அக்டோபர் 1ம் தேதி முதல் ஏ.சி. ரயில்,சரக்கு கட்டணம் அதிகரிக்கிறது!

வருகிற அக்டோபர் 1ம் தேதி முதல் ஏ.சி. வகுப்புக்கான ரயில் கட்டணம் , சரக்கு கட்டணம் மற்றும் ரயில் நிலையங்களில் விற்கப்படும் உணவுப் பண்டங்களின் விலை அதிகரிக்கப்பட உள்ளதாக ரயில்வே அமைச்சக வட்டாரங்கள் தெரிவித்துள்ளன.



ரயில்வே அமைச்சர் சி.பி. ஜோஷி, மத்திய நிதியமைச்சர் ப.சிதம்பரத்துடன் நடத்திய ஆலோசனைக் கூட்டத்திற்கு பின்னர் இந்த முடிவு எடுக்கப்பட்டதாக டெல்லி தகவல்கள் தெரிவிக்கின்றன.

ரயிலில் ஏ.சி. முதல் வகுப்பு, ஏ.சி. 2 டயர், ஏ.சி. 3 டயர், ஏ.சி. இருக்கை வகுப்பு ஆகியவற்றுக்கான கட்டணம், அக்டோபர் 1 ம் தேதி முதல் அதிகரிக்கப்படும் என்றும், பயணக்கட்டணத்திற்கான சேவை வரி 3.7 சதவீதமும், இதர சேவைகளான உணவகம், பயணிகள் வாகன நிறுத்தம் போன்ற ரயில்வே வழங்கும் இதர சேவைகளுக்கும் 12.36 சதவீதம் சேவை வரியும் விதிக்கப்படும். என்றும், சலுகை கட்டண பயணிகளுக்கான சேவை கட்டணம்,டிக்கெட் கட்டணத்தில் 30 சதவீதம் வரை விதிக்கப்படும் என்றும், இதற்கான அறிவிக்கை விரைவில் வெளியிடப்பட உள்ளதாகவும் ரயில்வே அமைச்சக மூத்த அதிகாரி ஒருவர் தெரிவித்துள்ளார்.

இதுதவிர சரக்கு கட்டணமும் அதிகரிக்கப்பட உள்ளதாக அந்த அதிகாரி மேலும் தெரிவித்தார்.

ஏற்கனவே முன்பதிவு செய்த பயணிகள், பயணம் செய்யும் நேரத்தில் புக்கிங் கவுண்டர்களிலோ அல்லது டிக்கெட் பரிசோதகரிடமோ உயர்த்தப்பட்ட கட்டணத்தை செலுத்த வேண்டும் என அந்த அதிகாரி மேலும் தெரிவித்தார்.

உணவுப் பண்டங்கள்




இதுதவிர ரயில் நிலையங்களில் விற்கப்படும் உணவுப் பண்டங்களின் விலையும் அதிகரிக்கப்படும் என தெரிவிக்கப்பட்டுள்ளது.

திரிணாமுல் காங்கிரஸ்

இதுவரை ரயில்வே அமைச்சர் பதவி திரிணாமுல் காங்கிரஸ் கட்சி வசம் இருந்த நிலையில்,கட்டண உயர்வுக்கு மம்தா எதிர்ப்பு தெரிவிப்பார் என்பதால் தயங்கிக்கொண்டிருந்த ரயில்வே அமைச்சகம், தற்போது அமைச்சரவையிலிருந்து அவரது கட்சியை சேர்ந்த அமைச்சர் வெளியேறிவிட்டதால்,இந்த முடிவை துணிச்சலாக எடுத்ததாக டெல்லி வட்டாரங்கள் மேலும் தெரிவிக்கின்றன.

நன்றி tcn நியூஸ் ...

ஏத்துங்க ஏத்துங்க உங்க கட்சி கொடிய ஏத்த
கை இல்லாம பண்ணிடப் போறாங்க மக்கள் சீக்கிரம்.

யினியவன் wrote:ஏத்துங்க ஏத்துங்க உங்க கட்சி கொடிய ஏத்த
கை இல்லாம பண்ணிடப் போறாங்க மக்கள் சீக்கிரம்.

கை இல்லேன்னா என்ன அவங்களுக்கு பை நிறைந்த போதும் ....