சில்லறை வர்த்தகத்தில் அன்னிய முதலீடு. இந்திய அரசின் முடிவுக்கு அமெரிக்கா பாராட்டு.

சில்லறை வர்த்தகத்தில் அன்னிய நேரடி முதலீட்டை அனுமதிக்கும் இந்திய அரசின் முடிவு துணிச்சலானது என்று அமெரிக்கா பாராட்டி உள்ளதுடன், சர்வதேச முதலீட்டை ஈர்க்க இது உதவும் என்றும் கூறியுள்ளது.

நியூயார்க்கில் நடைபெற்ற "இந்திய முதலீட்டு அமைப்பின் 9-வது ஆண்டு விழா'வில் பங்கேற்ற அமெரிக்காவின் பொருளாதார வளர்ச்சி, மின்சாரம் மற்றும் சுற்றுச்சூழல் துறை செயலாளர் ராபர்ட் ஹார்மட்ஸ் கூறியதாவது:

பல்பொருள் சில்லறை வர்த்தகம், தகவல் ஒலிபரப்பு, உள்நாட்டு விமானப் போக்குவரத்து மற்றும் மின் உற்பத்தி ஆகிய துறைகளில் அன்னிய நேரடி முதலீடு அனுமதிக்கப்படும் என இந்திய அரசு அறிவித்துள்ளது. இந்திய அரசின் இந்த முடிவு துணிச்சலானது.

இத்தகைய பொருளாதார சீர்திருத்த நடவடிக்கைகளின் மூலம், அமெரிக்கா உள்ளிட்ட சர்வதேச நாடுகளைச் சேர்ந்த நிறுவனங்கள் இந்தியாவில் முதலீடு செய்வதற்கான வாய்ப்பு ஏற்பட்டுள்ளது. இந்தியப் பொருளாதார வளர்ச்சிக்கு அன்னிய முதலீடு முக்கிய பங்கு வகிக்கும்.

இந்தியாவில் போதுமான நவீன கிடங்கு வசதிகள் இல்லாத காரணத்தால் 40 சதவீத விளைபொருள்கள் வீணாவதாகக் கூறப்படுகிறது. சில்லறை வர்த்தகத்தில் அன்னிய முதலீட்டை அனுமதிப்பதன் மூலம் இந்தப் பிரச்னைக்குத் தீர்வு கிடைக்கும். விவசாயிகளின் விளைபொருளுக்கும் நியாய விலை கிடைக்கும்.

அதேநேரம், வர்த்தகம் செய்வதற்கான சூழலைப் பொருத்தவரை இந்தியா மிகவும் பின்தங்கி உள்ளது. வெளிநாட்டு நிறுவனங்கள் வர்த்தகம் செய்வதற்கு ஏற்ற சூழல் உள்ள நாடுகளை உலக வங்கி தரவரிசைப்படுத்தி உள்ளது. 183 நாடுகள் அடங்கிய இந்தப் பட்டியலில் இந்தியா 132-வது இடத்தில் உள்ளது.

tcn நியூஸ்

இதேபோல் அமெரிக்கா இந்தியாவை அனுமதிக்க வேண்டும். இந்திய அரசு மக்கள் விரோத நடவடிக்கையை கை விட வேண்டும். மக்கள் மீண்டும் ஓரு அந்நிய பொருள் புற்கணிப் போராட்டத்தில் ஈடுபட வேண்டும். ஆனால் இளைய சமுதாயம் சினிமாவிலும் மீதி சமுதாயம் தொலைக்காட்சி நாடகங்களிலும் மூழ்கி உள்ளது.