தலைக்கு உள்ளே ஒன்றும் இல்லாதவர்களுக்கு ஆயுள் அதிகம்.

by **அகிலன்** Mon Oct 08, 2012 2:56 pm

தலைக்கு உள்ளே ஒன்றும் இல்லாதவர்களுக்கு ஆயுள் அதிகம்.
இப்படி நான் சொல்லவில்லை நாலடியார் இல் சொல்லப்பட்டிருக்கிறது.
நான் அதை கொஞ்சம் எளிய தமிழில் புரிந்து கொள்ளக்கூடியது மாதிரி சொன்னேன் அவ்வளவுதான்.

பல்லான்ற கேள்விப் பயனுணர்வார் வீயவும்
கல்லாதார் வாழ்வ தறிதிரேல் - கல்லாதார்
சேதனம் என்னுமச் சேறகத் தின்மையால்
கோதென்று கொள்ளாதாம் கூற்று.

பொருள் -
பல் ஆன்ற கேள்விப்பயன் உணர்வார் வீயவும் கல்லாதார் வாழ்வது அறிதிரேல் - பலவகைப்பட்ட பரந்த நூற்கேள்விகளின் பயனை அறிந்தொழுகுங் கற்றோர் உலகில் விரைவில் இறக்கவும் கல்லாதார் நீடு வாழ்வது எங்ஙனமென்று கருதுவீர்களானால்; (அதற்குக் காரணம்) சேதனம் என்னும் அசசேறு அகத்து இன்மையால் கோது என்று கொள்ளாதாம் கூற்று - அறிவென்னும் அப்பிழிவு அவர்கள் உள்ளத்தில் இல்லாமையால் அவர்களை வெறுங்கோது என்று கருதிக் கழித்துவிடுவான் கூற்றுவன் என்பது.

அப்படி என்றால் கல்வி கற்காமல் இருந்தால் நீண்டகாலம் வாழலாம் என்று நினைக்கக்கூடாது.
நிறைய கற்றால் எங்களை எல்லோருக்கும் பிடிக்கும் (யமனுக்குக்கூட) என்று நினைத்து படிக்க வேண்டும்.

by **மாணிக்கம் நடேசன்** Mon Oct 08, 2012 3:14 pm

அதுக்கு போய் என்ன வச்சி இப்படி காமடி பண்ணப்படாது சார், இது உங்களுக்கே சரியா படுதா, இது கூடவா எனக்கு தெரியாது, என்ன தான் சொல்லுரீங்கன்னு. என்ன அடிக்கடி இப்படி விளம்பரப்படுத்துர உங்களுக்கு மிக்க நன்றி சார்.

by **அகிலன்** Mon Oct 08, 2012 3:30 pm

மாணிக்கம் நடேசன் wrote:அதுக்கு போய் என்ன வச்சி இப்படி காமடி பண்ணப்படாது சார், இது உங்களுக்கே சரியா படுதா, இது கூடவா எனக்கு தெரியாது, என்ன தான் சொல்லுரீங்கன்னு. என்ன அடிக்கடி இப்படி விளம்பரப்படுத்துர உங்களுக்கு மிக்க நன்றி சார்.

உங்களுடைய புத்திசாலித்தனத்துக்கு ஒரு பரீட்சை வைச்சுப்பார்த்தன்.
நீங்க தேறிற்றிங்க .
வாழ்த்துக்கள்.