவரப்பட்டு
கண்ணாடி வளையல்
கழுத்தோரம் கருகமணி
மனம்மயக்கும் மதுரை மல்லி
வெள்ளிக் கொலுசு
அடி நெற்றியில் குங்குமம்
அதற்குமேலே சந்தனம்
பகலில் இதை அணிய நீ
இரவில் அதை களைய நான்.
இது போதும் எனக்கு..!

எனக்கு பிடித்த வரிகள்...! அற்புதம்.....!!!
நன்றிகள் லோகு... ஆனாலும் தேவையான வரிகளைத்தான் தேர்ந்தேடுக்கிரிங்க

குறும்பு....................!!!!