தமிழகத்துக்கு ஒரு சொட்டு நீரைக் கூட தரமுடியாது: கர்நாடகத்தின் அடாவடி!

by பூவன் Fri Sep 21, 2012 7:19 pm

இந்த பதிவு ராஜ் தியாகி அவர்களால் பதியப்பட்டது.

காவிரியில் வராத தண்ணீர்:டெல்டா விவசாயிகளின் கண்ணீர்!

காவிரி நதி நீர் ஆணையத்தின் மாநில முதல்வர்களின் கூட்டம் பிரதமர் மன்மோகன் சிங் தலைமையில் நேற்று நடைபெற்றது.

இந்தக் கூட்டத்தில் தமிழக முதல்வர் ஜெயலலிதா, கர்நாடக முதல்வர் ஜெகதீஷ் ஷெட்டர், புதுச்சேரி முதல்வர் ரங்கசாமி, கேரள நீர்வளத்துறை அமைச்சர் ஜோசப் உள்ளிட்டோர் பங்கேற்றனர்.

இதில் பேசிய ஜெயலலிதா, கர்நாடக எல்லைக்குள் பாயும் தண்ணீர் தங்களுக்கே சொந்தம் என அந்த மாநிலம் அறிவித்துள்ளதாக கூறினார்.

ஜூன் முதல் செப்டம்பர் வரையிலான இக்கட்டான கால கட்டங்களில் தண்ணீரை திறந்துவிட கர்நாடகா மறுப்பதால், ஆண்டுதோறும் தமிழகத்தில் விவசாயம் பெரிதும் பாதிக்கப்படுவதாக ஜெயலலிதா குறிப்பிட்டார்.

காவிரி நீர் தீர்ப்பாயத்தின் இடைக்கால உத்தரவின்படி, தமிழகத்திற்கு கடந்த 15ம் திகதிக்குள் 122 டிஎம்சி தண்ணீரை கர்நாடகா திறந்துவிட்டிருக்க வேண்டும் என அவர் தெரிவித்தார்.

ஆனால், வெறும் 19.40 டிஎம்சி தண்ணீரை மட்டுமே கர்நாடக திறந்துவிட்டுள்ளதாக ஜெயலலிதா குறை கூறினார்.

இக்கட்டான காலகட்டத்தில் தண்ணீரை எவ்வாறு பகிர்ந்து கொள்வது என்கிற பொது விதிக்கு தமிழகம் ஏற்கனவே இணக்கம் தெரிவித்துள்ளதாக முதல்வர் குறிப்பிட்டார்.

கர்நாடக முதல்வர், ஜெகதீஸ் ஷட்டர் கூறும்போது, "கர்நாடகாவில் வறட்சி நிலவுவதால் இப்போதைக்கு ஒரு சொட்டு நீரைக் கூட தர முடியாத நிலையில் உள்ளோம்" என்றார்.

by Guest Fri Sep 21, 2012 7:33 pm

வருங்காலத்தில் ஓட்டுக்காக இலவசத்திற்கு கையேந்த வைக்கவே இந்த அவலங்கள் ..
ஆனால் எங்க வீரம் இன்னும் செத்து விடவில்லை ..

by rudran Fri Sep 21, 2012 11:36 pm

கர்நாடக முதல்வர் பெயரே ஷட்டர், அவருக்கு எப்படி நீரைத் திறந்து விட மனம் வரும்?

by **மாணிக்கம் நடேசன்** Sat Sep 22, 2012 7:57 am

தமிழக ஆறுகளில் அணை கட்டி தண்ணீரை சேமிக்கலாமே, அடிக்கடி பெய்யும் மழை தடுத்து மின்சாரமும் உற்பத்தி செய்யலாம்.

by யினியவன் Sat Sep 22, 2012 10:52 am

பாவம் அமைச்சருக்கு நீர்க் கடுப்பு போலிருக்கு.

by balakarthik Sat Sep 22, 2012 11:09 am

புரட்சி wrote: வருங்காலத்தில் ஓட்டுக்காக இலவசத்திற்கு கையேந்த வைக்கவே இந்த அவலங்கள் ..ஆனால் எங்க வீரம் இன்னும் செத்து விடவில்லை ..

இப்படி பேசி பேசித்தான் ஒவ்வொரு தமிழனாக செத்துகிட்டு இருக்கான் என்னைக்கி இந்த மாதிரி வீர வசனம் பேசுறத விட்டு ஆக்கபூர்வமாக யோசிக்கிறோமா அன்னைக்குத்தான் தமிழன் உருப்படுவான்

by **ராஜா** Sat Sep 22, 2012 11:17 am

காவிரி நதிநீர் பிரச்சினையில் உறுதியான முடிவை எடுத்துள்ள கர்னாடக முதல்வருக்கும் அவருக்கும் உறுதுணையாக இருக்கும் இருந்துவரும் அனைத்து எதிர்கட்சிகள் மற்றும் பொதுமக்களுக்கும் எனது வாழ்த்துக்கள். எத்தனை கருத்துவேறுபாடுகள் இருந்தாலும் பொதுபிரச்சினை என்று வரும்போது ஒற்றுமையுடன் ஒன்றுகூடிய நாம் அனைவரும் கர்னாடக மக்கள் என்ற எண்ணத்தில் ஒன்றுபட்டு போராடும் உங்களின் இந்த ஒற்றுமையுணர்வு இனி வருங்காலத்திலும் தொடரவேண்டும் என வாழ்த்துகிறேன்.

இது போல எங்களால் என்று இருக்க முடிகிறதோ அன்று நாங்களாகவே காவிரிநீரை பெற்றுகொள்வோம் அதுவரை இப்படி தான் ஆளுக்கு ஒரு பக்கம் கத்தி கொண்டு இருப்போம் நீங்கள் கவலைபடவேண்டாம்.

by **டார்வின்** Sat Sep 22, 2012 2:03 pm

கடல் நீரை விவசாயத்திர்க்கு பயன்படும் வீதம் சுத்திகரிக்க கூடிய திட்டதுக்கு முக்கியத்துவம் அளித்து தண்ணீர் தேவை பூர்தி செய்யவேண்டும் அரசு அதர்க்கு முயற்சி செய்யவேண்டும்,,,,, :idea:

by Guest Sat Sep 22, 2012 6:13 pm

balakarthik wrote:
புரட்சி wrote: வருங்காலத்தில் ஓட்டுக்காக இலவசத்திற்கு கையேந்த வைக்கவே இந்த அவலங்கள் ..ஆனால் எங்க வீரம் இன்னும் செத்து விடவில்லை ..

இப்படி பேசி பேசித்தான் ஒவ்வொரு தமிழனாக செத்துகிட்டு இருக்கான் என்னைக்கி இந்த மாதிரி வீர வசனம் பேசுறத விட்டு ஆக்கபூர்வமாக யோசிக்கிறோமா அன்னைக்குத்தான் தமிழன் உருப்படுவான்

சரி அண்ணே என்ன செய்யலாம் சொல்லுங்கள்

டார்வின் wrote:கடல் நீரை விவசாயத்திர்க்கு பயன்படும் வீதம் சுத்திகரிக்க கூடிய திட்டதுக்கு முக்கியத்துவம் அளித்து தண்ணீர் தேவை பூர்தி செய்யவேண்டும் அரசு அதர்க்கு முயற்சி செய்யவேண்டும்,,,,, :idea:

அடேங்கப்பா...அருமையான டார்வின் தியரியாக உள்ளதே மகிழ்ச்சி