இது கிராமத்து காதல்

**அகல்** · **அகல்** Wed Oct 10, 2012 12:26 pm

First topic message reminder :

ஒரு கிராமத்து காதலி, தனது காதலனை காண வருவதாய் சொல்லிவிட்டு வர இயலாத காரணத்தையும், அவன் மீது அவள் கொண்ட அழமான அன்பினையும் அவளது வழக்கு மொழியிலேயே வெளிப்படுத்தும் விதமாக எழுதப்பட்டது. கிராமத்து வழக்குமொழியில் எனது முதல் கவிதை.

ஆத்தங்கர ஓரத்துல
அந்தி சாயும் நேரத்துல
காத்து கெடப்பீக
கண்சிமிட்ட மறப்பீக..

தூது சொல்ல ஆளுமில்ல
தோழி இப்ப பக்க மில்ல..
சேதி சொல்லுஞ் சின்னப் புள்ள(தங்கை)
எதிரியானா என் அப்பன் சொல்ல..

இப்ப, செங்காத்தும் வீசுதய்யா
உம் செவி சாச்சு கேளுமய்யா,
பொச கெட்ட இவ மனசில்
புயலடிக்கும் சேதி சொல்லும்..

உயிரோட உயிர் சேந்து
உன் கூட வாழுரப்ப,
புரியாத என் அப்பன்
புது வரன கூட்டி வந்தான்..

அவன்,
அரும்பு மீசைக்காரன்
ஆளு ரொம்ப கெட்டிக்காரன்
ஜல்லிக்கட்டு காளனாலும்
மல்லுக் கட்டும் வீரனவன்

மிடுக்கான பார்வையிலே
மீன் கொத்தும் தூண்டி லவன்
சொடுக்கு போட்டதுமே
சொர்க்கங் காட்டும் சொத்துக் காரன்,
இப்படித் தான் சொல்லுறாக
என் ஊரில் எல்லாரும்...

ஆனா
நீர் காலையில கலப்ப கட்டி
காணி யெல்லாம் உழுது புட்டு,
களச்சு போன உமக்கு கொஞ்சம்
கம்மக் கூழு குடுக்குரப்ப..,

ஒரு வாயி ஊட்டி விட்டு
உசுர கொள்ளும் உன் அன்ப,
கோடி கொட்டிக் கொடுத்தாலும்
கொடுப்பானா இவஞ்சொல்லு..?

என் கண்ணெதிரே நிக்கிறவன்
கருங் கல்லா தெரியி றான்யா.
கண்ணுக் கெட்ட தூரத்துல
காத்துகிட்டு நீ இருந்தும்,
என் கண்டாங்கி சேலையாகி
என்னக் கட்டிக்கிட்டு நிக்கிரய்யா..

பொழுது நல்லா சாஞ்சு போச்சு
திரி விளக்கும் ஏத்தியாச்சு.
தூது சொல்ல ஆளில்லா
துரதிஷ்ட வதி யானே.

நல்லாப் போய் தூங்கு மைய்யா
நாள வந்து பாப்பே னய்யா..
இப்ப, தூக்கம் வந்து சொக்கியதும்
சொப்பனத்தில் சேர்வோமய்யா..!

எனது வலைப்பூவில் பார்க்க: கவிதைகள்

**சிவா** · **சிவா** Wed Oct 10, 2012 3:59 pm

ஒரு வில்லேஜ் விஞ்ஞானி போல் கிராமத்துக் காதலை மிக அழகாக ஆழமாக அகழ்வாராய்ச்சி செய்து எழுதியுள்ளீர்கள்!

பாராட்டுக்கள்.

**அகல்** · **அகல்** Wed Oct 10, 2012 4:40 pm

சிவா wrote:ஒரு வில்லேஜ் விஞ்ஞானி போல் கிராமத்துக் காதலை மிக அழகாக ஆழமாக அகழ்வாராய்ச்சி செய்து எழுதியுள்ளீர்கள்!

பாராட்டுக்கள்.

எதோ நம்மால முடிஞ்சது.. நன்றிகள் பல நண்பரே...

Guest · Guest Wed Oct 10, 2012 4:59 pm

அருமை நண்பா அகல் ..

இந்த பதிவைத் துவங்கியவர் நன்றி கூறியுள்ளார் Guest

**அகல்** · **அகல்** Wed Oct 10, 2012 6:31 pm

புரட்சி wrote:அருமை நண்பா அகல் ..

மிக்க நன்றி நண்பரே புரட்சி புன்னகை

chinnavan · chinnavan Sat Feb 23, 2013 5:09 pm

அகல் கலக்கிவிட்டீர்கள் அருமையான காதல் கவிதை, தொடருங்கள் இது போன்ற படைப்புகளை அருமையிருக்கு

17/02/2013

எனக்கு எழுதத் தெரியாது ஆனால் ரசிக்கத்தெரியும் ரசித்தேன்

Sponsored content · Sponsored content

இது கிராமத்து காதல்

இது கிராமத்து காதல்

Re: இது கிராமத்து காதல்

Re: இது கிராமத்து காதல்

Re: இது கிராமத்து காதல்

Re: இது கிராமத்து காதல்

Re: இது கிராமத்து காதல்

Re: இது கிராமத்து காதல்

Re: இது கிராமத்து காதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக