செல் பேசி வாங்கும் முன் – கவனிக்க வேண்டியவை !

சொற்றொடரின் சுருக்கங்களுக்கு (abbreviation) விரிவான பொருள் அவ்வவ்விடங்களில் விரிவாக்கம்(expansion) செய்துள்ளேன், முடிந்தவரை சிலவற்றிற்க்கு நேரான (literal) தமிழ் மொழிப் பெயர்ப்பை கானலாம்.

1. தேவை / அவசியம் – Necessity / Purpose

2. அம்சங்களின் பயன்பாட்டு சகவிகிதம் – Features usage in %

3. செல் போனுக்காக நாம் செலவிடும் தொகை – Budget

அதாவது தாங்கள் செல்விடப் போகும் தொகைக்கு, சரியான அம்சங்களும், தேவையை பூர்த்தி செய்யக் கூடியதாகவும் இருக்க வேண்டும், அம்சங்களுக்காக செலவிடப் போகும் தொகை சற்று வேறுபடும்.

ஒரு போனுக்கு மேல் வைத்திருப்பது இயல்பாகிவிட்ட உள்ளது ! ஒரு போனுக்கு மேல் மற்றொன்று (Back Up) தேவை என்ற நிலையும் அவசியமாகிவிட்டது. Dual Sim – இரண்டு சிம் (SIM – Subscriber Identification Module / பயனாளரை இனம் கொள்ளும் பாகம்) அட்டைகள் பொருந்திய பயன்பாடு பெருமளிவில் உள்ளது !

முக்கியமாக கணக்கில் கொள்ள வேண்டியவை

1. மின்னூட்டம் (சார்ஜ்) நிலைக்கும் அளவு / நேரம் – Charge backup Time.

பல அம்சங்கள் இருந்தாலும், பயன்பாட்டிற்க்கு மின்னூட்டம் நிலைத்திருக்க வேண்டும் என்பதை கவனித்தில் கொள்ள வேண்டும். மின்கலத்தில் (Battery) அதன் அளவு குறிப்பிடப்பட்டிருக்கும்



உ.தா : 860mAh / 950 mAh, 1020 mAh, 1200 mAh, 1500 mAh, 2000mAh (mAh – milli-Ampere-hour) வழக்கில், மில்லி ஆம்ப்ஸ் (milli Amps) என்று குறிப்பிடுவோம்.

அளவு அதிகமாக, அதிகமாக, மின்னூட்டம் நிலைக்கும் நேரம் அதிகமாகம். இதை கவனத்தில் வைத்துக் கொள்ளவும்.

2. மின்னூட்டம் செலுத்துவதற்கான வாய்ப்புகள் – Feasibility of Charging

அதாவது எங்கு சென்றாலும் மின்னூட்டம் செலுத்தக் கூடிய நிலை, அவ்வகையில் நோக்கியா போன்களே உதவி புரிகின்றன.

3. திரையின் அளவு & திரையின் பிரதி திறன் – Screen Size & Screen Resolution.

திரையின் அளவு பெரிதாக, பயன்பாட்டு நேரம் குறையும், இருப்பினும் பெரிய திரைகளை விரும்புவது, அவரவரின் விருப்பம் மற்றும் தேவையை சார்ந்ததும் ஆகும்.

4. தொடுதிரையா (Touch Screen) / விசையா (Keypad) ?

இணையப் பயன்பாடு (Internet), படம் பார்த்தல் (Video), பி.டிஃப் (Pdf) மற்றும் பிற ஆவண பயன்பாட்டிற்க்கு (.doc and Text documents Usage) ஆகியவைகளுக்கு டபெரிய திரை கொண்ட தொடுதிரை போன்கள் பயன்படும், இருப்பினும் அனைத்து தொடுதிரை போன்களிலும் இவைகளை சரியான அளவில் பயன்படுத்த முடியுமா என்றால் ? கவனித்து தான் வாங்க வேண்டும்.

என் முந்தைய பதிவில் ஃப்ர்ம்வேர் (Firmware) மற்றும் சாப்ட்வேர் (Software) இவ்விரண்டிற்க்கும் உள்ள வித்யாசத்தை குறிப்பிட்டிருப்பேன், அதாவது கருவி இயங்குவதற்க்கு தேவையானை ஃப்ர்ம்வேர் என்றும், நம் ப்யன்பாட்டுக்கு தேவையானை சாப்ட்வேர், என்பது தான் அந்த வேறுபாடு. அது தவிர இவ்விரண்டிற்க்கும் இடையில் இருப்பது தான் மிக முக்கியம், அது தான் இயக்கு/இயங்கு தளம் (Operating System) கணிணியை பயன்படுவதற்க்கு இயங்கு தளமாக உள்ள வின்டோஸ் (Windows) மற்றும் லினக்ஸ் (Linux) போன்ற தளம் செல்போன்களிலும் உள்ளது.



ஆன்டிராய்ட் (Android) என்று மிக பிரபலமாகிக் கொண்டிருப்பது இயங்கு தளம் தான், ஆன்டிராய்ட் கூகிளின் வெளியீடு, மைக்ரோசாப்ட்டின் செல்போன்களுக்கான இயங்கு தளம் வின்டோஸ் மொபைல்(Windows Mobile), நோக்கியாவின் பிரேத்ய தளமாக ( இருந்தது) இருப்பது சிம்பயன் (Symbian) இது போன்று இன்னும் சில உள்ளன.

இவையல்லாத அடிப்படை மற்றும் அதற்க்கு அடுத்த மட்டத்தில் உள்ள போன்கள் பெரும்பான்மையில் ஜாவா (Java) தளத்தில் இயங்குகின்றன, உதாரணத்திற்க்கு அவ்வகை நோக்கியா போன்களை S30, S40 வகைகளாகும்.

அதற்க்கு அடுத்து வரும் S60, S70, S80, S90 இவ்வகை நோக்கியா போன்கள் சிம்பயன் தளத்திள் அடங்கும். கிட்டதட்ட அனைத்து பிற நிறுவனங்களின் உயர்மட்ட போன்களில் ஆன்டிராய்ட் பயன்பாட்டிற்க்கு வந்ததால், நோக்கியா போன்களின் விற்பனை வெகுவாக பாதிக்கபட்டுள்ளது, வரும் காலங்களில் நோக்கியா வின்டோஸ் மொபைல் தளத்தை தனது போன்களில் பயன்படுத்தும், அதற்கான வியாபார உடன்படிக்கையில் இரண்டு நிறுவனமும் இணைந்துள்ளது.

ஜாவா தளத்தில் பயன்படுத்தப்படும் போன்களுக்கும், இவ்வைகை தனிப்பட்ட இயங்கு தளத்தில் இயங்கும் போன்களுக்கும் இரண்டு முக்கிய வேறுபாடுகள் உள்ளன.

1. மென்பொருள்களை பயன்படுத்துதல் (Software Usability)

2. பல் பணி (Multi Task)

ஜாவா தளத்தில் இயங்கும் சில போன்களில் சில ஜாவா அப்ளிகேசன்ஸ் (Java Games and Applications) பயன்படுத்தலாம், இவைகளையே தேவையான அளவும் , முழுமையாகவும் பயன்படுத்த தெரியாமல் பல அன்பர்கள் உள்ளனர்.

இணைய மேய்வான் (Java Mobile Internet Browser e.g Opera Mini)
அகராதிகள் (Java Dictionaries)

மற்றும் சிலவகை அப்ளிகேசன்ஸ் (சிறு மென்பொருள்கள்). இவ்வகை செல்பேசிகளில் பல்பணி செய்தல் இயலாது, இசையை மட்டும் பின்புலத்தில் கேட்கும் வசதியை சில போன்கள் தருகின்றன.

சிம்பயன், ஆன்டிராய்ட் மற்றும் பிற இயங்குதளங்களில், கணிணிபோல் பல்பணிகளை செய்யலாம், இருப்பினும் அதனை பயனாளர் எவ்வாறு அவரது தேவைக்கேற்ப பயன்படுத்துகிறார் என்பது அவரைச் சார்ந்தது.

போன் வகைகளை நான் இவ்வாறு பிரிக்கின்றேன்

1. Basic Level – அடிப்படை போன்கள்

- ரூ. 500/- முதல் ரூ.2,000/- வரை

2. Mid Level – அடுத்த மட்டம் / நடுமட்டம் போன்கள்

- ரூ. 2,000/- முதல் ரூ.6,000/- வரை

3. Intermediate Level – இடைப்பட்ட போன்கள்

- ரூ. 6,000/- முதல் ரூ.10,000/- வரை

4. Higher Level – மேல்மட்ட / உயர்வகை போன்கள்.

- ரூ. 10,000/- முதல் ரூ.20,000/- வரை

5. More Advanced – மிகவும் மேம்படுத்தப்பட்ட போன்கள்

- ரூ. 20,000/- மேல்

நடுமட்டம் மற்றும் இடைப்பட்ட இரண்டிற்குமான பொருள் கிட்டதட்ட ஒன்றே ஆயினும், போன்களின் விலையளவில் இந்த வேறுபாடு. இவைகளை தற்போதுள்ள விலை மற்றும் அம்சங்களின் அடிப்ப்டையில் தான் பிரித்துள்ளேன், நாளுக்கு நாள் செல்போன் விலை வீழ்ச்சியடைந்துக் கொண்டிருப்பதாலும், தொழில்நுட்பம் மேம்பட்டுக் கொண்டிருப்பதாலும் இவை நிலையானவை அல்ல.

இந்திய கம்பெனிகளில் செல்போன்கள் சந்தையில் நல்ல இடம் பிடித்துள்ளது உ.தா மைக்ரோமேக்ஸ் (Micromax) இரண்டு சிம் கார்டு, மற்றும் குறைவான விலைகளே முக்கிய காரணங்கள்.

ஆயினும் முக்கியமாக நாம் கவணிக்க வேண்டிய ஒன்று யாதெனில்

ஜாவா அப்ளிகேசன்ஸ் மற்றும் இணைய பயன்பாட்டிற்க்கு, இவைகள் வினைத்திறன்கள் அல்லாதவை (Inefficient), நன்றாக கவனித்தீர்களானால், இவ்வகை செல்பேசிலே உள்ள நினைவகம் மிக மிகக் குறைவு (Very low Phone memory) தனியாக நினைவக அட்டை வசதி இருக்கும், அதில் பாட்டு, படங்கள் பதவிறக்கிக் கொள்ளலாம் ஆனால் சில தேவையான, அவசியமான பயன்பாட்டிற்க்கு உதவாது.

1. Basic Level – அடிப்படை போன்கள்

அடிப்படை கருப்பு வெள்ளைத்திரை வகைகள் முதல் ஃப்.ம் (F.M) முதல் நினைவக அட்டை பயன்படுத்தி பாட்டுக்கள், படங்களை நம் விருப்பத்திற்க்கு ஏற்றாற் போல் பயன்படுத்திக் கொள்வது. தற்போது அடிப்படை VGA காமிராக்களும் இவ்விலையில் அடங்குகின்றன. (VGA = 640 x 480 அதன் பிரதித் திறன் /Resolution)

முக்கியமாக கவனிக்க பட வேண்டிய ஒன்று யாதெனில், இவ்வைகைளில் பயன்படுத்தப்படும் அலை உள்வாங்கி (Signal Reception) செயல் குறைந்தவைகள், நோக்கியா அடிப்படை போன்களிலிலும் அடுத்தமட்ட போன்களிலேயே இவ் வேறுபாட்டைக் காணலாம்.

2. Mid Level – அடுத்த மட்டம் / நடுமட்டம் போன்கள்

இன்று 5000 க்குள் நல்ல அம்சங்கள் கொண்ட போன்கள் பல உள்ளன, 2 MP – Mega Pixel / மெகா பிக்சல் (1600 x 1200) தொடங்கி 3.2 MP (2048×1536) வரை கிடைக்கின்றன, இருப்பினும் இப்புகைபடங்களின் தரங்கள் மெகா பிக்சலை சார்ந்தது மட்டும் அல்ல.

E-GPRS (Enhanced – General Packet Radio Service) மூலம் இணைய சேவையை போனிலும் மற்றும் கணிணியுடன் இனைத்து நன்றாக பயன்படுத்தப்படுகிறது, தற்போது, குறைந்தளவு தகவல் பறிமாற்றம் செய்யக் கூடிய மூன்றாவது தலைமுறை (3G – 3rd generation) வசதிகளும் 5000 க்குள் உள்ள செல்போன்களில் கிடைக்கிறது, அதென்ன குறைந்தளவு தகவல் பறிமாற்றம் எனில், இதில் அதிகபட்சமாக 384 kbps தகவல் பறிமாற்றம் தான் 3G பயன்படுத்திக் கொள்ளும்.

இன்றியமையாமை ஆகிவிட்ட Bluetooth புளூடூத் தொழில்நுட்பம், இதன் பெயர் காரணமும் வரலாறும் பலருக்கு தெரிந்திருக்கலாம், சிலருக்கு தெரியாமலும் இருக்கலாம், பின்வரும் பதிவில் எழுதுகின்றேன்.

இம்மட்டதில் உள்ள போன்களில் ஜாவா அப்ளிகேசன்ஸ் மற்றும் விளையாட்டுகளை நன்றாக பயன்படுத்தலாம்.

குறிப்பு: GPRS இணைப்பை போன் மற்றும் கணிணியில் பயன்படுத்துவதற்க்கு நோக்கியா போன்களே சிறந்த்தாக உள்ளன, ஜாவா அப்ளிகேசன்ஸ் களுக்கும் நோக்கியாவே சிறந்ததாக உள்ளன.

3. Intermediate Level – இடைப்பட்ட போன்கள்

இங்கு தான் நோக்கியா போன்களில் தனிப்பட்ட இயங்குதளம் சார்ந்த போன்கள் ஆரம்பிக்கின்றன, தொடுதிரை போன்கள் மற்றும் இந்த இடைப்பட்ட மட்டத்தில் 3G -ல் அதிகளவு தகவல் பறிமாற்ற அமைப்பு (Higher Bandwidth Rate – 3.2 Mbps முதல்) கிடைக்கிறது, GPS – Global Positioning System (இடங்காணல் அமைப்பு) வசதி கிடைக்கிறது, இதற்கென்று ஒரு இணைந்த சிப்பு செல்போனில் இருக்கும். GPS பற்றி எழுத வேண்டுமானால் தனியாக எழுத வேண்டும். அடுத்த பதிவில் விளக்குகின்றேன்.

சிலவற்றில் Wi-Fi – Wireless Fidelity / வை-ஃபை – வயர்லஸ் ஃபிடிலிட்டி என்று சொல்லக்கூடிய, குறிப்பிட்ட இடங்களில் (கல்லூரிகள், விமான நிலையங்கள், கம்பெனிகள்) பரவிக்கிடக்கும் இணைய அலைவரிசை வட்டதுக்குள். நாம் இணையத்தை பயன்படுத்திக் கொள்ளலாம். அதாவது லேப்டாப்பில் உள்ள வசதி போன்று.

ரூ.5000/- முதல் ஆன்டிராய்ட் போன்கள் கிடைத்தாலும், 10,000/- மேல் தான் சற்று சமன்படுத்தப்பட்ட(Balanced features) போன்கள் உள்ளன.

அது போல் தொடுதிரை தொழில்னுட்பத்தில் இரண்டு வகை உள்ளது Capacitive and Resistive, இவைகளை வேறு பதிவில் விளக்குகின்றேன். இம்மட்டதில் Resistive வகைகளை பயன்படுத்தப்படுகின்றன.

4. Higher Level – மேல்மட்ட / உயர்வகை போன்கள்.

இங்கு சொல்லப் போனால், காமிரா மற்றும் பிற அம்சங்கள் அதனின் தரம் மற்றும் செயல்பாடுகளில் அதிகரித்துக் கொண்டே போகும்

Capacitive தொடுதிரை, 3G, GPS, Wi-Fi, அதெற்கேற்றார் போல் நல்ல தரமான பாகங்கள், கீரல் விழாத திரைகள் (Scratch Resistant Surface), அதிக பிரதித்திறன் கொண்ட திரைகள் (High Resolution Displays)

அதற்கேற்றார் போல் அதிக திறன் கொண்ட மின்கலங்கள் (Batteries)

கருப்பு சதைக்கனி அதாவது Blackberry (பிளாக்பெர்ரி) மற்றும் நோக்கிய E வகைகளான அலுவல் வகை / Business Class என சொல்லக்கூடிய போன்களும் இதில் அடங்கும்.

5. More Advanced – மிகவும் மேம்படுத்தப்பட்ட போன்கள்

சொல்லப்போனால் அம்சங்களின் அடிப்படை இவைகளே தான், ஆனால் அவகளின் செயல்பாட்டுத் திறன் அதிகரித்துக் கொண்டே செல்கிறது, இவ்வகையில் நான் பலகை கணினி போன்களை (Tablet PC alias Phones) இப்பட்டியலில் விடுகின்றேன்.

---
திரள்

அருமை மதன்.

இன்னிக்கு நாங்க நிறைய தெரிஞ்சுக்கலாம் போலிருக்கு உங்களிடம் இருந்து.

பகிர்வுகள் தொடரட்டும்

கைப்பேசி வாங்குமுன் உங்கள் கை பேசியதை இங்கு கண்டபின் வாங்குவதே நன்று.