இலஞ்சம் இங்கே தொடங்குகிறது !

by **கரூர் கவியன்பன்** Sat Sep 29, 2012 10:27 am

ஆதாயம் இருந்தால்தான் எதையும் செய்வது என்ற மனப்போக்கை குழந்தைகளிடம் பல பெற்றோர்கள் எப்படியோ உருவாக்கி விடுகிறார்கள்.

ஒரு நிகழ்ச்சி;

தந்தை ஒருவர் தன் பையனைப் பார்த்துக் கடைக்குப் போய் ஏதோ சாமான் வாங்கி வரச் செல்கிறார். பையன் சினுங்குகிறான்.

பெண்ணை வேண்டுகிறார். பெண், படிக்க வேண்டுமென்று சொல்லி நாசுக்காக மறுத்து விடுகிறாள்.

கடைக்குப் போகிறவர்களுக்குச் சாக்லேட் வாங்க காசு தருவேன் என்கிறார் தந்தை. உடனே நான் முந்தி; நீ முந்தி என்று பையனும் பொன்னும் ஓடி வருகிறார்கள்.

இப்பொழுது தெரிகிறதா 'லஞ்சம்' எங்கே தொடங்குகிறது என்று !

எதிர்பார்த்துக் காரியம் செய்கிற பண்பை குழந்தைகள் மனதில் பதித்து விடுவது சமுதாயத்தில் பெரிய அளவில் சீர்கேடுகளை விளைவித்து விடும் தன்மையுடையது. அன்பு வார்த்தைக்கு எப்போதுமே மதிப்பு உண்டு.

தட்டிக்கொடுத்துச் சமத்து என்று சொன்னாலே போதும், சுட்டி பயலும் சொன்னபடி கேட்பான்.

'காசு மோசம் செய்யும் , இனிய வார்த்தைகள் கனிய வைக்கும்"

by பூவன் Sat Sep 29, 2012 10:28 am

வஞ்சம் இல்லாமல் லஞ்சத்தை பற்றி சொன்ன விதம் அருமை ....

by ச. சந்திரசேகரன் Sat Sep 29, 2012 10:40 am

தட்டிக்கொடுத்துச் சமத்து என்று சொல்வதும் ஒருவகையிலே லஞ்சம் தானோ?

கரூர் கணியன்பனை பாராட்டினால் கூட லஞ்சமாக எடுத்துக் கொள்வாரோ?

நன்றிகள்.

by balakarthik Sat Sep 29, 2012 11:03 am

கொழந்தை சமத்து என்னமா எழுதிருக்கு சூப்பருங்க

by **கரூர் கவியன்பன்** Sat Sep 29, 2012 2:27 pm

S. CHANDRASEKARAN wrote:தட்டிக்கொடுத்துச் சமத்து என்று சொல்வதும் ஒருவகையிலே லஞ்சம் தானோ?

கரூர் கணியன்பனை பாராட்டினால் கூட லஞ்சமாக எடுத்துக் கொள்வாரோ?

பாராட்டுக்கும் லஞ்சத்திற்கும் சிறு வித்தியாசம் தான். பாராட்டு பண்பானவர்களின் செயல், லஞ்சம் சமூகத்தை பாழ்படுத்துவர்களின் செயல் அவ்வளவு தான்.