ஆஸ்திரியப் பேரரசி எலிசபெத் மகாராணியின் விருந்தினர் மாளிகையில் பயங்கர தீ விபத்து.

ஆஸ்திரியப் பேரரசி எலிசபெத், விருந்தினர் மாளிகையாகப் பயன்படுத்தி வந்த பழைய காலத்துக் கட்டிடம் ஒன்று தற்போது கலையரங்கமாக பயன்பட்டு வந்தது. இந்தக் கலையரங்கத்தில் கடந்த முப்பது வருடங்களுக்குள் இரண்டு முறை தீ விபத்து ஏற்பட்டுவிட்டது.

ஆஸ்திரியாவின் மாண்ட்ரேக் நகரில் உள்ள இந்தக் கட்டிடத்தின் மேல் பகுதியில் கடந்த சில நாட்களுக்கு முன்பு தீப்பிடிக்கத் தொடங்கியது. அக்கட்டிடத்திற்கு எதிரேயுள்ள அடுக்குமாடி குடியிருப்பின் முதல் மாடியில் இருந்த தாயும் சேயும் கீழே வந்து விடுமாறு காவலர் அறிவுறுத்தியதாக அந்நாட்டு தகவல்கள் தெரிவித்துள்ளது.

பின்பு காவல்துறை அந்தச் சாலையின் போக்குவரத்தைத் தடை செய்துவிட்டு தீயை அணைத்தது. அல்சஸார் அரண்மனை எனப்படும் இந்த மாளிகை வரலாற்றுச் சிறப்பு மிகுந்த கட்டிடம் என்பதால் மிகவும் கவனமாக இதைப் போற்றிப் பாதுகாத்து வந்தனர். இந்த அரண்மனை டெரிடெட் ரயில்வே நிலையத்துக்கு எதிரே அமைந்துள்ளது.

ஆரம்பத்தில் டெரிடெட்டின் கிராண்ட் ஹோட்டெல் என்று அழைக்கப்பட்டது. பின்பு கலையரங்கமாகத் திகழ்ந்தது. விருந்துக்கு வருபவர்கள் அனைவரும் பங்குபெறும் வகையில் நடன அரங்கமாகவும் விளங்கியது.

கடந்த 1898ம் ஆண்டில் இத்தாலியப் புரட்சிக்காரன் ஒருவனால் ஜெனீவாவில் வைத்து பேரரசி எலிசபெத் கொலை செய்யப்படும் வரை இந்த அரண்மனை அவர் தனது விருந்தினர்களை உபசரிக்கும் மாளிகையாகப் புகழ்பெற்றிருந்தது.

தீப்பற்றியதன் இழப்பு குறித்தோ காவல்துறை எதுவும் தெரிவிக்கவில்லை. இங்குள்ள கலையரங்கில் சுமார் 300 பேர் அமரலாம். விருந்தினர் அரங்கில் 500 பேர் ஒரே நேரத்தில் விருந்துண்ணலாம். 1984ம் ஆண்டு ஜனவரி 29ம் திகதியில் ஒரு முறை இந்த மாளிகையில் தீ விபத்து ஏற்பட்டது.

தகவலுக்கு நன்றி பூவென்