நான் ரசித்த கவிதைகள்

by அசுரன் Thu Sep 20, 2012 1:32 am

இணையத்தில் நான் படித்த விரும்பிய கவிதைகளை இங்கு தொகுக்கிறேன்.

அழகிய கவிதை

எத்தனைக்
காகிதத்தைக் கிழித்தும்
எழுதவே முடியவில்லை
உனக்காக ஒரு
கவிதை !

ம்ம்ம் …
கிடைத்துவிட்டது கவிதை .
அட …!
உன் பெயர் …

நன்றி subisenthur.wordpress.com

by அசுரன் Thu Sep 20, 2012 1:34 am

ஏழையின் சமையலறை..!

முதுகெலும்பு
விறகு...!
வயிறு
அடுப்பு...!
பசி
நெருப்பு !
இது
ஏழையின் சமையலறை..!

by அசுரன் Thu Sep 20, 2012 1:35 am

ஐ என்று பெயர்

ஆங்கிலேயனும்
அறிவாளிதான்..!
ஐ லவ் யு என்பதற்கு
ஐ தானே முதல் எழுத்து
அதற்காகத்தான்
காதலுக்கு முதலான
கண்ணுக்குக்
ஐ என்று பெயர் ஆங்கிலத்தில்

by அசுரன் Thu Sep 20, 2012 1:39 am

வீழ்வது தவறா...?
விழுந்த நீர் அருவி என பெயர் பெற்றது..
விரைந்து சென்றதில் புனிதம் என பெயர் பெற்றது
வீழ்த்தது தவறில்லை....
விரைவான செயல்பாடே வெற்றியை தருகிறது

by அசுரன் Thu Sep 20, 2012 1:40 am

பலமான மேம்பாலம்
தார் ரோடு கை மடக்கி
தன பலம் காட்டுதோ...?!
மேம்பாலம்...!

by அசுரன் Thu Sep 20, 2012 1:43 am

வண்ணத்துபூச்சியின் பெருந்தன்மை.

நீ வண்ணமயமாய்ப் பறப்பதற்கு
கூடுடைக்கும் முன்பே உன்னை
வெந்நீரால் கொலை செய்துவிட்டு
உன் உமிழ்நீராலான இழைகளை
சேர்த்து ஊடுருவச்செய்து உருவாக்கி
சேலையாய் அணிந்து செல்கின்றனர்...

நீயோ இறந்த பின்பும் பெண்களை
மெருகூட்ட வண்ணமயமாய்
உலாவுகிறாய் சேலையாக ....

உன் பெருந்தன்மைக்கு
ஈடுஇணை தேடுகிறேன்

by ச. சந்திரசேகரன் Thu Sep 20, 2012 9:16 am

கவிதை உலக சாம்ராஜ்ஜியத்தில் நான் இன்னும் கடுகு என உணர வைத்ததற்கு நன்றிகள்.

மிகவும் நன்று அசுரன் மகிழ்ச்சி

by அசுரன் Thu Sep 20, 2012 9:30 pm

மாற்றுத் திறனாளிகளுக்கு சமர்ப்பணம்

வாயின்றி மலர் சிரிக்கும்......!
வாலின்றி மனம் தாவும் .......!
காலின்றி நதி நடக்கும் ..........!
கையின்றி காற்று தழுவும் ...!

விரலின்றி காதல் மீட்டும்.....!
விழியின்றி கடவுள் காணும்..!
செவியின்றி மலைஎதிர் ஒலிக்கும்...!
சிறு மூளையின்றி " நான் " என்பதெழும்..!

நாசியின்றி நம்பிக்கை சுவாசிக்கும்...!
நரம்பின்றி தமிழ் மன யாழிசைக்கும்...!
நாவின்றி நினைவு தமிழ் சுவைக்கும்...!
நல்லுயிரின்றி மரத்துண்டு பயன் அளிக்கும்...!

எனவே.......

தேக நிறைவு தேவை இல்லை
தெய்வ குணம் போதுமானது.....!

உள்ளம் ஊனம் இல்லை எனில்
உலகை வெல்ல தடைகள் ஏது...?

மாற்றுத் திறன் படைத்த
மண்ணில் வாழும் தெய்வங்களே..

மனம் பணிந்து வணங்குகிறோம்
மகத்தான சக்தி தாருங்களேன்......!

அனுதாபப் பார்வைகளை
அடித்து நொறுக்கிய அகிம்சா வாதிகளே....

அதிசயித்தே ரசிக்கின்றேன் - உமது
அசத்துகின்ற விஸ்வரூபம் கண்டு.....!

by அசுரன் Thu Sep 20, 2012 9:38 pm

வகுப்பறை !!

புத்தகம் !!
```````````````
செவியைத் தீண்டிடும் சொற்கள் யாவும்
ஓவிய னாக்கிடும் வெள்ளைத் தாளில் !!

மேசை !!
``````````````
பாடம் எல்லாம் தாலாட் டானதால்
கனவுகள் சுமக்கும் ஆடாத் தொட்டில் !!

சுண்ணக்கட்டி !!
````````````````````````
ஓவியம் பலவும் வரைந்து விட்டு
உடனே உயிர்விடும் ஒற்றைக் காலன் !!

கரும்பலகை !!
``````````````````````
கற்றது பலநூறு கையளவு எனினும்
கொஞ்சமே கற்பிக்கும் பெரிய கருமி !!