அக்.12-ல் மாற்றான் ரிலீஸ்

balakarthik · balakarthik Sun 30 Sep 2012 - 20:06

ஒட்டிபிறந்த இரட்டையர்களாக சூர்யா நடித்திருக்கும் "மாற்றான்" படம், வருகிற அக்டோபர் 12-ம் தேதி திரைக்கு வர இருக்கிறது. அயன் படத்திற்கு பிறகு கே.வி.ஆனந்த்-சூர்யா கூட்டணியில் பிரம்மாண்டமாக உருவாகி இருக்கும் படம் "மாற்றான்". ஒட்டிப்பிறந்த இரட்டையர்களாக இருவேடங்களில் சூர்யா நடித்துள்ள இப்படத்தில், ஹீரோயினாக காஜல் அகர்வால் நடித்துள்ளார். இவர்களுடன் முக்கிய கதாபாத்திரத்தில் இந்தி மற்றும் மராத்தி படங்களின் பிரபல நடிகர் சச்சின் கடேக்கரும், தேசிய விருது பெற்ற நடிகை தாராவும் நடித்துள்ளனர். ஏ.ஜி.எஸ்.என்டெயின்மென்ட் தயாரித்துள்ளது.

உடலால் ஒட்டிப்பிறந்தாலும், குணத்திலும், கொள்கைகளிலும் எதிரெதிர் துருவமாய் இருக்கும் ஒட்டிப்பிறந்த சகோதரர்களின் பாத்திரங்களில் மிகச்சிறப்பான நடிப்பை வெளிப்படுத்தியிருக்கிறார் சூர்யா. பாடல் காட்சிகள், சண்டைக்காட்சிகள் உட்பட இரட்டையர்கள் இணைந்து வரும் ஒவ்வொரு காட்சியிலும் மிகுந்த சிரமப்பட்டு நடித்திருக்கிறார் சூர்யா. மேலும் இப்படத்தில் பல புதிய தொழில்நுட்பங்களையும் புகுத்தியுள்ளனர். இந்தியாவில் முதன்முறையாக பேஷியல் எனும் தொழில்நுட்பம் பயன்படுத்தப்பட்டு இருக்கிறது. கிட்டத்தட்ட 400 கம்யூட்டர் கிராபிக்ஸ் தொழில்நுட்ப கலைஞர்கள் படத்தில் வரும் கிராபிக்ஸ் காட்சிகளுக்காக பணியாற்றி இருக்கின்றனர். படத்தில் வரும் இரட்டையர்கள் காட்சியை இருமுறை படமாக்கி இருக்கிறார் இயக்குநர். அத‌ாவது சூர்யா ஒருகாட்சியில் நடித்த காட்சி, மீண்டும் சில நாட்கள் கழித்து அதே லைட்டிங்குடன் மீண்டும் ஒருமுறை படமாக்கப்படும். இதனை 5 கேமராக்களில் படம் பிடித்து, கிராபிக்ஸ் உதவியுடன் திரையில் கொண்டு வந்துள்ளனர்.

நா.முத்துக்குமார், பா.விஜய், விவேகா, தாமரை, கார்க்கி ஆகியோரின் பாடல் வரிகளுக்கு, ஹாரிஸ் ஜெயராஜ் இசையமைத்துள்ளார். பாடல்களும் வெளியாகி வரவேற்பை பெற்றுள்ளன. சென்னை, பாண்டிச்சேரி, ஊட்டி, மைசூர், ஐதராபாத், ராஜஸ்தான் உள்ளிட்ட இந்தியாவின் பல்வேறு இடங்களிலும், முதன்முறையாக லத்வியாவில் முதல் இந்திய படமாக மாற்றான் எடுக்கப்பட்டுள்ளது.

கே.வி.ஆனந்தின் கனவுபடமான மாற்றான் படத்தை எங்களது நிறுவனம் தயாரித்தது மிகவும் மகிழ்ச்சி அளிப்பதாகவும், வருகிற அக்‌டோபர் 12ம் தேதி மாற்றான் படம் உலகம் முழுக்க ரிலீஸ் ஆக இருப்பதாகவும் ஏ.ஜி.எஸ்.நிறுவனம் தெரிவித்து இருக்கிறது.

நன்றி:- தினமலர்

ரா.ரமேஷ்குமார் கவனிக்க

**ராஜா** · **ராஜா** Sun 30 Sep 2012 - 20:23

சாருலதா என்று ஒரு படம் வந்ததே அதுவும் ஒட்டி பிறந்த இரட்டையர் கதை தானே , அது சரி இப்ப சீசன் போல

balakarthik · balakarthik Sun 30 Sep 2012 - 20:42

ராஜா wrote:சாருலதா என்று ஒரு படம் வந்ததே அதுவும் ஒட்டி பிறந்த இரட்டையர் கதை தானே , அது சரி இப்ப சீசன் போல

அந்த படம் பார்த்தேன் அது ஆவி படம் சஸ்பென்ஸ் த்ரில்லர் இது எப்படியோ

யினியவன் · யினியவன் Sun 30 Sep 2012 - 20:43

சாருலதான்னு ஒரு படமா? ரெண்டு பேரும் ப்ரிவ்யூ பார்த்தீங்களோ?

balakarthik · balakarthik Sun 30 Sep 2012 - 20:47

யினியவன் wrote:சாருலதான்னு ஒரு படமா? ரெண்டு பேரும் ப்ரிவ்யூ பார்த்தீங்களோ?

அக்.12-ல் மாற்றான் ரிலீஸ் Charulatha-songs-lyrics-magicalsongs

அக்.12-ல் மாற்றான் ரிலீஸ் Charulatha_tamil_movie_review

அட நம்ம முத்தழகு ப்ரியாமணி ரெட்டயராக நடிச்ச படம் போன வாரம்த்தானே ரிலிஸ் ஆச்சு

**ரா.ரமேஷ்குமார்** · 23/01/2011

மிகிழ்ச்சியான தகவல் அண்ணா... அக்.12-ல் மாற்றான் ரிலீஸ் 678642

சாருலதா ஆவியையும் ஒட்டி பிறந்த இரட்டை சகோதரிகளை அடிப்படையாக கொண்ட கதை ஆனால் மாற்றான் முற்றிலும் மாறுபட்ட புதுமையான அருமையான அதிரடி திரைப்படம்... சிரி

யினியவன் · யினியவன் Sun 30 Sep 2012 - 22:31

balakarthik wrote:அட நம்ம முத்தழகு ப்ரியாமணி ரெட்டயராக நடிச்ச படம் போன வாரம்த்தானே ரிலிஸ் ஆச்சு

இது ஆவியா வேற நடிக்கணுமா?

பூவன் · பூவன் Sun 30 Sep 2012 - 22:34

யினியவன் wrote:
balakarthik wrote:அட நம்ம முத்தழகு ப்ரியாமணி ரெட்டயராக நடிச்ச படம் போன வாரம்த்தானே ரிலிஸ் ஆச்சு
இது ஆவியா வேற நடிக்கணுமா?

காவியா வேனும்ன நடிக்க சொல்லலாம் ....

யினியவன் · யினியவன் Sun 30 Sep 2012 - 22:36

pooven wrote:காவியா வேனும்ன நடிக்க சொல்லலாம் ....

உங்க நண்பர் நித்தி தான் ஹீரோவா?

பூவன் · பூவன் Sun 30 Sep 2012 - 22:37

யினியவன் wrote:
pooven wrote:காவியா வேனும்ன நடிக்க சொல்லலாம் ....
உங்க நண்பர் நித்தி தான் ஹீரோவா?

சத்தியமா இல்ல .
நித்தி ஜீரோ ..

Sponsored content · Sponsored content

அக்.12-ல் மாற்றான் ரிலீஸ்

அக்.12-ல் மாற்றான் ரிலீஸ்

Re: அக்.12-ல் மாற்றான் ரிலீஸ்

Re: அக்.12-ல் மாற்றான் ரிலீஸ்

Re: அக்.12-ல் மாற்றான் ரிலீஸ்

Re: அக்.12-ல் மாற்றான் ரிலீஸ்

Re: அக்.12-ல் மாற்றான் ரிலீஸ்

Re: அக்.12-ல் மாற்றான் ரிலீஸ்

Re: அக்.12-ல் மாற்றான் ரிலீஸ்

Re: அக்.12-ல் மாற்றான் ரிலீஸ்

Re: அக்.12-ல் மாற்றான் ரிலீஸ்

Re: அக்.12-ல் மாற்றான் ரிலீஸ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக