அக்டோபர் மாதத்திற்கான துல்லியமான கணிப்புகளும் எளிய பரிகாரங்களும்!

by **சிவா** Wed Oct 10, 2012 3:45 pm

First topic message reminder :

மேஷம் - அஸ்வினி, பரணி, கார்த்திகை 1ஆம் பாதம்

இந்த மாதம் ராசிநாதன் செவ்வாயை குரு பார்வையிடுவதால் உத்தியோகஸ்தர்கள் இடமாற்றம், பதவி உயர்வு போன்ற நன்மைகளை அடைவர். உயர் அதிகாரிகளின் ஆதரவு இருந்து வரும். அலுவலகச் சூழல் உற்சாகமாக இருக்கும்.

தொழிற்பிரிவினர் நல்ல முன்னேற்றத்தைக் காண முடியும். வியாபாரிகள் குதூகலம் அடையக்கூடிய வகையில் வியாபாரம் சிறப்பாக நடைபெறும்.

கலைஞர்கள் பிரபல நிறுவனங்களின் வாய்ப்புகளைப் பெறுவீர்கள். சிலர் பரிசுகள், பாராட்டுகள் எனப் பெறவும் இடமுண்டு. மாணவர்கள் தேர்வுகளில் முன்னணி இடம் பெறத் தகுந்த சுறுசுறுப்புடனும் துடிப்புடனும் விளங்குவார்கள்.

பெண்களுக்கு குறை என்று சொல்லுமளவில் எதுவுமே இல்லாததால் மகிழ்ச்சிக்குக் குறைவிராது. குடும்பநிலையில் கணவன்-மனைவியிடையே குதூகலம் நிரம்பிக் காணப்படும். விலகிச் சென்றவர்கள் விரும்பித் திரும்பி வருவார்கள். பயணம் ஒன்றை மேற்கொள்ள நேருமாயினும் அதனால் பயன் எதுவும் இராது.

பரிகாரம்: செவ்வாய், வெள்ளிக்கிழமைகளில் துர்க்கைக்கு விளக்கேற்றி வணங்கி வாருங்கள். உங்கள் சிரமங்கள் நீங்கி, சுபிட்சம் உண்டாகும்.

by **சிவா** Wed Oct 10, 2012 3:51 pm

கும்பம் - அவிட்டம் 3,4ம் பாதங்கள், சதயம், பூரட்டாதி 1,2,3ம் பாதங்கள்

இந்த மாதம் பூர்வபுண்யஸ்தானாதிபதி புதன், பாக்யஸ்தானத்தில் சஞ்சரிப்பதால் உத்தியோகஸ்தர்கள் எதிர்பார்த்த இடமாற்றம், பதவி உயர்வு பெறுவீர்கள். தொழிற்பிரிவினர் வளர்ச்சிப் பாதையில் நடைபோடுவீர்கள். நிலுவையில் இருந்த தொகையை வசூலிப்பதில் நிதானம் தேவை.

கலைஞர்கள் ஓரிரு புதிய வாய்ப்புகளைப் பெற்று மகிழ்வீர்கள். மாணவர்களின் படிப்பார்வத்தைக் கண்டு பெற்றோர் பரவசமடைவார்கள்.

வியாபாரிகள் ஓரளவு திருப்தியடையக்கூடிய வகையில் வியாபாரம் சுமாராக நடைபெறும். இருப்பினும் வாடிக்கையாளர்களிடையே ஆதரவு கூடும். குடும்பத்தில் சில சலசலப்புகள் ஏற்பட்டாலும் பெண்கள் அதைத் திறமையாகச் சமாளித்து விடுவீர்கள்.

குடும்ப நிலையில் கணவன் - மனைவியிடையே சுமுகமான போக்கு இருந்து வரும். மங்களகரமான பொருட்கள் வாங்கும் வாய்ப்பைப் பெறுவீர். ஒரு சுபகாரியத்தைப் பற்றி முடிவு செய்யக்கூடிய சந்தர்ப்பம் உண்டாகும்.

பரிகாரம்: சனீஸ்வரப் பகவானுக்கு சனிக்கிழமை தோறும் எள்தீபம் ஏற்றி வைத்து வணங்குவதுடன், எள்ளன்னம் நைவேத்தியம் செய்து அதை ஏழைகளுக்கு தானம் செய்து வாருங்கள். உங்கள் இன்னல்கள் அகன்று, இனிய வாழ்வு மலரும்.

by **சிவா** Wed Oct 10, 2012 3:52 pm

மீனம் - பூரட்டாதி 4ம் பாதம், உத்திரட்டாதி, ரேவதி

இந்த மாதம் ஆறாம் பாவாதிபதி சூரியன், ஜன்மராசியைப் பார்வையிடுவதால் உத்தியோகஸ்தர்கள் இடமாற்றம், பதவி உயர்வு போன்ற முயற்சிகள் பயன் தராது. உயர் அதிகாரிகளின் ஆதரவைப் பெறுவதிலேயே கவனம் செலுத்துங்கள். தொழிற்பிரிவினர் ஓரளவு வளர்ச்சியையும் வருமானப் பெருக்கத்தையும் காண்பீர்கள். பணபரிவர்த்தனையில் நிதானப்போக்கு அவசியம். மாணவர்கள் படிப்பில் தீவிர கவனம் செலுத்தவேண்டும். தேவையற்ற சச்சரவுகளில் ஈடுபடுவதைத் தவிர்க்கவும்.

கலைஞர்கள், சக கலைஞர்களின் போட்டிகளைக் கடந்து சில புதிய வாய்ப்புகளைப் பெறுவீர்கள். வியாபாரம் சுமாராகத்தான் இருக்கும் என்பதால் வியாபாரிகள் மகிழ்ச்சியடைய வாய்ப்பில்லை.

ஆடை, ஆபரணங்களை வாங்கி அணிவதால் பெண்கள் மகிழ்ச்சி கொள்வர். குடும்ப நிர்வாகத்திலும் நற்பெயர் பெறுவீர்கள். குடும்ப நிலையில் கணவன்-மனைவியிடையே இணக்கமான போக்கு நிலவி வரும். பழைய நண்பர்கள் சிலரைத் திடீரென்று சந்திப்பீர்கள். அரசு வழியில் சில ஆதாயங்களை அடைவீர்கள். உல்லாசப் பயணம் ஒன்றை மேற்கொள்வீர்கள்.

பரிகாரம்: “சண்முகக் கவசம்’ தினமும் பாராயணம் செய்து வருவதுடன் சிவப்பு மலர்களால் முருகப் பெருமானை அர்ச்சித்து வாருங்கள். உங்கள் துன்பங்கள் விலகி, செழிப்பு கூடும்.

கணித்தவர்: கண்ணன் பட்டாச்சார்யா!!

by Sponsored content

அக்டோபர் மாதத்திற்கான துல்லியமான கணிப்புகளும் எளிய பரிகாரங்களும்!

அக்டோபர் மாதத்திற்கான துல்லியமான கணிப்புகளும் எளிய பரிகாரங்களும்!

Re: அக்டோபர் மாதத்திற்கான துல்லியமான கணிப்புகளும் எளிய பரிகாரங்களும்!

Re: அக்டோபர் மாதத்திற்கான துல்லியமான கணிப்புகளும் எளிய பரிகாரங்களும்!

Re: அக்டோபர் மாதத்திற்கான துல்லியமான கணிப்புகளும் எளிய பரிகாரங்களும்!