நான்-நான்-நான்

Rangarajan Sundaravadivel · Rangarajan Sundaravadivel Fri Oct 05, 2012 7:50 pm

கண்ணீரால் நனைந்த - ஆனால்
தண்ணீரால் நனைக்காத
தலையணையின் சொந்தக்காரன் நான்.

எழுதி தீர்க்காத கவிதைகளுக்கும்
அழுது தீர்க்காத கவலைகளுக்கும்
பழுதில்லாத காவலன் நான்.

விழித்திருந்த இரவுகளாலும்
கிழித்துப் போட்ட தாள்களாலும்
கிறுக்கனாகிப் போனவன் நான்.

நிறைவேறா காதல்களுக்கும்
கரையேறா கனவுகளுக்கும்
கணவனாகிப் போனவன் நான்.

அப்பாவின் ஏசல்களுக்கும்
அம்மாவின் அழுகைக்கும்
அடிமையாகிப் போனவன் நான்.

தனித்திருந்த நேரங்களிலும்
வலித்திருந்த நேரங்களிலும்
புகையை நாடியவன் நான்.

தூக்கி வீசப்பட்ட போதும்
தூக்கி எடுக்கப்பட்ட போதும்
மதுவை நாடியவன் நான்.

நான் மட்டுமே நான்
நானல்லாத யாரும் நானல்ல.

யினியவன் · யினியவன் Fri Oct 05, 2012 8:04 pm

தோல்விகளில் துவண்டு
நான் நான் நான் என நானாகிப் போகாமல்
நாணலைப் போல கல்மீது மண் மீது பயணித்து
பயணத்தை தொடர்ந்து துயரத்தை தொலைக்கத் தான்
வேண்டும் - வெற்றி என்றொன்று நமக்காக காத்திருக்குது...

பூவன் · பூவன் Fri Oct 05, 2012 9:26 pm

தூக்கி வீசப்பட்ட போதும்
தூக்கி எடுக்கப்பட்ட போதும்
மதுவை நாடியவன் நான்.

தூக்கி எறிவது மதுவாக இருக்கட்டும்
நீங்கள் நாடுவது மதியாக மட்டும் இருக்கட்டும் .
என்றும் வெற்றி நிச்சயம் .... சூப்பருங்க

Guest · Guest Sat Oct 06, 2012 10:18 am

அருமை தோழரே

இந்த பதிவைத் துவங்கியவர் நன்றி கூறியுள்ளார் Guest

balakarthik · balakarthik Sat Oct 06, 2012 5:50 pm

என்ன செய்வது இதெல்லாம் தாண்டிவர நான் மகான் அல்ல சூப்பருங்க

sangaimp · sangaimp Sat Oct 06, 2012 6:03 pm

ரசிக்க முடிந்தது ஆனால் உணர முடியவில்லை

ஜலஜா சிவகுமார் · 05/10/2012

இந்த கவிதை வெறும் கற்பனையா இல்லை நிஜமான கதையா என்று தெரியவில்லை.
கற்பனையாக இருந்தால் உங்கள் கவிதைக்கு வாழ்த்துகள்
நிஜமான கதையாக இருந்தால் இந்த வலியை தாங்கும் வலிமையும் உங்கள் கவிதையில் தெரிகிறது .
அந்த வலிமை வலிமை பெற வாழ்த்துக்கள்.
நன்றி.

Sponsored content · Sponsored content

நான்-நான்-நான்

நான்-நான்-நான்

Re: நான்-நான்-நான்

Re: நான்-நான்-நான்

Re: நான்-நான்-நான்

Re: நான்-நான்-நான்

Re: நான்-நான்-நான்

arumai nanbaruku

Re: நான்-நான்-நான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக