புதுடெல்லி: மத்திய கணக்குத் தணிக்கைக் குழுவிற்கு அரசின் கொள்கை முடிவுகளை விமர்சிக்க உரிமை உண்டு என்று சுப்ரீம் கோர்ட் அறிவித்துள்ளது. அரசின் கொள்கை சார்ந்த முடிவுகள் குறித்து சி.ஏ.ஜி. கருத்துகளைக் கூறுவது கூடாது என்று சுப்ரீம் கோர்ட்டில் பொது நல மனு தாக்கல் செய்யப்பட்டுள்ளது. இன்று விசாரணைக்கு இந்த மனு மீதான தீர்ப்பில்சுப்ரேம் கோர்ட் இவ்வாறு தெரிவித்துள்ளது. மேலும், மத்திய அரசு மற்றும் மாநில அரசுகள் செய்யும் செலவினங்கள் முறையானதுதானா என்பதைப் பற்றி கூற இந்திய அரசியல் சட்டத்தின் படி மத்திய தணிக்கைக் குழுவிற்கு முழு அதிகாரம் உண்டு என்று சுப்ரீம் கோர்ட் பதிலடி கொடுத்துள்ளது.

விமானப் போக்குவரத்து, நிலக்கரி சுரங்க ஒதுக்கீடும் மின்சாரத் துறை ஆகியவற்றில் அரசின் சில கொள்கை முடிவுகளால் லட்சம் கோடிக்கணக்கில் இழப்பு ஏற்பட்டது என்று சி.ஏ.ஜி. கூறுவது அரசின் கொள்கை முடிவுகளுக்கு முரணானது அரசின் கொள்கை முடிவுகளில் இது தலையிடமுடியாது என்று பொருளாதார நிபுணர் டாக்டர் ராகேஷ் குப்தா பொது நல மனு செய்திருந்தார். அரசின் தணிக்கைக் குழுதான் சி.ஏ.ஜி என்று இவர் கூற மத்தியத் தணிக்கைக் குழு வெறும் தணிக்கைக் குழு மட்டுமல்ல அதற்கு கூடுதல் அதிகாரம் உண்டு. அரசின் கொள்கைகள் திறமையாக செயல் படவில்லை, இழப்பு ஏற்படுத்தும் விதமாக உள்ளது என்று கூற சி.ஏ.ஜி.க்கு முழு அதிகாரம் உண்டு என்று உச்சநீதிமன்றம் கூறியுள்ளது.

நன்றி தினகரன்

கொள்கை முடிவில் தலையிடக் கூடாதாமா? இல்ல
கொள்ளை முடிவில் தலை இடக் கூடாதுன்னு சொல்றாங்களா?

யினியவன் wrote:கொள்கை முடிவில் தலையிடக் கூடாதாமா? இல்ல
கொள்ளை முடிவில் தலை இடக் கூடாதுன்னு சொல்றாங்களா?

கொள்கை முடிவில் தலை இட்டாலும் கொள்ளை முடிவில் தலை இடக்குடதுன்னு சொல்வதாகப் பேச்சு