காதல் மழை...........

பூவன் · பூவன் Tue Sep 25, 2012 8:38 pm

ஈர முத்ததினொரு துளி
மழையெனக் கசிய
பேசும் மௌனம்
பேசிக்கொண்டேயிருக்கிறது
மௌனங்களாகவே !

ஒரு காகிதத்தை
நிர்வாணப்படுத்திய
பெருமூச்சில்
உருகி வழிகிறது
என் காதல்
கவிதை வார்த்தைகள்
ஏதுமின்றி!

காதல் முன்பெழும் ஓசைகள் !

காத்திருப்புகளின் பயணக்களைப்பில்
இளைப்பாரிக்கொண்டிருந்தன
அவள் சார்ந்த நினைவுகள்!!!

முத்தங்களை தாங்கிப்பிடித்தபடி
முணுமுணுத்துக் கொண்டிருக்கும்
நிலா வடிவ சுவர் கடிகாரம்...

அறை நெடுக
விழி படும் இடமெல்லாம்
குமிழும் அவள் கூந்தல் ஈரம்...

அவள் கொஞ்சல் மொழிகளை
மௌனமாய் உச்சரித்து விளையாடும்
அந்த தலையாட்டு பொம்மை...

மறுபுறத்தில்
விசிறியின் உந்துதலுக்கு
வெட்கமறியா சில காகிதங்கள்
ஒன்றை ஒன்று உரச
ஒரே கூச்சலும் குழப்பமுமாய்....

இடையிடையில்
காதல் வேட்கையில்
திட்டுத் திட்டாய் சில தணிக்கை வெட்டுக்கள்...

உதறி எழுந்து
இயல்பு நிலைக்கு திரும்புகையில்...

கலவரமறியாது
இசையெழுப்பிக் கொண்டிருந்தது
ஜன்னலின் திரைசீலை....

நன்றி பல்சுவை .....

பூவன் · பூவன் Tue Sep 25, 2012 8:43 pm

காதல்.

எத்தனை யோசித்தாலும்
புரிவில்லை ஏன் ?
என் காதல் உன்
மீது என்று
கேள்விக்கான விடை
என்றும் நான்
உன்னை காதலிப்பேன்

மனநலம் உன்னிடத்தில் தான்...!
காதலியே
உன்
உடல் நலத்தை
கருத்தில் கொண்ட
எனக்கு
இன்று
உடல்நலம்
இல்லை..!
நீ வந்து
பார்க்கவில்லை...
பரவாயில்லை
என்
மனநலம்
உன்னிடத்தில் தான்
உண்டு
அதையாவது
சரியாக
பார்த்துக்கொள்...!

பூவன் · பூவன் Tue Sep 25, 2012 8:45 pm

உன் கண் இமை உனிடம் துடிப்பதை விட எனிடம் உன்

நினைவுகள் துடிப்பது அதிகம்...
எனினும் உனது கண் துடிப்பின் அழகை நேரில் பார்க்கும்போது

என் இதய துடிப்பு தோற்று விடுகிறது ..
சொல்ல போனால் துடிக்கவா என்று கேட்கிறது

வார்த்தை.

நான் ஆசை பட்ட ஒருவார்த்தை, நான் சுவாசிக்கும்

ஒருவார்த்தை , நான் தேடி தெரியும் ஒரு வார்த்தை , நொடியும்

மாறாக முடியாத அந்த வார்த்தை . .. . (அவள் பெயர் )

பிரிந்த நாட்கள்

உன் சிரிப்பை பார்த்தேன், என் சிந்தனைகளில் கலந்தாய்..
உன் கண்ணை பார்த்தேன் என் கனவில் கலந்தாய். . எப்படி என்னுள் கலந்து இருக்க
உன்னை பிரிந்த நாட்கள் மட்டும் என்னை கலங்க செய்தா ??

பூவன் · பூவன் Tue Sep 25, 2012 8:46 pm

ஒரு முதல் பார்வையில்
சிக்கிவிடாமல்
கொஞ்சம் காலதாமதத்தோடு
வந்தடைகிறது என்னை

தனிமையின் அடுக்குகளை
புரட்டி கொண்டிருந்த
இருள் கவியும் மாலைப் பொழுதில்
வியர்வையின் மினுக்கலோடு
பூக்கிறது என்னிடம்

தட்டப்படும் கதவுக்கு வெளியே
யாருமற்ற ஏகாந்தத்தில்
ஒளிப்புள்ளியாய்
நின்று ஏங்கும் காதலுக்காய்

இறுகியப் படிமப் பாளமொன்று
உருகி வெளியேறுகிறது
என்
இதயத்தின் வெப்பத்தால்.....

பூவன் · பூவன் Tue Sep 25, 2012 8:48 pm

நாம் ஒன்றாய் கழித்த அந்த
நினைவுகளை என்
இதயத்தில் செதுக்கி விட்டேன்
என் கனவுகளை
கவிதைகளாக வரைந்து
கண்ணீரில் கரைக்கிறேன்
யாருக்கும் தெரியாமல்
என்னுயிரில் கலந்த
உன்னை மட்டும் பிரிந்து
செல்ல நினைக்காதே……
நானில்லாமல் நீயிருப்பாய்………
ஆனால்…..
நீயில்லாமல் நானிருக்க மாட்டேன்….

Sponsored content · Sponsored content

காதல் மழை...........

காதல் மழை...........

Re: காதல் மழை...........

Re: காதல் மழை...........

Re: காதல் மழை...........

Re: காதல் மழை...........

Re: காதல் மழை...........

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக