அன்பு மகனுக்கு அப்பா எழுதுவது….!

**krishnaamma** · **krishnaamma** Fri Oct 12, 2012 12:05 am

அன்பு மகனுக்கு அப்பா எழுதுவது….!

வசதியாகத்தான் இருக்கிறது மகனே…
நீ கொண்டு வந்து சேர்த்த முதியோர் இல்லம்
பொறுப்பாய் என்னை ஒப்படைத்து விட்டு சலனமின்றி நீ
வெளியேறிய போது, முன்பு நானும்
இது போல் உன்னை வகுப்பறையில் விட்டு விட்டு
என் முதுகுக்குப் பின்னால் நீ கதறக் கதறக்
கண்ணீரை மறைத்தபடி புறப்பட்ட காட்சி
ஞாபகத்தில் எழுகிறது!

அன்பு மகனுக்கு அப்பா எழுதுவது….! Father-son-sunrise

அன்பு மகனுக்கு அப்பா எழுதுவது….! Father-son-sunrise

முதல் தரமிக்க இந்த இல்லத்தை தேடித் திரிந்து
நீ தேர்ந்தெடுத்ததை அறிகையில்கூட
அன்று உனக்காக நானும் பொருத்தமான பள்ளி
எதுவென்றே ஓடி அலைந்ததை ஒப்பீடு செய்கிறேன்!

. அன்பு மகனுக்கு அப்பா எழுதுவது….! Old-man-hand

அன்பு மகனுக்கு அப்பா எழுதுவது….! Old-man-hand

இதுவரையில் ஒருமுறையேனும் என் முகம் பார்க்க
நீ வராமல் போனாலும் என் பராமரிப்பிற்கான
மாதத் தொகையை மறக்காமல்
அனுப்பி வைப்பதற்காக மனம் மகிழ்ச்சியடைகிறது
நீ விடுதியில் தங்கிப் படித்த காலத்தில்
உன்னைப் பார்க்க வேண்டும் என்ற ஆவல் இருந்தாலும்
படிப்பை நினைத்து உன்னை சந்திக்க மறுத்ததன்
எதிர்வினையே இதுவென்று இப்போது அறிகிறேன்!

அன்பு மகனுக்கு அப்பா எழுதுவது….! Hate-u-father

அன்பு மகனுக்கு அப்பா எழுதுவது….! Hate-u-father

இளம் வயதினில் நீ சிறுகச் சிறுக சேமித்த அனுபவத்தை
என் முதுமைப் பருவத்தில் மொத்தமாக எனக்கே
செலவு செய்கிறாய் ஆயினும்… உனக்கும் எனக்கும்
ஒரு சிறு வேறுபாடு நான் கற்றுக்கொடுத்தேன் உனக்கு…
வாழ்க்கை இதுதானென்று!
நீ கற்றுக் கொடுக்கிறாய் எனக்கு…
உறவுகள் இதுதானென்று!

இந்தக் கவிதையைப் படித்ததும் கண்கள் குளமாகின்றது..
எவ்வளவு யதார்த்தமும் வலியும் இந்தக் கவிதையில்
அடங்கியுள்ளது.

நன்றி : பிராமின் நெட்

**அகல்** · **அகல்** Fri Oct 12, 2012 12:08 am

உண்மை.. அருமையான கவிதை...!

இந்த பதிவைத் துவங்கியவர் நன்றி கூறியுள்ளார் அகல்

**krishnaamma** · **krishnaamma** Fri Oct 12, 2012 12:14 am

அகல் wrote:உண்மை.. அருமையான கவிதை...!

ஆமாம் படிக்கும் போதே மனம் கனக்கிறது சோகம்

**அகிலன்** · **அகிலன்** Fri Oct 12, 2012 1:00 am

எல்லா பெற்றோருக்கும் தங்கள் பிள்ளைகள் மீது அளவிலா அன்பு இருக்கிறது ஆனால் அந்த அன்பை பிள்ளைகள் உணர்ந்து கொள்ளக்கூடியதாக வெளிப்படுத்த தவறுவதால், வயதான பெற்றோரின் உணர்வுகளை பிள்ளைகள் புரிந்து கொள்ளுவதில்லை.
நல்ல விஷயத்தை எங்களுக்கு உணர்த்தினீர்கள் அம்மா.

**ரா.ரா3275** · **ரா.ரா3275** Fri Oct 12, 2012 1:02 am

அடடா...யதார்த்தம்-நேர்மறை சிந்தனைப் பேசும் கவிதை...
இருந்தும் ஒவ்வொரு வார்த்தையிலும் ஊசி செருகப்பட்டிருக்கிறது...
அவ்வூசி உள்ளுக்குள் ஆழமாய் ஊடுருவி அடர்த்தியாய்க் குத்தி நிற்கிறது...
ரத்தம் பீறிடாமல் ரண வேதனையை மட்டும் ரகசியமாக உணர்த்துகிறது...
எழுதியவரின் வார்த்தைகளில் வேண்டுமானால் எளிமை இருக்கலாம்...ஆனால் எழுத்தில் போ(பொ)தித்திருக்கும் உணர்வுகள் ஒவ்வொன்றும் அடர்வோ அடர்வு மிக்கவை...

பகிர்வுக்கு நன்றி கிருஷ்ணாம்மா அவர்களே...

badri7986 · badri7986 Fri Oct 12, 2012 4:38 am

கடைசி வரி, பல கருத்துகளை தூண்டி விடுகிறது, மிக நல்ல கவிதை ...

**மாணிக்கம் நடேசன்** · 14/12/2009

ஒரு சில பிள்ளைகள் செய்யும் இது போன்ற தவறுகளால் எல்லா பிள்ளைகளுக்கும்
கெட்ட பெயர் வந்து சேருகிறது.
முதியோர் இல்லங்களில் விடப்படும் பெற்றோர்களின் எண்ணிக்கை சிறிதளவுதான் என்பதை நாம் உணர வேண்டும்.
பல பிள்ளைகள் தங்களது பெற்றோர்களை இறுதி வரை கண்ணுங் கருத்துமாக கவனித்து வருவது நமது கண்களுக்கு ஏன் தெரிவதில்லை.
முதியோர் இல்லங்களில் விடப்படும் பெற்றோர்களுக்காக நான் எனது வருத்தத்தை இதன் வழி சமர்ப்பிக்கிறேன்.

**அகல்** · **அகல்** Fri Oct 12, 2012 10:40 am

மாணிக்கம் நடேசன் wrote:ஒரு சில பிள்ளைகள் செய்யும் இது போன்ற தவறுகளால் எல்லா பிள்ளைகளுக்கும்
கெட்ட பெயர் வந்து சேருகிறது.
முதியோர் இல்லங்களில் விடப்படும் பெற்றோர்களின் எண்ணிக்கை சிறிதளவுதான் என்பதை நாம் உணர வேண்டும்.
பல பிள்ளைகள் தங்களது பெற்றோர்களை இறுதி வரை கண்ணுங் கருத்துமாக கவனித்து வருவது நமது கண்களுக்கு ஏன் தெரிவதில்லை.
முதியோர் இல்லங்களில் விடப்படும் பெற்றோர்களுக்காக நான் எனது வருத்தத்தை இதன் வழி சமர்ப்பிக்கிறேன்.

//முதியோர் இல்லங்களில் விடப்படும் பெற்றோர்களின் எண்ணிக்கை சிறிதளவுதான் என்பதை நாம் உணர வேண்டும்//எண்ணிக்கை சிறிதாயினும் அதன் வலி பெரிது ஐயா.. இங்கு வலியின் ஆழம் தான் பார்க்க வேண்டிய ஒன்று எண்ணிக்கை அல்ல. இது என் தாழ்மையான கருத்து..

**மாணிக்கம் நடேசன்** · 14/12/2009

உங்கள் கருத்தும் ஏற்றுக் கொள்ள வேண்டியதுதான்.
கருத்துக்கு நன்றி சார்.

**krishnaamma** · **krishnaamma** Fri Oct 12, 2012 5:54 pm

அகிலன் wrote:எல்லா பெற்றோருக்கும் தங்கள் பிள்ளைகள் மீது அளவிலா அன்பு இருக்கிறது ஆனால் அந்த அன்பை பிள்ளைகள் உணர்ந்து கொள்ளக்கூடியதாக வெளிப்படுத்த தவறுவதால், வயதான பெற்றோரின் உணர்வுகளை பிள்ளைகள் புரிந்து கொள்ளுவதில்லை.
நல்ல விஷயத்தை எங்களுக்கு உணர்த்தினீர்கள் அம்மா.

ஆமாம் அகிலன் , உண்மையை சொல்கிறிர்கள் புன்னகை

Sponsored content · Sponsored content

அன்பு மகனுக்கு அப்பா எழுதுவது….!

அன்பு மகனுக்கு அப்பா எழுதுவது….!

Re: அன்பு மகனுக்கு அப்பா எழுதுவது….!

Re: அன்பு மகனுக்கு அப்பா எழுதுவது….!

Re: அன்பு மகனுக்கு அப்பா எழுதுவது….!

Re: அன்பு மகனுக்கு அப்பா எழுதுவது….!

Re: அன்பு மகனுக்கு அப்பா எழுதுவது….!

Re: அன்பு மகனுக்கு அப்பா எழுதுவது….!

Re: அன்பு மகனுக்கு அப்பா எழுதுவது….!

Re: அன்பு மகனுக்கு அப்பா எழுதுவது….!

Re: அன்பு மகனுக்கு அப்பா எழுதுவது….!

Re: அன்பு மகனுக்கு அப்பா எழுதுவது….!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக