எழுச்சி பெறுமா இந்தியா ? இன்று இங்கிலாந்துடன் மோதல்

கொழும்பு: இந்தியா, இங்கிலாந்து அணிகள் மோதும் "டுவென்டி-20' உலக கோப்பை லீக் போட்டி இன்று நடக்கிறது. கடந்த போட்டியில் செய்த தவறுகளை சரி செய்து, இந்திய அணி எழுச்சி பெறும் என எதிர்பார்க்கப்படுகிறது.

நான்காவது உலக கோப்பை "டுவென்டி-20' போட்டி, இலங்கையில் நடக்கிறது. இதுவரை நடந்த லீக் போட்டிகளின் அடிப்படையில் ஜிம்பாப்வே, ஆப்கானிஸ்தான் அணிகள் தொடரில் இருந்து வெளியேறிவிட்டன. இன்று, "ஏ' பிரிவில் நடக்கும் லீக் போட்டியில் இந்தியா, இங்கிலாந்து அணிகள் மோதுகின்றன.

துவக்க பலவீனம்:

இந்திய அணியின் பலமே பேட்டிங் தான். ஆனால், துவக்கத்தில் சேவக், காம்பிர் ஜோடி சொதப்புவது ஏமாற்றம் தருகிறது. "மிடில் ஆர்டரில்', விராத் கோஹ்லி உறுதியான ஆட்டத்தை தருகிறார்.

சர்வதேச போட்டிகளில் தொடர்ந்து அரை சதமாக விளாசும் இவர், அதை சதமாக மாற்ற முயற்சித்தால் நன்றாக இருக்கும். பின் வரிசையில் வயிற்று வலியில் அவதிப்படும் ரெய்னா, யுவராஜ் சிங் ஆகியோரில் ஒருவருக்குப் பதில் மனோஜ் திவாரிக்கு, கேப்டன் தோனி வாய்ப்பு தருவார் என நம்பலாம்.

பவுலிங் கவலை:

அணியின் பவுலிங் தான் பெரிய கவலையாக உள்ளது. வேகத்தில் ஜாகிர் கான், பாலாஜி இருந்தாலும், துல்லியமாக இல்லாதது வருத்தம் தான். இதனால் தான் ஆப்கானிஸ்தான் அணியுடன் போராட வேண்டியதாயிற்று. பயிற்சி போட்டியில் அசத்திய இர்பான் பதான், அஷ்வின் நம்பிக்கை தரவேண்டும்.

"பார்ட் டைம்' பவுலர்கள் திறமை குறித்து நம்பமுடியாத நிலையில், இன்று தோனி ஐந்து பவுலர்களுடன் களமிறங்கினால் நல்லது. தவிர, பிரேமதாசா ஆடுகளம் வேகத்துக்கு சாதகமாக உள்ள நிலையில், இந்திய அணி சுழற் பந்து வீச்சை அதிகமாக நம்பி இருப்பது பலவீனம் தான்.

அதேநேரம் இங்கிலாந்து பேட்ஸ்மேன்கள் சுழலில் தடுமாறுவர் என்பதால், ஹர்பஜனுக்கும் சேர்த்து வாய்ப்பு கிடைக்கலாம்.

பேட்டிங் அசத்தல்:

"நடப்பு சாம்பியன்' இங்கிலாந்து அணியின் பேட்டிங், பவுலிங் இரண்டும் அசத்தலாக உள்ளது. முதல் போட்டியில் 99 ரன்கள் எடுத்த லூக் ரைட், அலெக்ஸ் ஹேல்ஸ், மார்கனுடன், கீஸ்வெட்டர் எழுச்சி பெற முயற்சிக்கலாம். தவிர, பட்லர், பேர்ஸ்டோவ் ஆகியோரும் பேட்டிங்கில் ரன்கள் சேர்க்க காத்திருக்கின்றனர்.

பவுலிங்கை பொறுத்தவரை இங்கிலாந்து அணிக்கு டெர்ன்பர்க், ஸ்டீவன் பின் கேப்டன் பிராட் என, பெரும் படை இந்திய அணிக்கு தொல்லை தரலாம். சுழலில் சமீத் படேல், "சீனியர்' சுவான் கைகொடுப்பர் எனத் தெரிகிறது.

வெற்றி யாருக்கு:

ஆப்கானிஸ்தான் வெளியேற்றத்தால், இந்தியா, இங்கிலாந்து அணிகள் "சூப்பர்-8' சுற்றுக்கு தகுதி பெற்றுவிட்டன. இருப்பினும், இன்றைய வெற்றி "ஏ' பிரிவில் முதலிடம் பெற உதவலாம். இதனால், இரு அணியினரும் போராட்டத்தை வெளிப்படுத்துவர் என்பதால், கடும் போட்டி களத்தில் காத்திருக்கிறது.

மழை வருமா

இன்று போட்டி நடக்கும் பிரேமதாசா மைதானம் அமைந்துள்ள கொழும்பு பகுதியில் வானம் மேகமூட்டமாக காணப்படும். வெப்பநிலை அதிகபட்சம் 31, குறைந்த பட்சம் 25 டிகிரி செல்சியஸ் இருக்கும். மழை வாய்ப்பு இல்லை.

தோல்வி அதிகம்

இந்தியா, இங்கிலாந்து அணிகள் இதுவரை 4 "டுவென்டி-20' போட்டியில் மோதின. இதில் ஒரு முறை மட்டும் (2007) இந்தியா வென்றது. மற்ற 3 போட்டிகளிலும் இந்தியா தோல்வியடைந்தது.

பவுலிங்கின் "சச்சின்' ஜாகிர்

வேகப்பந்து வீச்சாளர் ஜாகிர் கான் குறித்து கேப்டன் தோனி கூறுகையில்,""பவுலர்கள் சரியாக செயல்படவில்லை எனில், எளிதாக நீக்கி விடலாம். ஆனால், என்னைப் பொறுத்தவரையில் ஜாகிர் கான் இந்திய பவுலிங்கின் "சச்சினாக' உள்ளார். பவுலிங் பிரிவுக்கு பல ஆண்டுகளாக இவர் தான் தலைவர். கடந்த சில போட்டிகளாக சரியாக செயல்படாமல் இருக்கலாம். அனுபவ வீரரான இவர், மீண்டு வருவார் என நம்புகிறேன்,'' என்றார்.

மீண்டும் அசத்துமா நியூசி.,

பல்லேகெலே: "டுவென்டி-20' உலக கோப்பை தொடரில், இன்றைய மற்றொரு லீக் போட்டியில் நியூசிலாந்து, பாகிஸ்தான் அணிகள் மோதுகின்றன.

நியூசிலாந்து அணியின் பிரண்டன் மெக்கலம் அதிரடி சதம் சாதித்துள்ளார். இவருடன் கப்டில், கேப்டன் ராஸ் டெய்லர், "ஆல் ரவுண்டர்கள்' பிராங்க்ளின், ஜேக்கப் ஓரம் நம்பிக்கை அளிக்கலாம்.

பயிற்சி போட்டியில் இந்தியாவுக்கு எதிராக அசத்திய பாகிஸ்தான் பேட்ஸ்மேன்கள், இங்கிலாந்துக்கு எதிராக 96 ரன்னுக்கு சுருண்டனர். இன்று என்ன செய்வர் எனத் தெரியவில்லை. பவுலிங்கில் சயீத் அஜ்மல், உமர் குல், அப்துல் ரசாக் கைகொடுத்தால் வெற்றிக்கு முயற்சிக்கலாம்.

வெற்றி பெறும் என்ற நம்பிக்கையுடன் பார்ப்போம்...
இருந்தாலும் இந்திய அணியின் வேகப்பந்து வீச்சு கவலைகிடமாகவே இருக்கிறது...

பவுலிங்கின் "சச்சின்' ஜாகிர்

வேகப்பந்து வீச்சாளர் ஜாகிர் கான் குறித்து கேப்டன் தோனி கூறுகையில்,""பவுலர்கள் சரியாக செயல்படவில்லை எனில், எளிதாக நீக்கி விடலாம். ஆனால், என்னைப் பொறுத்தவரையில் ஜாகிர் கான் இந்திய பவுலிங்கின் "சச்சினாக' உள்ளார். பவுலிங் பிரிவுக்கு பல ஆண்டுகளாக இவர் தான் தலைவர். கடந்த சில போட்டிகளாக சரியாக செயல்படாமல் இருக்கலாம். அனுபவ வீரரான இவர், மீண்டு வருவார் என நம்புகிறேன்,'' என்றார்.

தோனி என்ன சொல்ல வருகிறார் என்பதை ஜாகிர்கான் புரிந்துகொண்டு சீக்கிரம் பெட்டியை ரெடி பண்ணிகொள்வது நல்லது

நமக்கு புரியுது ஆனா சச்சின்களுக்கும் பிசிசிஐக்கும் புரியலையே!!!

நம்புவோமாக

இந்தியா மாபெரும் வெற்றி

ஹர்பஜன் ஆட்டமோ ஆட்டம் ஆடாம இருந்தா சரி.