100 வீரர்கள் 13 ஆயிரம் அடி உயரத்தில் இருந்து ‘ஸ்கை டைவ்’ செய்து கின்னஸ் சாதனை

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

100 வீரர்கள் 13 ஆயிரம் அடி உயரத்தில் இருந்து ‘ஸ்கை டைவ்’ செய்து கின்னஸ் சாதனை

#850420

பூவன்
வி.ஐ.பி: பதிவுகள் : 17648
இணைந்தது : 21/09/2011

Post பூவன் Wed Sep 26, 2012 11:37 am

அமெரிக்காவில் 100 வீரர்கள் 13 ஆயிரம் அடி உயரத்தில் இருந்து ‘ஸ்கை டைவ்’ செய்து கின்னஸ் சாதனை படைத்தனர். வைர மோதிரம் போல நடுவானில் அவர்கள் அட்டகாசமாக அணிவகுத்தது கண்கொள்ளா காட்சியாக இருந்தது. உலகின் பல்வேறு நாடுகளை சேர்ந்த ‘ஸ்கை டைவ்’ வீரர்களை கொண்டு சாதனை நிகழ்ச்சி நடத்த அமெரிக்காவை சேர்ந்த ‘ரைஸ் த ஸ்கை’ என்ற தொண்டு நிறுவனம் முடிவு செய்தது. பல ஆயிரம் அடி உயரத்தில் இருந்து குதிக்கும் அனுபவம் பெற்ற 100 வீரர்கள் 21 நாடுகளில் இருந்து வரவழைக்கப்பட்டனர்.

கலிபோர்னியா மாநிலத்தின் தென் பகுதியில் உள்ள பெரிஸ்வேலி பகுதியில் இந்த சாதனை நேற்று முன்தினம் நடத்தப்பட்டது. 5 பிரத்யேக விமானங்களில் வீரர்கள் புறப்பட்டனர். நடு வானில் பறவை போல மிதக்க உதவும் விங்சூட் ஆடைகளை அவர்கள் அணிந்திருந்தனர். 13 ஆயிரம் அடி உயரத்தில் பறக்கும்போது, விமானத்தில் இருந்து ஒவ்வொருவராக குதித்தனர். பின்னர், 100 வீரர்களும் வைர மோதிரம் போன்ற வடிவில் நடு வானிலேயே அட்டகாசமாக அணிவகுத்து, ஒரே உயரத்தில் சீராக பறந்தனர். இந்த வடிவம் மாறாமல் சுமார் 2 மைல் தொலை வுக்கு 125 கி.மீ. வேகத்தில் அவர்கள் பறந்தனர்.

நடுவானில் நடந்த சாகச, சாதனை நிகழ்ச்சியை ஏராளமானோர் கண்டுகளித்தனர். இது கின்னஸ் சாதனை புத்தகத்தில் இடம்பெற உள்ளது. சாதனை நிகழ்ச்சியின் ஒரு பகுதியாக, அப்பகுதியில் உள்ள பள்ளிகளுக்கு சென்ற வீரர்கள் டீம்ஒர்க், இலக்கு வைத்து முன்னேறுவது, சாதிப்பது குறித்து மாணவர்களுக்கு விளக்கம் அளித்தனர்.

http://pooninaivukal.blogspot.in/

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1