வரும் 16 ம் தேதி ஐப்பசி பூஜைக்காக சபரிமலை . . , 17-ம் தேதி மேல்சாந்தி குலுக்கல் தேர்வு

கோவைசிவா · கோவைசிவா Sat 10 Oct 2009 - 22:17

சபரிமலை: ஐப்பசி மாத பூஜைக்காக சபரிமலை நடை வரும் 16-ம் தேதி மாலை திறக்கப்படுகிறது. 17-ம் தேதி மேல்சாந்தி குலுக்கல் தேர்வு நடைபெறுகிறது. ஐப்பசி மாத பூஜைக்காக சபரிமலை நடை வரும் 16-ம் தேதி மாலை 5.30 மணிக்கு திறக்கப்படுகிறது. மேல்சாந்தி விஷ்ணு நம்பூதிரி நடைதிறந்து தீபம் ஏற்றுகிறார். வேறு விசேஷ பூஜைகள் எதுவும் நடைபெறாது. இரவு பத்து மணிக்கு நடை அடைக்கப்படும். 17-ம் தேதி காலை ஐந்து மணிக்கு நடை திறந்து நிர்மால்ய தரிசனத்துக்கு பின்னர் கணபதிஹோமம் நடைபெறும். தொடர்ந்து நெய்யபிஷேகம் நடைபெறும்.

காலை 7.30 மணிக்கு உஷபூஜை நடைபெறும். காலை 8.30 மணிக்கு புதிய மேல்சாந்தி தேர்வு நடைபெறுகிறது. வரும் கார்த்திகை ஒன்றாம் தேதி முதல் ஒரு ஆண்டு காலத்துக்கான மேல்சாந்தியை தேர்வு செய்வதற்காக இது நடைபெறுகிறது. திருவிதாங்கூர் தேவசம்போர்டு நேர்முகத்தேர்வு நடத்தி தயாரித்துள்ள ஒன்பது பேர் பட்டியலில் ஒருவர் குலுக்கல் முறையில் தேர்வு செய்யப்பட உள்ளார். இதுபோல மாளிகைப்புறம் கோயிலுக்கும் ஒருவர் தேர்வு செய்யப்பட உள்ளார்.

ஐப்பசி பூஜைக்காக சபரிமலை நடை 21-ம் தேதி இரவு பத்து மணி வரை திறந்திருக்கும். நடை திறந்திருக்கும் எல்லா நாட்களிலும் படிபூஜை நடைபெறுகிறது. 20,21 தேதிகளில் களபபூஜை நடைபெறுகிறது. 21-ம் தேதி இரவு நடை அடைக்கப்பட்ட பின்னர் சித்திரை ஆட்டத்திருநாள் பூஜைக்காக நவம்பர் 13-ம் தேதி மாலை 5.30 மணிக்கு மீண்டும் நடை திறக்கும்.

வரும் 16 ம் தேதி ஐப்பசி பூஜைக்காக சபரிமலை . . , 17-ம் தேதி மேல்சாந்தி குலுக்கல் தேர்வு

வரும் 16 ம் தேதி ஐப்பசி பூஜைக்காக சபரிமலை . . , 17-ம் தேதி மேல்சாந்தி குலுக்கல் தேர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக