தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

**சிவா** · **சிவா** Sun Sep 30, 2012 12:11 pm

தமிழக சட்டசபை சபாநாயகர் பதவியில் இருந்து டி.ஜெயக்குமார் நேற்று ராஜினாமா செய்தார். அவருடைய ராஜினாமா ஏற்கப்பட்டு, சபாநாயகர் பொறுப்புகளை துணை சபாநாயகர் தனபால் கவனிப்பார் என்று அறிவிக்கப்பட்டு உள்ளது.

சென்னை ராயபுரம் தொகுதியில் இருந்து அ.தி.மு.க. சார்பில் தமிழக சட்டசபைக்கு தேர்ந்தெடுக்கப்பட்டவர், டி.ஜெயக்குமார்.

திடீர் ராஜினாமா

தமிழ்நாட்டில் கடந்த தேர்தலில் அ.தி.மு.க. அமோக வெற்றி பெற்று, ஜெயலலிதா தலைமையில் புதிய அமைச்சரவை பொறுப்பேற்றது. அதைத்தொடர்ந்து, சட்டசபை சபாநாயகராக டி.ஜெயக்குமார் தேர்ந்து எடுக்கப்பட்டார்.

அடுத்த மாதம் தமிழக சட்டசபை வைரவிழா நடைபெற உள்ளது. இதற்கான ஏற்பாடுகள் முழுவீச்சில் நடைபெற்று வருகின்றன. இந்த நிலையில், சபாநாயகர் டி.ஜெயக்குமார் தனது பதவியை நேற்று திடீரென ராஜினாமா செய்தார்.

அதிகாரப்பூர்வ அறிவிப்பு

அவரது ராஜினாமா ஏற்கப்பட்டதாக அதிகாரப்பூர்வமாக அறிவிக்கப்பட்டு உள்ளது. இதுகுறித்து சட்டசபை செயலாளர் ஏ.எம்.பி.ஜமாலுதீன் வெளியிட்ட அறிவிக்கையில் கூறியிருப்பதாவது:-

இந்திய அரசியலமைப்பு சட்டப்பிரிவு 179 (பி)-ன் கீழ், தமிழக சட்டப்பேரவை சபாநாயகர் டி.ஜெயக்குமார் தனது பதவியை 2012-ம் ஆண்டு செப்டம்பர் மாதம் 29-ந் தேதி முற்பகல் ராஜினாமா செய்துள்ளார்.

துணை சபாநாயகர் கவனிப்பார்

சபாநாயகர் பதவி காலியானதால், இந்திய அரசியலமைப்பு சட்டப்பிரிவு 180 (1)-ன்படி, சபாநாயகரின் அலுவலக பொறுப்புகளை துணை சபாநாயகர் பி.தனபால் கவனிப்பார்.

இவ்வாறு அந்த அறிவிக்கையில் கூறப்பட்டுள்ளது.

துணை சபாநாயகர் பி.தனபால், நாமக்கல் மாவட்டம் ராசிபுரம் தொகுதியில் இருந்து அ.தி.மு.க. சார்பில் சட்டசபைக்கு தேர்ந்து எடுக்கப்பட்டவர்.

ஜெயக்குமாரின் ராஜினாமா நேற்றே தமிழக அரசிதழிலும் அதிகாரப்பூர்வமாக வெளியிடப்பட்டது.

புதிய சபாநாயகர் தேர்வு

புதிய சபாநாயகர் தேர்வு பற்றி சட்டப்பேரவை செயலாளர் ஏ.எம்.பி.ஜமாலுதீன் கூறுகையில், ``சட்டப்பேரவை தலைவர் தேர்தல், பேரவை கூட்டம் ஒன்றில் நடைபெற வேண்டும் என்று பேரவை விதி 7 உட்பிரிவு 3-ல் கூறப்பட்டுள்ளது. அதன்படி புதிய சட்டப்பேரவை தலைவர் தேர்ந்தெடுக்கப்படுவார்'' என்று தெரிவித்தார்.

அதன்படி, அடுத்த மாதம் 30-ந் தேதி தொடங்கும் சட்டசபை குளிர்கால கூட்டத்தொடரின்போது புதிய சபாநாயகரை தேர்ந்தெடுக்க தேர்தல் நடைபெறலாம். அதற்கான தேதியை கவர்னர் கே.ரோசய்யா அறிவிப்பார்.

சட்டப்பேரவையில் அ.தி.மு.க. உறுப்பினர்கள் பெரும்பான்மை பலத்துடன் இருப்பதால், கடந்த முறை ஜெயக்குமார் ஒருமனதாக தேர்ந்தெடுக்கப்பட்டது போலவே, இந்த முறையும் அ.தி.மு.க. சார்பில் நிறுத்தப்படும் வேட்பாளரே புதிய சபாநாயகராக தேர்ந்தெடுக்கப்படுவார்.

சட்டசபை வைரவிழா

அடுத்த மாதம் (அக்டோபர்) 29-ந் தேதி சட்டசபையின் வைரவிழா நடைபெறும் என்றும், மறுநாள் 30-ந் தேதி சட்டமன்ற குளிர்கால கூட்டத்தொடர் தொடங்கும் என்றும் ஏற்கனவே அறிவிக்கப்பட்டு உள்ளது.

சட்டசபை வைரவிழா, வரலாற்று முக்கியத்துவம் வாய்ந்த விழா என்பதால் அந்த விழாவின்போது சபாநாயகர் இருக்க வேண்டும் என்று கருதினால், குளிர்கால கூட்டத்தொடருக்கு முன்னதாகவே, சட்டசபையின் சிறப்பு கூட்டத்தை கூட்டி, புதிய சபாநாயகர் தேர்ந்தெடுக்கப்படலாம் என்ற தகவலும் சட்டசபை அலுவலக வட்டாரத்தில் தெரிவிக்கப்படுகிறது.

அரசியல் வட்டாரத்தில் பரபரப்பு

சபாநாயகர் டி.ஜெயக்குமார், சட்டசபை வைர விழாவிற்கான ஏற்பாடுகளை செய்து கொண்டிருந்த நிலையில் திடீரென பதவியை ராஜினாமா செய்தது, அரசியல் வட்டாரத்தில் வியப்பையும் பரபரப்பையும் ஏற்படுத்தி உள்ளது.

கடந்த 16 மாதங்களாக சபாநாயகர் பதவி வகித்துவந்த டி.ஜெயக்குமார் தலைமையில் இரண்டு முறை சட்டசபையில் கவர்னர் உரையாற்றி இருக்கிறார். இரண்டு பட்ஜெட் கூட்டத்தொடரை அவர் நடத்தியிருக்கிறார்.

தினமலர்

balakarthik · balakarthik Sun Sep 30, 2012 12:30 pm

"ஓடு மீன் ஓட உறுமீன் வருமளவும்
வாடி இருக்குமாம் கொக்கு"

மேற்கொண்டு விளக்கத்தை விளக்கமாக விளக்க விரும்பவில்லை கொக்கரக்கோ கும்மாங்கோ சூப்பருங்க

**ரா.ரா3275** · **ரா.ரா3275** Sun Sep 30, 2012 9:33 pm

நல்லவன் அ.தி.மு.க.விலும் வாழ முடியாது...
ஜெயக்குமார் (மட்டும்) விதிவிலக்கல்ல...

பூவன் · பூவன் Sun Sep 30, 2012 9:35 pm

ரா.ரா3275 wrote:நல்லவன் அ.தி.மு.க.விலும் வாழ முடியாது...
ஜெயக்குமார் (மட்டும்) விதிவிலக்கல்ல...

தத்துவம் எண் 5001 ....

**ரா.ரா3275** · **ரா.ரா3275** Sun Sep 30, 2012 9:38 pm

pooven wrote:
ரா.ரா3275 wrote:நல்லவன் அ.தி.மு.க.விலும் வாழ முடியாது...
ஜெயக்குமார் (மட்டும்) விதிவிலக்கல்ல...

தத்துவம் எண் 5001 ....

தம்பி உடையான் தத்துவத்திற்கு அஞ்சான்...

யினியவன் · யினியவன் Sun Sep 30, 2012 9:39 pm

அவரு நல்லவரா? கொப்புரானே சத்தியமா எனக்கு தெரியாது!!!

யினியவன் · யினியவன் Sun Sep 30, 2012 9:40 pm

ரா.ரா3275 wrote:தம்பி உடையான் தத்துவத்திற்கு அஞ்சான்...

காதல் பித்துவத்துக்கு?

பூவன் · பூவன் Sun Sep 30, 2012 9:41 pm

யினியவன் wrote:அவரு நல்லவரா? கொப்புரானே சத்தியமா எனக்கு தெரியாது!!!

எவரு நல்லவர்
நல்லவர் எவரு

என அறிந்த
நல்லவர் எவரும் இல்லை ...

நல்லவரை தேடி அலைவோர் சங்கம் ......500001

**ரா.ரா3275** · **ரா.ரா3275** Sun Sep 30, 2012 9:47 pm

யினியவன் wrote:அவரு நல்லவரா? கொப்புரானே சத்தியமா எனக்கு தெரியாது!!!

கொள்ள கூட்டத்துல கொஞ்சூண்டு நல்லவனும் நல்லவன்தானே அண்ணா...

பூவன் · பூவன் Sun Sep 30, 2012 9:50 pm

ரா.ரா3275 wrote:
யினியவன் wrote:அவரு நல்லவரா? கொப்புரானே சத்தியமா எனக்கு தெரியாது!!!

கொள்ள கூட்டாத்துல கொஞ்சூண்டு நல்லவனும் நல்லவன்தானே அண்ணா...

கொஞ்ச நல்லவனா
இல்ல ரொம்ப கெட்டவனா .
கொள்ளகூட்டமா இல்லை
மக்கள் வெள்ள கூட்டமா ?

Sponsored content · Sponsored content

தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

Re: தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

Re: தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

Re: தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

Re: தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

Re: தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

Re: தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

Re: தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

Re: தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

Re: தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

Re: தமிழக சட்டசபை சபாநாயகர் பதவியில் இருந்து டி.ஜெயக்குமார் 'திடீர்' ராஜினாமா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக