இன்று உலக அமைதி தினம்

**சிவா** · **சிவா** Fri 21 Sep 2012 - 17:17

அமைதி - இது எங்குள்ளதோ அந்த இடம் எவ்வித பிரச்னைகளும் இல்லாமல் மகிழ்ச்சியாக இருக்கும். அனைத்து பிரச்னைகளுக்கும், அமைதியே மருந்து. உலகில் அமைதியை வலியுறுத்தியும், நாடுகளிடையே போர் ஏற்படுவதை முற்றிலும் தடுக்கும் விதத்திலும் ஐ.நா., சார்பில் செப்., 21ம் தேதி, உலக அமைதி தினம் கடைபிடிக்கப்படுகிறது. 1981ல் முதன் முதலாக தொடங்கப்பட்ட இத்தினம், உலகில் வன்முறை அதிகரிப்பதை தவிர்த்து, அமைதி நிலவ, ஒவ்வொருவரும் பங்களிக்க வேண்டும் என்பதை வலியுறுத்துகிறது. இன்றைய சூழலில், ஒவ்வொரு நாடும் மற்ற நாட்டுடன் கல்வி, விஞ்ஞானம், விளையாட்டு, பொருளாதாரம் ஆகிய துறைகளிலும் போட்டி போடுகின்றன. இந்த போட்டி, ஆக்கபூர்வமாக அமைந்தால் பாராட்டுக்குரியது. மாறாக சில நாடுகள், மற்ற நாடுகளுடன் நட்பு பாராட்டுவதற்கு பதில், பகைமை உணர்வுடன் செயல்படுகின்றன.

பயங்கரவாதம் ஒழிய...: உலகில் ஏதாவது இரு நாடுகளிடையே சண்டை ஏற்பட்டால், அது அந்த நாடுகளை மட்டுமல்லாமல் மற்ற நாடுகளின் அமைதிக்கும் ஆபத்தை விளைவிக்கிறது. அனைத்து நாடுகளும், பிரச்னைகளை பேச்சுவார்த்தை மூலமே தீர்க்க வேண்டும் என ஐ.நா., சபை வலியுறுத்துகிறது. மாறாக வன்முறையை தேர்ந்தெடுத்தால், பிரச்னையும் தீராது, பொருளாதாரமும் வீழ்ச்சியடையும். பயங்கரவாதத்தை ஒழிக்க, அனைத்து நாடுகளும் உடனடியாக ஒருங்கிணைந்து செயல்பட்டால் ஒழிய, அமைதியான உலகை உருவாக்க முடியாது. உலகில் அமைதியை நிலைநாட்டுவதற்கு பாடுபட்டவர்களை பாராட்டும் விதமாக அமைதிக்கான நோபல் பரிசு மற்றும் ஐ.நா., வின் அமைதி பரிசு ஆகிய விருதுகள் ஆண்டுதோறும் வழங்கப்படுகிறது.

தினமலர்

யினியவன் · யினியவன் Fri 21 Sep 2012 - 17:32

பலர் அமைதியாவே இருக்கறதால தான்
உலகத்தில சிலரால் அமைதி இல்லாமலே போயிடுது...

**Dr.சுந்தரராஜ் தயாளன்** · 03/09/2011

அமைதி எங்கு உள்ளது? இல்லாத அமைதிக்கு ஒரு தினம் வேண்டுமா சோகம்

**krishnaamma** · **krishnaamma** Fri 21 Sep 2012 - 18:47

Dr.சுந்தரராஜ் தயாளன் wrote:அமைதி எங்கு உள்ளது? இல்லாத அமைதிக்கு ஒரு தினம் வேண்டுமா

மனதை தளர விடாதிங்கோ ஐயா புன்னகை

'அமைதி' என்கிற ஒன்று உண்டு என்று காட்டவே இந்த தினம் என்று நினைக்கிறேன். நாம் அதை எப்போதும் அடையவே இந்த தினம் வழி வகுக்கும் என்று நம்புவோம்.

**மாணிக்கம் நடேசன்** · 14/12/2009

அதான் அக்கா, இன்னைக்கு மட்டும் வீட்ல சண்ட போடாம அமைதியா இருக்கேன்.

நாளைக்கு பெரிய போர்தான். கத்தி கபடா கடப்பாற எல்லாம் தயார் பண்ணிக்கிட்டு இருக்கேன். நாளைக்கு பெரிய போர் இருக்கு இல்ல, அதுக்கு தான்.

Guest · Guest Fri 21 Sep 2012 - 20:22

மன "o0oஅமைதிo0o" இருந்தா உன்னால எதையும் சாதிக்க முடியும் ....
----
குங் பு பாண்டா 2

**T.N.Balasubramanian** · **T.N.Balasubramanian** Sat 22 Sep 2012 - 8:28

Dr.சுந்தரராஜ் தயாளன் wrote:அமைதி எங்கு உள்ளது? இல்லாத அமைதிக்கு ஒரு தினம் வேண்டுமா

ஒவ்வொருவரும் பக்கத்து வீட்டுக்காரனுடன் அமைதி காத்தால் ,ஒவ்வொரு ஊர்க்காரர்களும் பக்கத்து ஊர்க்காரர்களுடன் அமைதி காத்தால் உலகத்தில் அமைதி நிச்சயம் ஏற்படும்.
இல்லாததிற்கு தேடி அலைவது மனித இயல்பு.
அமைதி தினத்தை யாவரும் கடைப்பிடித்து உலகத்தில் அமைதி சேர்ப்போம்.

ரமணியன்

Sponsored content · Sponsored content

இன்று உலக அமைதி தினம்

இன்று உலக அமைதி தினம்

Re: இன்று உலக அமைதி தினம்

Re: இன்று உலக அமைதி தினம்

Re: இன்று உலக அமைதி தினம்

Re: இன்று உலக அமைதி தினம்

Re: இன்று உலக அமைதி தினம்

Re: இன்று உலக அமைதி தினம்

Re: இன்று உலக அமைதி தினம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக