அரங்கேறும் சொற்கள் – கண்ணதாசன்

**சிவா** · **சிவா** Tue Oct 09, 2012 12:34 am

கன்று தான் சிங்கம் என்பான்
கரடிதான் கலைமான் என்பான்
பன்றிதான் யானை என்பான்
பருந்து தான் மஞ்ஞ என்பான்
அன்றிலே காக்கை என்பான்
ஆமென்பார் சபையிலுள் ளோர்;
வென்றவன் சொல்வ தெல்லாம்
வேதமல் லாமல் என்ன?

பள்ளமே இமயம் என்பான்
பாட்டியே குமரி என்பான்
வெள்ளியே ஈயம் என்பான் ;
வெந்தயம் இனிக்கும் என்பான்;
கள்ளியே முல்லை என்பான்
கண்ணாலே கண்டேன் என்பான்;
உள்ளவன் சொல்வ தெல்லாம்
உண்மையல் லாமல் என்ன?

நதிபோகும் திசையை மாற்றி
நடக்கட்டும் வடக்கே என்பான்
மதியம் தன்வானை விட்டு
மண்ணிலே வீழட்டும் என்பான்
இதுமுதல் கடல்நீ ரெல்லாம்
இனிக்கட்டும் தேன் போல் என்பான்
அதிகாரி போடும் ஆணைக்கு
அடங்காமல் வேறென் செய்ய?

சொல்லுவார் வார்த்தை யாவும்
தொல்புவி ஏற்பதில்லை
செல்வர்கள் வெற்றி பெற்றோர்
தினஏடு கையில் உள்ளோர்
வல்லவர் பதவி கொண்டோர்
வார்த்தையே அரங்கம் ஏறும்
நல்லவர் சொற்கள் ஏறும்
நாளொன்று வருமா தாயே?

பூவன் · பூவன் Tue Oct 09, 2012 12:41 am

நாளொன்று நிச்சயம் வரும் ....
சூப்பருங்க

யினியவன் · யினியவன் Tue Oct 09, 2012 12:42 am

சூப்பர் வரிகள்.

கவிஞருடைய சொல்லாவது அரங்கேறியதில் சந்தோஷம் நமக்கு.

பூவன் · பூவன் Tue Oct 09, 2012 12:44 am

வெல்லும் சொல் என்றும் அரங்கேறும் ....

**கரூர் கவியன்பன்** · 23/09/2012

அரங்கேறும் செற்கள் அரங்கேறும் நாள் சீக்கிரமே வரும்

தா.கமலக்கண்ணன் · 18/09/2012

ஒரு சொல் வெல்லும் ஒரு சொல் கொல்லும் ஆனால் உங்கள் சொல் வென்றுவிட்டது

Sponsored content · Sponsored content

அரங்கேறும் சொற்கள் – கண்ணதாசன்

அரங்கேறும் சொற்கள் – கண்ணதாசன்

Re: அரங்கேறும் சொற்கள் – கண்ணதாசன்

Re: அரங்கேறும் சொற்கள் – கண்ணதாசன்

Re: அரங்கேறும் சொற்கள் – கண்ணதாசன்

Re: அரங்கேறும் சொற்கள் – கண்ணதாசன்

www.karurkaviyanban.blogspot.in

Re: அரங்கேறும் சொற்கள் – கண்ணதாசன்

Re: அரங்கேறும் சொற்கள் – கண்ணதாசன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக