10-ல், 10-ம், 10-வது = எது சரி?

**சாமி** · **சாமி** Tue Sep 18, 2012 10:54 am

யாரோ எதனாலோ, எப்போதோ வழுக்கி விழுந்த பின்வரும் இடங்களில் நாமும் நம் சோம்பலால் வழுக்கி விழுந்து கொண்டே இருக்கிறோம்.
10-ல், 10-ம், 10-வது
மேல் உள்ளவாறு எழுதுவது எவ்வளவு பெரிய தவறு என்பதை அவற்றை முழுமையாக எழுத்தால் எழுதிப் பார்த்தால் விளங்கும்.

10-ல் இதை முழுமையாக எழுத்து வடிவத்திலேயே எழுதினால் பத்து+ல் = "பத்துல்' என்று தானே எழுத வேண்டும். இதைப் படித்துப் பாருங்கள். பத்துல் என்றுதானே வருகிறது. பத்தில் என்று நினைத்துக்கொண்டு எழுதும் நாம், பத்துல் என்று எழுதுகிறோமே இது முறைதானா?

அவ்வாறே பத்தாம் வகுப்பு என்று எழுதும் போதும் 10-ம் என்று எழுதுகிறோமே, இதையும் மேற்கூறியவாறு முழுமையாக எழுத்து வடிவில் எழுதிப்பார்த்தால் "பத்தும் வகுப்பு' என்றாதானே வருகிறது. ஆகவே, இவற்றை முறையே 10-இல், 10-ஆம் என்றுதான் எழுத வேண்டும். எழுத்தில் முழுமையாக எழுதினால் இந்தச் சிக்கலே வராது. எண்ணும் எழுத்தும் கலந்து எழுதப்படும் போதுதான் இச்சிக்கல் வருகிறது.

இவ்வாறே 10-கு என்று எழுதினால் "பத்துகு' என்றுதானே வரும். ஆகவே, இதைச் சரியாக எழுத வேண்டுமானால் 10-க்கு என்று எழுதுவதே சரி. எனவே, இத்தகைய இடங்களில் நமக்கு ஐயம் வரும்போது அப்பகுதியை முழுமையாக எழுத்து வடிவில் எழுதிப் பார்த்தால் ஐயம் தெளிந்து கொள்ளலாம்.

10-ஆம் வகுப்பு என்று எழுதுவதைக் கைவிட்டுச் சிலர் 10-வது வகுப்பு என்று எழுதுகிற வழக்கத்தை மேற்கொள்கின்றனர். இதை முழுமையாக எழுத்தால் எழுதினால் பத்து+வது = பத்துவது வகுப்பு என்றுதானே வரும். ஆகவே, அதனை 10-ஆவது என்று எழுதுவதே சரி. இதில் நாம் தெரிந்துகொள்ள வேண்டிய மற்றொன்றும் இருக்கிறது. 10-ஆம் வகுப்பு என்று சொல்வதுதான் சரியானதே தவிர, ஆம் என்பதற்கு மாறாக ஆவது என்பதைப் பயன்படுத்துவதற்கு மொழி மரபில் இடமில்லை. ஏனெனில், ஆகும் என்னும் சொல்தான் ஆம் என மருவி வழங்கப்படுகிறது. வது என்பது ஆவது என்பதிலிருந்து வந்ததென்று கூறவும் முடியாது. அப்படி ஒரு மரபு இருப்பதாகவும் தெரியவில்லை. அதன் பொருளும் ஏற்புடையதாகத் தோன்றவில்லை. ஆகவே, "ஆவது' அல்லது "வது' என்று எழுதும் முறையை முற்றிலும் கைவிடுவதே பொருத்தமாகும்.

(புலவர் மா.நன்னனின் "தமிழைத் தமிழாக்குவோம் நூலிலிருந்து...)

balakarthik · balakarthik Tue Sep 18, 2012 10:59 am

இதுக்குத்தான் பத்து பேர் பத்து விதமா சொல்லுறத கேட்டு எழுதகூடாது நாமலே சுயமா சிந்திச்சு எழுதனுங்கறது நன்றி சாமி ஐயா நல்லதொரு விளக்கம் சூப்பருங்க

சதாசிவம் · சதாசிவம் Sat Oct 06, 2012 7:46 pm

திரு நன்னனின் கட்டுரையை பகிர்தமைக்கு நன்றி.

தொடருங்கள் சூப்பருங்க

**கரூர் கவியன்பன்** · 23/09/2012

பத்தைப் பற்றி பத்திரமாக பதிய வைத்ததற்கு நன்றி

பூவன் · பூவன் Sat Oct 06, 2012 7:54 pm

பத்தை பற்றி பத்தி பத்தியாக எழுதி
புத்தியில் படியும் படி சொன்னதுக்கு
நன்றி அருமையிருக்கு

ச. சந்திரசேகரன் · 16/09/2012

10-ல், 10-ம், 10-வது = எது சரி?

10 இல், 10 ஆம், 10 ஆவது என்று எழுதுவது சரியாக இருக்குமோ?
பத்து+இல் = பத்தில்
பத்து+ஆம் = பத்தாம்
பத்து+ஆவது = பத்தாவது

இவ்வாறு உயிரெழுத்துக்கள் சேர்த்து எழுதுவது சரியானது என்பது ஏன் கருத்து.

உங்கள் கருத்து முரண்படுமானால் விளக்கவும்?

யினியவன் · யினியவன் Sat Oct 06, 2012 9:03 pm

பத்துக்குள்ள இவ்ளோ விஷயம் இருப்பதை உணர்த்தியதற்கு நன்றி சாமி.

வடிவேலு பத்து போட்டது மாதிரி தான் நாமும் செஞ்சிட்டு இருக்கோம்ன்னு விளங்குது.

**சிவா** · **சிவா** Sat Oct 06, 2012 9:06 pm

நல்ல விளக்கம், நன்றி சாமி!

**அருண்** · **அருண்** Sun Oct 07, 2012 1:16 pm

10 இன் விளக்கம் அறிய தந்தமைக்கு

சாமி!

யினியவன் · யினியவன் Sun Oct 07, 2012 1:31 pm

சிவா wrote:நல்ல விளக்கம், நன்றி சாமி!

சிவா நமக்குத்தான் இது பிரச்சினையே இல்லியே - நாம எயித்து பெயிலாச்சே... புன்னகை

Sponsored content · Sponsored content

10-ல், 10-ம், 10-வது = எது சரி?

10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

[You must be registered and logged in to see this link.]

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக