பணம், பகட்டு, பந்தா!!!

னக்கு தெரிந்த பையன் ஒருவன், ஆறு ஆண்டுகளுக்கு முன், ஒரு ஸ்பேர் பார்ட்ஸ் கடையில், 2,500 ரூபாய் சம்பளத்தில் வேலை பார்த்தான். நல்ல உழைப்பாளி. ஒரு ஆண்டு கழித்து, தெரிந்தவர்கள் மூலம், 5,500 ரூபாய் சம்பளத்தில், ஒரு நல்ல கம்பெனியில் சேர்ந்தான். ஓவர் டைம் எல்லாம் சேர்த்து, 6,500 ரூபாய் வந்தது. அவனுக்கு ஒரே சந்தோஷம். அப்போதே இரண்டு மொபைல் போன் வைத்திருந்தான்.
சில ஆண்டுகளுக்கு பின், கல்யாண பத்திரிகையுடன் வந்தான். செல்வ செழிப்பு தெரிந்தது, மனதிற்கு சந்தோஷம். கல்யாணத்தில் இரண்டு வீடியோ. "அனாவசியமாக எதற்கு, இரண்டு வீடியோ...' என்று கேட்டதற்கு, அவன் அம்மா, ஒரே பையன் கல்யாணம், நன்றாக செய்யலாமென கடன் வாங்கி செய்வதாக சொன்னார்.
சமீபத்தில், அவன் எனக்கு போன் செய்தான்... "மேடம் என்னை வேறு ஆபீசிற்கு மாற்றி விட்டனர். சம்பளம், 10 ஆயிரம் ரூபாய் தான் வருகிறது. பழைய ஆபீசில், 20 ஆயிரம் வாங்கினேன்... அதை நம்பி, கல்யாணத் திற்கு நிறைய கடன் வாங்கி விட்டேன் என்றதுடன், இந்த வேலையை விட்டுவிடலாம் என்றிருக்கிறேன்...' என்றான்.
இப்போது, அவன் மனைவி கர்ப்பம் வேறு. "ஏதேனும் வேலை இப்போது கிடைக்கும்படி உள்ளதா?' என்றால், "இல்லை' என்றான். நான், "நல்ல கம்பெனி. இதிலேயே முயன்று முன்னேறப் பார் அல்லது வேறு எங்காவது நல்ல வேலை கிடைத்த பின், இந்த வேலையை விடு. சிக்கனம், சேமிப்பு இரண்டையும் மறந்து விடாதே...' என, அவனுக்கு அறிவுரை கூறினேன்.
எடுத்தோம், கவிழ்த்தோம் என்ற இன்றைய தலைமுறை யின் செயல் கண்டு அதிர்ந்தேன். பணம் வந்த வுடன், பறக்க நினைக்காமல், பாதுகாக்க கற்று கொள்ளவும் வேண்டும்.

— பிரபாஸ்ரீ, சென்னை.
வாரமலர்

பணம் பகட்டு பந்தா - கோவிந்தா...

கல்யாணத்துக்கு கடன் மட்டுமா வாங்கினான் பொண்ணு வீட்டுல வேறெதுவும் வாங்கலையா டவுட்டா இருக்கே

balakarthik wrote:கல்யாணத்துக்கு கடன் மட்டுமா வாங்கினான் பொண்ணு வீட்டுல வேறெதுவும் வாங்கலையா டவுட்டா இருக்கே

விஷயம் வெளிய தெரிஞ்சு இப்ப வாங்குவான் லெப்டுக்கா நாலு ரைட்டுக்கா நாலு...

கல்யாண செலவுகள் வீண் செலவுகள் தான்.. எளிமையாக திருமணத்தை நடத்திவிட்டு அந்த பணத்தை சேமித்து வைத்துக்கொள்ளலாம் (வசதி இருந்தால் எப்படி வேன்டுமானாலும் போகட்டும் நமக்கென்ன )

உண்மை அருண்...நல்ல பதிவு

///பணம் வந்த வுடன், பறக்க நினைக்காமல், பாதுகாக்க கற்று கொள்ளவும் வேண்டும்.///



பகிர்வுக்கு நன்றி அருண்...