பழைய ஜோக்ஸ்

குமுதம்: 24-8-2000

"ஏன் டாக்டர் திடீர்னு கண்ணை மூடிக்கிட்டீங்க?"

"பார்வை நேரம் முடிஞ்சிடிச்சு. போயிட்டு நாளைக்கு வாங்க."

- இரா ஆதி நாராயணன், தஞ்சாவூர்.

---

தினத்தந்தி குடும்ப மலர் 20-8-2000

"ஏகப்பட்ட விருந்து நடக்குது. ஒண்ணுதுக்குமே போக முடியல..."

"ஏன் உடம்பு சரி இல்லையா?"

"யாருமே கூப்பிடலே!"

- டி. அஹமது இப்ராகிம் ஜின்னா, அபிவிருத்தீஸ்வரம்.

---

கல்கி 27-8-2000

"இவ்வளவு நேரம் கரடியா கத்தறேனே! காதுல விழலியா உங்களுக்கு?"

"கரடி பாஷை எல்லாம் எனக்குத் தெரியாது சரசு."

-சீர்காழி ரேவதி.

---

இந்தியா டுடே 30-8-2000

"டாக்டர், என் அப்பாவுக்கு மேல் மூச்சு கீழ் மூச்சு வாங்குது."

"கவலைப் படாதீங்க. நிறுத்திடலாம்.

-ஆ.சி. முத்துக்கண்ணு.

---

கல்கண்டு 31-8-200

"தோசை ஏன் கறுப்பாக இருக்கு?"

"சமையல்காரருக்கு மூணுமாச சம்பளபாக்கியாம். கறுப்பு தினம் அனுஷ்டிக்கிறார்!"

-லலிதா செல்லப்பா சென்னை - 74.

---

விகடன் 27-8-2000

ஷாம்பூ போட்டுக் குளிப்பது நல்லதா! சீயக்காய் போட்டுக் குளிப்பது நல்லதா!

பாத்ரூமில் தாழ்ப்பாள் போட்டுக் குளிப்பதுதான் நல்லது!

---

இந்த பழைய ஜோக்சுக்கு எப்பவோ இதெல்லாம் படிச்சு சிரிட்சத நினைச்சுகிறேன் தல ஓகேயா

ஒரு வாசகர் கடிதம் :

ஆசிரியர் அவர்களுக்கு,

இந்த வாரத் தலையங்கம் டாப் டக்கர். அசத்திவிட்டீர்கள் அசத்தி!

பின்குறிப்பு : ஒருவேளை தலையங்கம் எழுதாவிட்டால் 'கார்ட்டூன்' என்று மாற்றிக் கொள்ளவும்.

-கல்லன் கிருஷ்ணராஜ்




அவர் : இன்ஸ்பெக்டர் சார், இன்னிக்கு சாயந்தரத்துக்குள்ள எப்படியாவது என் பையனைக் கண்டுபிடிச்சுக் குடுத்துடுங்க.

இன்ஸ்பெக்டர் : ஏங்க இப்படி அவசரப்படறீங்க?

அவர் : இல்லேன்னா எடுத்துக்கிட்டுப் போன இரு நூறு ரூபாயையும் செலவழிச்சுடுவான்.

-மேடை மெய்யப்பன்




"சார்! சார்! எதிரே புலி! சுடுங்க! சுடுங்க!"

"இடியட்! நாம வீரப்பனைத் தேட வந்தோமா, புலி சுட வந்தோமா, வந்த டூட்டியைக் கவனிய்யா!"

- வி




"இவ்வளவு பெரிய கதைக்கு பத்து ரூபாய் தானா, அது பழைய பேப்பர் கடையிலேயே கிடைத்து இருக்குமே!"

ஆசிரியர் பதில் : நானும் அதுக்குத்தான் பத்து ரூபாய் கொடுத்தேன்.

-ஹரிசங்கர்




"தண்ணீரை பனிக்கட்டியாக்கினால் என்ன மாறுதல் ஏற்படும்?"

"அதை வாங்குவதற்குப் பணம் கொடுக்க வேண்டும்?"

-ஹரிசங்கர்





"மொட்டைத் தான் அடிச்சாச்சே, எழுந்திரேன்யா?"

"இல்லீங்க. எட்டு வாட்டி மொட்டை போட்டுக்கறதா வேண்டி ட்டு நிறைவேத்தலை. இன்னும் ஏழு தடவை அடிச்சி விட்டுடுங்க!"

-வி




திருமணத்தன்று

"என்னதுடா உன் கழுத்துல தாலி?"

"ரிஸப்ஷனிலே ஒருத்தர் மாலைகளைக் கொண்டு வந்து கொடுத்துட்டு மாலை மாத்திக்குங்கன்னார். மாலை மாத்தும் போது தாலியும் சேர்ந்து மாறிட்டுது."

"உங்க கழுத்துக்கும் தாலி அழகாத்தான் இருக்கு. அப்படியே இருக்கட்டும்'னுட்டா ஒய்·ப்!"

-வி




"அடிக்கடி இவர் தனக்குத்தானே பேசிக்கிறார் டாக்டர்"

"இதுல கவலைப்பட ஏதும் இல்லே! பேஷண்ட் இல்லாத நேரத்தில் நானே அப்படித்தான் பேசிக்கிறேன்!"

-பர்வதவர்த்தினி




"உங்க வீட்டுத் திண்ணையிலே எப்பவும் ஒரு பாட்டி உட்கார்ந்து இருக்காங்களே! யார் அவங்க?"

"அவங்கதான் எங்க வீட்டு ரிசப்ஷனிஸ்ட்!"

-பர்வதவர்த்தினி

நீதிபதி : அந்தப் பெண் கற்பழிக்கப்படும் போது குற்றம் சாட்டப்பட்டவர் அங்கு இல்லை என்பது நிரூபணமாகிறது. ஆகவே அவரை விடுதலை செய்கிறேன்.

குற்றம் சாட்டப்பட்டவர் : அப்போ அந்தப் பொண்ணு என் மொகத்தைக் கீறி, கையைக் கடிச்சதுக்கு நஷ்டஈடு கேட்கலாங்களா சாமி?

ஜோக்ஸ் எல்லாமே சூப்பர்

மிகவும் நன்று