சீன நிலச்சரிவில் ஒரு பள்ளியே மண்ணில் புதைந்தது. மாணவர்களின் கதி என்ன?

பூவன் · பூவன் Fri 5 Oct 2012 - 11:49

சீனாவின் யுனான் மாகாணத்தில் வியாழக்கிழமை ஏற்பட்ட நிலச்சரிவில் தொடக்கப் பள்ளியொன்று மண்ணில் புதைந்தது. இதில், 5 குழந்தைகள் உயிரிழந்தனர்; 13 குழந்தைகளைக் காணவில்லை.

நிலச்சரிவு ஏற்பட்டபோது பள்ளியில் 18 குழந்தைகள் இருந்தனர். இவர்களில் 5 பேரின் உடல்கள் மீட்கப்பட்டதாகவும் மண்ணில் புதைந்துள்ள 13 பேரை மீட்கும் பணி நடந்து வருவதாகவும் மாகாண அரசு தெரிவித்துள்ளது.

பள்ளிக்கு அருகில் இருந்த 2 வீடுகள் நிலச்சரிவில் முழுவதும் புதைந்தன. இதில் ஒருவர் புதைந்து விட்டதாகத் தகவல்கள் தெரிவிக்கின்றன. நிலச்சரிவின் காரணமாக 15 மீட்டர் அகலமுள்ள ஏரி மூடப்பட்டது. இதனால் ஏரியின் நீரோட்டம் தடைபட்டு, கரை புரளும் அபாயம் ஏற்பட்டுள்ளது. இந்தத் தடையை அகற்றும் பணியில் 2 ஆயிரத்துக்கும் அதிகமானோர் ஈடுபட்டுள்ளனர். மேலும் தாழ்வான பகுதிகளில் உள்ள 800-க்கும் அதிகமானவர்கள் பாதுகாப்பான இடங்களுக்கு இடமாற்றம் செய்யப்பட்டுள்ளதாக சீன செய்தி நிறுவனம் "ஸின்ஹூவா' தெரிவித்துள்ளது.

Guest · Guest Fri 5 Oct 2012 - 13:35

bhuvaneswaribalamurugan · bhuvaneswaribalamurugan Fri 5 Oct 2012 - 14:05

எதற்கு படைக்கப்பட்டு இப்படி அழிக்கபடுகிறோமோ தெரியவில்லை . இறைவா உனக்கே வெளிச்சம். நீ விளையாட எங்களை படைத்தாயா? அல்லது நீ விளையாடுவதற்காக நாங்கள் படைக்கபட்டோமா?..........