சூப்பர்-8 ஆட்டம்: பாகிஸ்தானை வீழ்த்தியது இந்தியா

by **ரா.ரமேஷ்குமார்** Sun Sep 30, 2012 11:14 pm

கொழும்பு,செப்.30-

இலங்கையில் 20 ஓவர் உலககோப்பை கிரிக்கெட் போட்டிகள் நடைபெற்று வருகின்றன. கொழும்பில்
இன்று நடைபெற்ற சூப்பர்-8 ஆட்டம் ஒன்றில் இந்திய அணி பாகிஸ்தான் அணியுடன்
மோதியது.

இப்போட்டிக்கான இந்திய அணியில் அதிரடி துவக்க ஆட்டக்காரர் வீரேந்திர சேவாக் சேர்க்கப்பட்டார். ஆஸ்திரேலியாவுக்கு
எதிரான முதல் சூப்பர்-8 ஆட்டத்தில், இந்திய அணியில் சேவாக்
சேர்க்கப்படவில்லை. அப்போட்டியில் 5 பந்து வீச்சாளர்களுடன் ஆடுவதற்கு
வசதியாக பார்மில் இல்லாத சேவாக் நீக்கப்பட்டார். கேப்டன் டோனியில்
இம்முடிவால், இந்திய அணி படுதோல்வியை சந்தித்தது.

இதனாலேயே இன்றைய ஆட்டத்தில் சேவாக் முக்கியம் என்பதை உணர்ந்து அவர் மீண்டும்
அணியில் சேர்க்கப்பட்டார். இதேபோல் அணியில் மற்றொரு மாற்றமாக, தமிழக வீரர்
பாலாஜி சேர்க்கப்பட்டார். சேவாக், பாலாஜி இடம்பெற்றதால் கடந்த போட்டியில்
ஆடிய சுழற்பந்துவீச்சாளர்கள் ஹர்பஜன், பியுஷ் சாவ்லா ஆகியோர்
நீக்கப்பட்டனர்.

இப்போட்டியில் டாஸ் வென்ற பாகிஸ்தான் கேப்டன் ஹபீஸ் பேட்டிங் தேர்வு செய்தார். அதன்படி துவக்க
ஆட்டக்காரர்களாக ஹபீசும், நசீரும் களமிறங்கினர்.

கடந்த போட்டியில் பந்துவீச்சில் முழுவதுமாக சொதப்பிய இந்திய வீரர்கள்
இப்போட்டியில் ஆரம்பம் முதலே சிறப்பாக பந்து வீசினர். இதனால் பாகிஸ்தானின்
வலிமையான பேட்டிங் வரிசை ஆட்டம் காண ஆரம்பித்தது. 8 ரன்கள் எடுத்த நசீர்
பதான் பந்திலும், தொடர்ந்து வந்த அதிரடி வீரர் அப்ரிடி 14 ரன்கள் எடுத்த
நிலையில் பாலாஜி பந்திலும் ஆட்டமிழந்தனர்.

சூப்பர்-8 ஆட்டம்: பாகிஸ்தானை வீழ்த்தியது இந்தியா 0167f868-648c-48ca-88be-48c9eb61bfc2_S_secvpf

சூப்பர்-8 ஆட்டம்: பாகிஸ்தானை வீழ்த்தியது இந்தியா 0167f868-648c-48ca-88be-48c9eb61bfc2_S_secvpf

அதன்பின்னர் யுவராஜ் சிங் தன்பங்குக்கு ஜாம்ஷெட் (4 ரன்), கம்ரான் அக்மல் (4) ரன்
ஆகியோரை அவுட்டாக்கினார். கேப்டன் ஹபீஸ் கோலி பந்தில்
வீழ்ந்தார்.அதன்பின்னர் ஜோடி சேர்ந்த மாலிக்கும், உமர் அக்மலும் அணியை
சரிவிலிருந்து மீட்கும் முயற்சியில் ஈடுபட்டனர்.

இதனால் சிறிது நேரம் ஆட்டம் பாகிஸ்தான் அணியின் கைகளுக்கு செல்வது போன்ற தோற்றம்
ஏற்பட்டது. எனினும் மாலிக் (28 ரன்), அக்மல் (21) ஆகியோர் அஷ்வின் பந்தில்
அடுத்தடுத்து ஆட்டமிழந்ததால், பாகிஸ்தானின் அதிரடி கட்டுப்படுத்தப்பட்டது.

இறுதியில் பாகிஸ்தான் அணி 19.4 ஓவர்களில் 128 ரன்னுக்கு ஆட்டமிழந்தது. இந்திய
தரப்பில் பாலாஜி 3, யுவராஜ், அஷ்வின் ஆகியோர் தலா 2 விக்கெட் வீழ்த்தினர்.

129 ரன்கள் எடுத்தால் வெற்றி என்ற இலக்குடன் இந்திய அணியின் துவக்க
ஆட்டக்காரர்களாக காம்பீரும், ஷேவாக்கும் களமிறங்கினர். இரண்டாவது பந்திலே
காம்பீர் ரன் ஏதும் எடுக்காமல் ஆட்டமிழந்தார்.

அதானல் ஷேவாக்குடன் விராட் கோலி ஜோடி சேர்ந்தார். இருவரும் சிறப்பாக விளையாடி
அணியினை வெற்றி நோக்கி கொண்டு சென்றனர். ஷேவாக 29 ரன்கள்(24 பந்துகளில், 4
பவுண்டரி) எடுத்திருந்த போது உமர் குல்லிடம் கேட்ச் கொடுத்தார். அப்போது
அணியின் ஸ்கோர் 75 ஆக இருந்தது.

அதனைத் தொடர்ந்து
யுவராஜ் களமிறங்கினார். 17 ஓவர்களில் இந்திய அணி 2 விக்கெட் இழப்பிற்கு
129 ரன்கள் எடுத்தது. இதனால் இந்திய அணி 8 விக்கெட் வித்தியாசத்தில் வெற்றி
பெற்றது.

கோலி 78 ரன்களுடன்( 61 பந்துகளில், 8 பவுண்டரி மற்றும் 2 சிக்சர்) யுவராஜ் சிங் 19 ரன்களுடனும்( 16 பந்துகளில், 2
பவுண்டரி) களத்தில் இருந்தனர். ஆட்டநாயகன் விருது விராட் கோலிக்கு
வழங்கப்பட்டது.

இதுவரை நடைபெற்றுள்ள உலககோப்பை போட்டிகளில் (20 ஓவர் மற்றும் 50 ஓவர்) இந்தியாவை பாகிஸ்தான் வென்றதில்லை என்பது குறிப்பிடத்தக்கது.

-மாலை மலர்

by யினியவன் Mon Oct 01, 2012 12:04 am

அபாரமான வெற்றி.

தென்னாப்ரிக்காவை வீழ்த்தினால் அரை இறுதி நிச்சயம்.

by poomi71 Mon Oct 01, 2012 5:47 am

இந்தியனா கொக்கன்னே!!

நன்று

by balakarthik Mon Oct 01, 2012 10:50 am

விராட் கோலி தொடர்ந்து சிறப்பாக ஆடிவருகிறார் இந்திய அணியில் நல்ல எதிர்காலம் உள்ளது இவருக்கு சூப்பருங்க

by தா.கமலக்கண்ணன் Mon Oct 01, 2012 10:52 am

கோப்பை நமக்குத்தான் அருமையிருக்கு

by **அருண்** Mon Oct 01, 2012 10:56 am

நேற்று சேவாக் முகத்திலும் நிதானத்தை காண முடிந்தது!
நாளைய போட்டியிலும் கோலி கை கொடுத்தால் வெற்றி நமக்கு தான்!

by balakarthik Mon Oct 01, 2012 10:58 am

T.kamalakannan wrote:கோப்பை நமக்குத்தான்

அது கொஞ்சம் கஷ்டம்த்தான் கண்ணன் இருந்தாலும் பூனம் மாதிரி இந்தமுறையும் யாராவது அறிக்கை விட்டா ஜெயிப்பான்களோ என்னமோ அருமையிருக்கு

by **ராஜா** Mon Oct 01, 2012 12:24 pm

balakarthik wrote:விராட் கோலி தொடர்ந்து சிறப்பாக ஆடிவருகிறார் இந்திய அணியில் நல்ல எதிர்காலம் உள்ளது இவருக்கு

இன்னும் கொஞ்ச நாளில் அவர் கையில் ஒரு 300 கோடியை கொடுத்து விளம்பரம் பண்ணுறதுக்கு contract போட்டுடுவார்கள் அப்புறம் அவரும் மங்குனியா ஆயிடுவார்

by balakarthik Mon Oct 01, 2012 12:35 pm

ராஜா wrote:
balakarthik wrote:விராட் கோலி தொடர்ந்து சிறப்பாக ஆடிவருகிறார் இந்திய அணியில் நல்ல எதிர்காலம் உள்ளது இவருக்கு
இன்னும் கொஞ்ச நாளில் அவர் கையில் ஒரு 300 கோடியை கொடுத்து விளம்பரம் பண்ணுறதுக்கு contract போட்டுடுவார்கள் அப்புறம் அவரும் மங்குனியா ஆயிடுவார்

அதுக்குஇல்ல இன்னொரு டாமா கோலி வராமையா போய்டும்