மனங்கவரும் திருமலை மலர்தோட்டம்!

திருமலையில் வருடந்தோறும் நடைபெறும் பிரம்மோற்சவ விழா பிரபலம் என்றால், பிரம்மோற்சவத்தை முன்னிட்டு இங்கு நடைபெறும் மலர்கண்காட்சி இன்னும் பிரபலம்.

இதை பார்ப்பதற்காகவே பக்தர்கள் குடும்பத்தோடு திருமலைக்கு அதிகம் வருவார்கள், அந்தளவிற்கு மிகவும் ரசனையாக இந்த மலர்கண்காட்சியை வடிவமைப்பார்கள், ஒரு வருடம் செய்ததை அடுத்த வருடம் செய்யமாட்டார்கள், வருடத்திற்கு வருடம் வித்தியாசமாக அமைக்கப்படும் மலர்கண்காட்சி, இந்த வருடமும் நிறைய புதுமைகளுடன் மக்களின் பாராட்டை பெறும்படி அமைந்துள்ளதுது.

பல்வேறு மாநிலங்களில் விளையும் பல வண்ண விசேஷ மலர்களை வரவழைத்து அதன் மூலம் பல்வேறு வடிவங்களை உருவாக்கியுள்ளனர். பெங்களூருவில் வந்த மலர்களால் உருவாக்கப்பட்ட கும்பமும், யானையும் குழந்தைகளை மட்டுமல்ல பெரியவர்களையும் கவரும் வகையில் அமைந்துள்ளது.

இந்த வருடம் அதிகம் பாராட்டை பெற்றுள்ளது கண்ணன் லீலைதான். பெண்களின் ஆடைகளை எடுத்து வைத்துக் கொண்டு கிருஷ்ணர் செய்யும் லீலைகளை மிக தத்ரூபமாக வடிவமைத்துள்ளனர். இதற்கான நீருற்றுக்கே பல லட்சம் செலவழித்துள்ளனர். இதே போல கோபத்தில் இலங்கையை எரிக்கும் அனுமன்காட்சியும் அற்புதமாக அமைந்துள்ளது.

அரக்கனுக்காக வண்டியோடு கொண்டு போன உணவை பீமன் சாப்பிட்டுவிடுவான், இதன் காரணமாக கோபத்துடன் சண்டைக்கு வரும் அரக்கனை பீமன் அழித்து அந்த ஊர் மக்களை காப்பாற்றுவதாக மகாபாரதத்தில் ஒரு கதை உண்டு.இந்த கதையை மிக நேர்த்தியாக இங்கே காட்சிப்படுத்தி இருக்கிறார்கள்.இதற்கான தெலுங்கு பாட்டு எல்லாருக்கும் பிடிக்கும் தெம்மாங்கில் அமைந்துள்ளது.

மேலும் பிரகலாதனுக்காக தூணில் இருந்து கிளம்பிவந்த நரசிம்மர், பாற்கடலில் பள்ளி கொண்டுள்ள பரந்தாமன் ஆகிய காட்சிகளும் நெஞ்சை கொள்ளை கொள்பவையாகும். தோட்டக் கலைத்துறையினரும் தங்கள் பங்கிற்கு என்று காய்கறிகளால் பல்வேறு பறவைகள், சுவாமி உருவங்களை வைத்துள்ளனர். கத்திரிக்காயை வைத்து உருவாக்கியுள்ள லிங்கம் அற்புதமானதாகும்.

இப்படி பல விஷயங்கள் இந்த மலர்கண்காட்சியில் உள்ளது.கண்ணுக்கும் கருத்துக்கும் புத்துணர்ச்சி தரும் இந்த கண்காட்சியை காண கட்டணம் ஏதுமில்லை. திருமலையில் நிலவும் மிதமான குளிர்ந்த தட்பவெட்பம் காரணமாக பூக்கள் வாடாமல் அப்போதுதான் பூத்தது போல எப்போதும் இருப்பதும் இன்னும் விசேஷம்.

தற்போது நடந்துவரும் பிரம்மோற்சவம் காணவரும் பக்தர்கள் மறக்காமல் இங்கு இந்த சந்தர்ப்பத்தில் நடைபெறும் மலர் கண்காட்சியையும் பார்த்து ரசிக்கவும்.

நன்று

ஊனேறு செல்வத்து உடன் பிறவி யான் வேண்டேன்

ஆன் ஏறு ஏழ் வென்றான் அடிமை திறம் அல்லாமல்

கூனேறு சங்கம் இடத்தான் தன் வேங்கடத்து

கோனேரி வாழும் குருகாய் பிறப்பேனே

ஆனாத செல்வத்து அரம்பையர்கள் தற் சூழ

வாநாளும் செல்வமும் மண் அரசும் யான் வேண்டேன்

தேனார் பூம் சோலை திரு வேங்கட சுனையில்

மீனாய் பிறக்கும் விதி வுடையேன் ஆவேனே

கேசவன் wrote:ஊனேறு செல்வத்து உடன் பிறவி யான் வேண்டேன்

ஆன் ஏறு ஏழ் வென்றான் அடிமை திறம் அல்லாமல்

கூனேறு சங்கம் இடத்தான் தன் வேங்கடத்து

கோனேரி வாழும் குருகாய் பிறப்பேனே

ஆனாத செல்வத்து அரம்பையர்கள் தற் சூழ

வாநாளும் செல்வமும் மண் அரசும் யான் வேண்டேன்

தேனார் பூம் சோலை திரு வேங்கட சுனையில்

மீனாய் பிறக்கும் விதி வுடையேன் ஆவேனே

இன்னும் நிறைய போடோகள் கிடைத்ததால் நல்லா இருக்கும். யாருக்கேனும் கிடைத்ததால் போடுங்கோ ப்ளீஸ்