தூக்கில் தொங்கும் அண்ணா வளைவு: தாங்கி பிடிக்கும் செலவு ரூ.80 லட்சம்

by பூவன் Thu Sep 20, 2012 11:53 am

அரைகுறையாக துண்டிக்கப்பட்ட அண்ணா வளைவை, ஒட்ட வைக்கும் பணியில் தாமதம் ஏற்பட்டுள்ளதால், கடந்த 20 நாட்களாக, வளைவு, கிரேனில் தொங்கிக் கொண்டு இருக்கிறது. இதுவரை அதை தாங்கி பிடிக்கும் செலவு, 80 லட்சம் ரூபாயை நெருங்கி உள்ளது.

நெல்சன் மாணிக்கம் சாலை மற்றும் அண்ணாநகர் மூன்றாவது அவென்யூ சந்திப்புகளை இணைத்து, மேம்பாலம் கட்டும் பணிக்காக, அண்ணா பவள விழா நினைவு வளைவுகள் அகற்றப்பட இருந்தன. இதற்கான பணி இந்த மாதம் 1ம் தேதி துவங்கியது. முறையான திட்டமிடல் இல்லாததால் வளைவுகளை அகற்ற முடியாமல் அதிகாரிகள் திணறினர். இதை அடுத்து, பாதி துண்டித்த நிலையில் அது விழுந்து விடாமல் இருக்க, ராட்சத கிரேன் சுமந்து நிற்கிறது.

முடிவுறாத ஆலோசனை:

கடந்த 5ம் தேதி, அண்ணா வளைவை அகற்றாமல், மேம்பால பணியை மேற்கொள்ள முதல்வர் உத்தரவிட்டதை அடுத்து, அரைகுறையாக துண்டிக்கப்பட்ட வளைவை ஒட்ட வைப்பதற்கான ஆலோசனையில் நெடுஞ்சாலை துறை அதிகாரிகள் ஈடுபட்டுள்ளனர். பதினைந்து நாட்களாகியும், ஆய்வும், ஆலோசனையும் முடிவுக்கு வரவில்லை.இதனால், 15 நாட்களாக, வளைவை, 450 டன் எடையை தாங்கக் கூடிய ராட்சத கிரேன் தாங்கிப் பிடித்துள்ளது.வளைவை அகற்றும் பணி, கடந்த ஒன்றாம் தேதி இரவு துவங்கியது. தற்போது வளைவை ஒட்டும் பணிக்காக ஆலோசனை நடந்து வருகிறது. இந்த ஆலோசனை எப்போது முடியும் என்று பொதுப்பணித் துறை அதிகாரிகள், இதுவரை தெரிவிக்கவில்லை. வளைவை ஒட்ட வைப்பதற்கான காலக்கெடுவும் அறிவிக்கப் படவில்லை.

போக்குவரத்து நெரிசல்:

இந்த பகுதியில், ஒரு நாளைக்கு, ஏழு லட்சம் வாகனங்கள் கடந்து செல்கின்றன. மெட்@ரா பணியினால், நெரிசல் அதிகரித்து இருந்த நிலையில், வளைவு பணிக்கு செய்யப்பட்ட @பாக்குவரத்து மாற்றங்களால், @மலும் போக்குவரத்து அதிகரித்தது.வளைவு அகற்றும் பணி துவங்குவதற்கு முன், அண்ணா வளைவின் ஒரு வழியாக 30 அடி சாலையிலும், அதனை ஒட்டி உள்ள 12 அடியிலுள்ள தற்காலிக சாலையிலும் வாகனங்கள் சென்று வந்தன. தற்போது வளைவு ஒன்றின் வழி மூடப்பட்டு உள்ளதால் 30 அடி சாலையில் வாகனங்கள் செல்ல முடியவில்லை. தற்காலிகமாக அமைக்கப்பட்ட 12 அடி சாலையில்தான் வாகனங்கள் செல்ல முடிகிறது. நெரிசலை கட்டுப்படுத்த போலீசார் படாத பாடு படுகின்றனர்.

வாடகை ரூ.80 லட்சம்:

தூக்கில் தொங்கும் துண்டிக்கப்பட்ட வளைவை தாங்கிப் பிடிக்க ராட்சத கிரேன் நிறுத்தப் பட்டுள்ளது. இதன் ஒருநாள் வாடகை நான்கு லட்சம் ரூபாய் என, கூறப்படுகிறது. நேற்று வரை 20 நாட்களுக்கு இந்த கிரேன் வாடகை மட்டும், 80 லட்சம் ரூபாயை நெருங்கி விட்டதாக கூறப்படுகிறது. வளைவை அகற்ற பொதுப்பணி துறை அதிகாரிகளின் திட்ட மதிப்பீடு எட்டு லட்சம் ரூபாய்தான் என்பது குறிப்பிடத்தக்கது.

நன்றி tcn நியூஸ் .....

by **ராஜா** Thu Sep 20, 2012 11:57 am

அறிவுகெட்ட அரசு , 80 லட்ச ரூபாய் கிரேன் வாடகை கொடுப்பதற்கு பதில் பழைய வளைவை அப்புறபடுத்திவிட்டு புதிதாக இன்னொன்று கட்ட வேண்டியது தானே. இவர்கள் ஓட்டவைத்துவிட்டு போய்விடுவார்கள் நாளை ரோட்டில் போறவன் தலையில் விழுந்து சாவுவான்

by பூவன் Thu Sep 20, 2012 11:59 am

ராஜா wrote:அறிவுகெட்ட அரசு , 80 லட்ச ரூபாய் கிரேன் வாடகை கொடுப்பதற்கு பதில் பழைய வளைவை அப்புறபடுத்திவிட்டு புதிதாக இன்னொன்று கட்ட வேண்டியது தானே. இவர்கள் ஓட்டவைத்துவிட்டு போய்விடுவார்கள் நாளை ரோட்டில் போறவன் தலையில் விழுந்து சாவுவான்

அண்ணா விழுந்தால் தானே அடுத்த 5 ஆண்டில் அதற்கு ஒரு திட்டம் தீட்டி ஒரு வருமானம் பார்க்க முடியும் ....