ஜோதிடத்தில் ஏழைக்கும் பணக்காரருக்கும் ஒரேவிதமான பலன்களா?

by ராஜ்.ரமேஷ் Wed Oct 03, 2012 11:32 am

ஜோதிடத்தில் ஏழைக்கும் பணக்காரருக்கும் ஒரேவிதமான பலன்களா?

ஆம்.
பலன்கள் ஒன்றுதான் ஆனால் விளைவுகள் வேறு.

அனைவருக்கும் குருபெயர்ச்சி, சனிபெயர்ச்சி நடக்கத்தான் செய்கிறது. அனைவருடைய வாழ்க்கையிலும் சுக்கிர புத்தி, சனி புத்தி, குரு புத்தி வரத்தான் செய்கிறது. அப்படியிருந்தும் ஏன் இந்த வித்தியாசம். இறைவன் ஒருவருக்கு ஆனந்தத்தையும் ஒருவருக்கு அழுகையையும் ஏன் கொடுக்க வேண்டும். படைக்கும் எல்லோரையும் பணக்காரராகவே படைத்துவிட்டால் இறைவனுக்கு என்ன குறைவந்துவிடப்போகிறது. ஏன் இந்த ஓரவஞ்சனை. இறைவா என்னை பணக்காரணாக்கிவிடு இல்லையேல் அவனை ஏழையாக்கி விடு. சமத்துவ சமதர்மத்தைப் படைத்துவிடு. என்று இறைவனிடம் சண்டை போடுபவர்கள் இருக்கத்தான் செய்கிறார்கள். காரணம் ஞாயமானது தானே. ஆனால் பதில் முற்பிறவி கர்ம வினைப்பயன் கூறப்படுகிறது. இருப்பினும் இறைவன் இப்பிறவிக்கு என்று புதிதாக அதுவும் சமமாகத்தான் எல்லாவற்றையும் கொடுத்துள்ளான்.

மழை வெயில் காற்று ஆகாயம் மரங்கள் மலர்கள் என்று அனுபவிக்கும் அனைத்தையும் இறைவன் பொதுவாகத்தான் கொடுத்துள்ளான். அதை ஜோதிடம் உறுதி செய்கிறது. ஒன்பது கோள்கள் இருபத்திஏழு நட்சத்திரங்கள் 108 பாதங்கள் இப்படி அனைத்தும் பொது தான். இவைதரக்கூடிய மொத்த மதிப்பெண்களும் பொது தான் அது தான் 337அஷ்டவர்க்கத்தில்.

அஷ்டவர்க்கம். ஒவ்வொருவரும் இப்பிறவிக்கு பெற்ற மதிப்பெண்கள். பன்னிரெண்டு பாவத்திற்கும் உரிய மதிப்பெண்கள். மொத்தம் 337. அனைவருக்கும் பொது தான். ஜோதிடம் அனைவருக்கும் தருவது மொத்தம் 337 மதிப்பெண்கள். அனைவரும் சமம். நாடாளும் மன்னன் முதல் கடைகோடி மனிதன் வரை அனைவருக்கம் அஷ்டவர்க்கப் பரல்கள் 337 தான். இந்த 337 தான் 12 பாவங்களுக்கும் பிரித்துக்கொடுக்கப்பட்டுள்ளது.
பன்னிரெண்டு பாவங்கள்.
1 இலக்கிண பாவம்
2 தனம் வாக்கு குடும்பம்
3 தைரியம் வீரியம் சகோதரம்
4 தாய் கல்வி காமம்
5 புத்திரம் அதிர்ஷ்டம்
6 நோய் வழக்கு கடன்
7 களத்திரம், நண்பர்கள்
8 ஆயுள், சட்டம்
9 தந்தை பாக்கியம்
10 தொழில் கர்மா
11 இலாபம்
12 விரயம், மோட்சம்

மனிதனுடைய வாழ்க்கையில் உள்ள அனைத்து நிகழ்வுகளும் இந்த 12 பாவங்களில் அடங்கியுள்ளது. பிறப்பு 5ம் பாவம் மோட்சம் 12 ம் பாவம். இந்த 12 பாவங்களிலும் மொத்தம் சேர்த்து 337 மதிப்பெண்கள். ஆனால் எந்த பாவத்திற்கு எத்தனை மதிப்பெண்கள் என்பது தான் விதியின் விளையாட்டு.

இலாபம் அதிகமாக கிடைக்கக்கூடிய விதி இருந்தால் கண்டிப்பாக இலாபம் கிடைக்கும் உங்களின் முதலீட்டிற்குத் தகுந்த படி. 100 சதவீத இலாபம் கிடைக்கக்கூடிய விதிப்பயன் இருந்தால் உங்களிடம் உள்ளது இரட்டிப்பாகப் போகிறது. உங்களின் சொத்து மதிப்பு 10 கோடி என்றால் விதியின் விளையாட்டில் நீங்கள் பெறப்போவது 20கோடி. அதே தொகை 10 ரூபாய் என்றால் 20 அது தான் விதியின் கணக்கு. இலாபத்தைப் போன்றே நட்டமும் அனைவருக்கும் ஒன்று தான். பாதிக்குப் பாதி போகும் போது 5கோடியும் 5ரூபாயும் 50சதவீதம் தான்.

அனைத்தையும் அனைவராலும் பெறமுடியாது. ஒருவருக்கு நட்டம் ஒருவருக்கு இலாபமாக அமையும். நோய் இருந்தால் தான் மருத்துவருக்கு வேலை. ஒருவர் செலவு செய்யும் பணம் தான் மற்றொருவருக்கு கூலியாகவோ இலாபமாகவோ மாறுகிறது. உங்களுக்கு எந்த பாவம் பலம் பெற்றதோ அந்த பாவபலத்தை நீங்கள் முழுவதுமாக உபயோகித்தால் அந்தத் துறையில் நீங்கள் தான் பணக்காரர்.

ஏழை என்பவன் யார்? யாரெல்லாம் தன்னுடைய திறமையை அறிந்தும் அதனை பயன்படுத்தாமல் இருக்கிறானோ அவனே ஏழை. தன் திறமையை அறியாதவன் மூடன். என்னுடைய பலம் என்ன பலவீனம் என்ன என்று அறிய முற்படும் போது தான் ஜோதிடத்தின் துணை தேவைப்படுகிறது. தன்னை அறிதல் என்பது அதுதான். எனக்கு என்ன தெரியும் என்ன தெரியாது என்பதை தெரிந்து வைத்திருப்பவன் அறிவாளி. அதைப் பயன்படுத்துபவன் பணக்காரன்.

எப்படி ?
உணருதல் தொடரும்.

by balakarthik Wed Oct 03, 2012 11:37 am

நல்ல தொடர் தொடரட்டும் சூப்பருங்க

by **அருண்** Wed Oct 03, 2012 3:15 pm

நல்ல பதிவு!
ஏழையாக பிறப்பது பாவம் செய்த விதி என்று கூறுகிரிர்களா?

by ராஜ்.ரமேஷ் Wed Oct 03, 2012 5:05 pm

அருண் wrote:நல்ல பதிவு!
ஏழையாக பிறப்பது பாவம் செய்த விதி என்று கூறுகிரிர்களா?

ஆம். முற்பிறவியின் பயன். ஆனால் இப்பிறவியில் அதை மாற்ற இறைவன் கொடுத்துள்ள வழிமுறையை ஜோதிடத்தின் மூலம் உணர்ந்தால் மாற்றிவிடலாம். அதாவது கிடைப்பதை முழுமனதுடன் அனுபவிக்கலாம்.

by சென்னையன் Thu Oct 18, 2012 8:05 pm

இதற்க்கு இன்னும் ஒரு வழி உண்டு .மாந்திரீகம்

by பூவன் Thu Oct 18, 2012 8:10 pm

சென்னையன் wrote:இதற்க்கு இன்னும் ஒரு வழி உண்டு .மாந்திரீகம்

அய்யா சாமி நீங்க பெரிய மந்திரவாதி போல் இருக்கே ?

by **krishnaamma** Thu Oct 18, 2012 8:18 pm

ரொம்ப நல்ல திரி , அருமையான விஷயங்கள் சூப்பருங்க

தொடருங்கள் , வாழ்த்துகள் புன்னகை

பூவன் wrote:
சென்னையன் wrote:இதற்க்கு இன்னும் ஒரு வழி உண்டு .மாந்திரீகம்

அய்யா சாமி நீங்க பெரிய மந்திரவாதி போல் இருக்கே ?

ஒருவேளை மலையாள மந்திரவாதியாக இருப்பாரோ ....பூவென் ?

by சென்னையன் Thu Oct 18, 2012 8:28 pm

Dr.சுந்தரராஜ் தயாளன் wrote:
பூவன் wrote:
சென்னையன் wrote:இதற்க்கு இன்னும் ஒரு வழி உண்டு .மாந்திரீகம்

அய்யா சாமி நீங்க பெரிய மந்திரவாதி போல் இருக்கே ?
ஒருவேளை மலையாள மந்திரவாதியாக இருப்பாரோ ....பூவென் ?

ஏன் தமிழ் மந்திரவாதியாக இருக்க கூடாதோ

by **T.N.Balasubramanian** Fri Oct 19, 2012 7:17 am

நல்ல பதிவு.
ஒரே சமயத்தில் ஒரே இடத்தில் பிறந்த இருவர், வெவ்வேறு பலன்களை, அவரவர் பூர்வ ஜன்ம பாப புண்ணியங்களுக்கு தக்கவாறு பலாபலன்களை அனுபவிப்பர்.
ரமணியன்