என்ன காதல் இது.....

by பூவன் Thu Oct 04, 2012 7:24 pm

என் சம்மதம் இல்லாமலே
என்னை உனக்குள் கொண்டு சென்றாய்
ஏன் என்று கேட்க
எனக்கு அதிகாரம் மறுக்கிறாய்
உன்னுள் இருப்பது நானில்லையா
இல்லை என்னின் உன் உருவமா?

என் வார்த்தையை
உன் வாக்கியமாக்கிக் கொள்கிறாய்
என் சொல்லை
உன் முற்றுப்புள்ளியாக்கிக் கொள்கிறாய்

என்னை விடுத்து
வேறு உலகம் பார் என்றால்
மேலுலகமா என்கிறாய்....

என் முடிவை
உன் முடிவாக்கி கொள்கிறாய்
நான்தான் உன் முடிவென்று நீ கொள்வதால்

என் உயிர் உனக்கு என்கிறாய்
எனக்கு வேண்டாம் என்றால்
எனக்கும் வேண்டாம் என்கிறாய்
உன்னை கொன்று
உணவாக்கிக் கொள்ள
நான் பூலான்தேவி அல்ல

உன்னையும்
உன் காதலையும்
ஒருசேர என்னால் உதறமுடியும்
என்னுள் நீ பூஜ்யமாய் இருப்பதால்

இன்னும் ஒரு அவகாசம் கேட்கிறாய்
என்னை நீ மறப்பதற்கு அல்ல
உன்னை நான் நினைப்பதற்கு...
முடியாது என்ற என் மறுப்பை
கேட்க மறுக்கிறாய்

உனக்கு மறுப்பு சொல்ல வைத்து
என் பாவத்தின் எண்ணிக்கையை கூட்டிவிட்டாயே...
நீ நாளை மாறலாம்
உன்னை தூக்கியெறிந்த
என் மனசாட்சி
என் கடைசி விறகு எரியும் வரை உறுத்துமே....
என் செய்வேன்.....

நன்றி அகிலா ...

by யினியவன் Sat Oct 06, 2012 10:23 pm

நானும் நீயும் என பின்னிப் பிணைந்து விட்டால்
இந்த குழப்பமும் பின்னிப் பெடலெடுத்துவிடும்...

by பூவன் Sat Oct 06, 2012 10:27 pm

யினியவன் wrote:நானும் நீயும் என பின்னிப் பிணைந்து விட்டால்
இந்த குழப்பமும் பின்னிப் பெடலெடுத்துவிடும்...

குழப்பம் என்பது வழக்கம் தானே
அதை விளக்க தான் அண்ணன் நீங்கள் உள்ளீர்கள் ....

by யினியவன் Sat Oct 06, 2012 10:29 pm

விளங்காமப் போயிட்டோம்ன்னு அப்பவே விளக்கமா விளக்கிணோமே வில்லங்கமா - இன்னுமா விளக்கனும்? இன்னும் கொஞ்ச நேரம் போனா பல் விளக்க நேரமாயிடும் - அதையாவது ஒழுங்கா விளக்கலாம்.

by பூவன் Sat Oct 06, 2012 10:33 pm

யினியவன் wrote:விளங்காமப் போயிட்டோம்ன்னு அப்பவே விளக்கமா விளக்கிணோமே வில்லங்கமா - இன்னுமா விளக்கனும்? இன்னும் கொஞ்ச நேரம் போனா பல் விளக்க நேரமாயிடும் - அதையாவது ஒழுங்கா விளக்கலாம்.

தெளிவா விளக்கினதுல , கொஞ்சம் குழப்பம் அவளோ தான்