மரணத்தை தள்ளிப் போடனுமா? நெல்லிக் கனி சாப்பிடுங்க!

by பூவன் Wed Sep 19, 2012 6:50 pm

தினமும் ஒரு நெல்லிக்கனி சாப்பிட்டால் மரணத்தை தள்ளிப் போடலாம் என்று கூறுவது உண்டு. நெல்லிக்கனியில் சிறு நெல்லி, பெரு நெல்லி என்று இரண்டு வகை இருக்கிறது, இதில் பெருநெல்லி தான் அதிக மருத்துவ குணம் கொண்டது.

இளமையை விரும்பாதவர்கள் எவரும் இருக்க முடியாது. இளமையின் வேகம், செயல்பாடு, புத்துணர்வு போன்றவை முதுமையில் கிடைப்பதில்லை. ஆனால் முதுமையை வென்று என்றும் இளமையுடனும், துடிப்புடனும் அதே உத்வேகத்துடன், அனுபவமிக்க இளைஞனாக சிலர் வலம் வருவதை நாம் இன்றும் காணலாம்.

முதுமை நெருங்காமல் என்றும் இளமையுடன் வாழ்கிறார்கள் என்று பார்த்தோமானால் அவர்களின் உணவுக் கட்டுப்பாடும், உடற்பயிற்சியும்தான். முதுமை என்பது இயற்கை தரும் அனுபவ மருந்து. அந்த முதுமையையும் இளமையாக கொண்டு வர பல அற்புதங்களை இயற்கையே படைத்துள்ளது.

ஆனால் இதைப் பயன்படுத்தாமல் அலட்சியம் செய்த சிலர் 30 வயதிலே 60 வயது முதியவர் போல் தோற்றமளிக்கின்றனர். அதற்கு காரணம் முறையற்ற உணவு, உடற்பயிற்சியின்மையே.

முதுமையை தடுக்கும் குணம் நெல்லிக்கனிக்கு உண்டு என்பதை சித்தர்கள் முதல் பாமரர் வரை அறிவர். ஆனால் நவீன ஆராய்ச்சி மூலம் இதை உண்மை என உரைத்திருக்கின்றனர்.

நெல்லிக்கனி அதிக சக்தி வாய்ந்த நோய் எதிர்ப்பு சக்தி கொண்டது. முதுமையை விரட்டும் தன்மை கொண்டது. ஆண்டி ஆக்ஸிடேட் என்பது உடலில் உள்ள நச்சுப்பொருள்களை அகற்றி நோய் நொடிகளிலிருந்து உடலைக் காத்து முதுமையை துரத்தி என்றும் இளமையுடன் உடலை நன்னிலையில் இருக்கச் செய்யும் சக்தி இதற்குண்டு.

மற்றைய எந்தப் பழங்களிலும் இல்லாத அளவுக்கு, அதிகளவான வைட்டமின் 'சி' உள்ளது. ஒரு நெல்லியில் முப்பது தோடம்பழங்களில் உள்ள வைட்டமின் ´சி` உள்ளது.

100 கிராம் நெல்லிக்காயில் 600 மில்லிகிராம் உள்ளது. நெல்லிக்காயில் இயற்கையாய் உள்ள 8.75 மில்லிகிராம் வைட்டமின் 'சி', செயற்கை முறையில் தயாரிக்கப்படும் 100 மில்லிகிராமிற்குச் சமம். மேலும் இதில் தாதுப்புக்களும், இரும்பு சத்தும் நிறைந்துக் காணப்படுகிறது.

ஆரஞ்சு பழத்தை விட நெல்லிக்கனியில் 20 மடங்கு வைட்டமின் சி சத்து நிறைந்துள்ளது. ஆப்பிளைவிட 3 மடங்கு புரதச் சத்து நெல்லியில் உள்ளது. அஸ்கார்பிக் அமிலம் என்னும் உயிர்ச்சத்து 160 மடங்கு நெல்லிக்கனியில் உள்ளது.

நெல்லிக்கனியில் உள்ள வைட்டமின் சி சத்து உடலில் உள்ள இரும்புச் சத்து உட்கிரகிக்கப்படுவதை ஊக்கப்படுத்துகிறது. எச்.ஐ.வி, இன்புளுன்சா வைரஸ்கள் தாக்காமல் தடுக்கிறது.

இதய வால்வுகளில், இரத்தக் குழாய்களில் ஏற்படும் அடைப்புகளை நீக்கி சீராக செயல்பட வைக்கிறது. இருதய அடைப்பை தடுக்கிறது. மேலும் கார்போஹைட்ரேட், நார்ச்சத்து, இரும்புச்சத்து, கரோட்டின், கால்சியம், பாஸ்பரஸ், வைட்டமின் பி காம்ப்ளக்ஸ் நிறைந்துள்ளது.

நெல்லி வற்றல், பச்சை பயறு வகைக்கு 20 கிராம் எடுத்து 1 லிட்டர் நீர்விட்டு 200 மி.லி.யாக காய்ச்சி வடித்து, 100 மி.லி என காலையும் மாலையும் அருந்தி வந்தால் தலைச்சுற்றல் கிறுகிறுப்புடன் கூடிய இரத்தக் கொதிப்பு நீங்கும்.

நெல்லி இலைகளை நீரில் ஊறவைத்து கஷாயம் செய்து கண்களை கழுவினால் கண்நோய்கள் தீரும். நெல்லிக்காயை அரைத்து தலையில் தேய்த்து குளித்து வந்தால் கண்கள் குளிர்ச்சி பெறும். நெல்லிச்சாற்றை தேனுடன் கலந்து தினமும் காலை, மாலை அருந்தி வந்தால் கண்புரை நோய், கண்பார்வைக் கோளாறுகள் நீங்கும்.

by balakarthik Wed Sep 19, 2012 6:58 pm

தினமும் நெல்லியை அள்ளி சாபிட்டால் கில்லி போல் துள்ளி விளையாடலாம் போலிருக்கே பகிர்வுக்கு நன்றி பூவன் சூப்பருங்க

by பூவன் Wed Sep 19, 2012 7:04 pm

balakarthik wrote:தினமும் நெல்லியை அள்ளி சாபிட்டால் கில்லி போல் துள்ளி விளையாடலாம் போலிருக்கே பகிர்வுக்கு நன்றி பூவன்

நன்றி நண்பரே ........நான் மீண்டும் எதையாவது சொல்லி அதற்கு நீங்கள் பின்னூட்டம் சொல்லி ... துள்ளி விளையாடவில்லை ...
எள்ளி நகை மட்டுமே ஆட முடிந்தது .......... ஜாலி

by balakarthik Wed Sep 19, 2012 7:09 pm

pooven wrote:
balakarthik wrote:தினமும் நெல்லியை அள்ளி சாபிட்டால் கில்லி போல் துள்ளி விளையாடலாம் போலிருக்கே பகிர்வுக்கு நன்றி பூவன்

நன்றி நண்பரே ........நான் மீண்டும் எதையாவது சொல்லி அதற்கு நீங்கள் பின்னூட்டம் சொல்லி ... துள்ளி விளையாடவில்லை ...
எள்ளி நகை மட்டுமே ஆட முடிந்தது ..........

ஏதோ ஒன்னு ஆடினா சரி ஜாலி

நல்ல செய்தி ....நன்றி பூவென் மகிழ்ச்சி

by பூவன் Wed Sep 19, 2012 7:14 pm

balakarthik wrote:
pooven wrote:
balakarthik wrote:தினமும் நெல்லியை அள்ளி சாபிட்டால் கில்லி போல் துள்ளி விளையாடலாம் போலிருக்கே பகிர்வுக்கு நன்றி பூவன்

நன்றி நண்பரே ........நான் மீண்டும் எதையாவது சொல்லி அதற்கு நீங்கள் பின்னூட்டம் சொல்லி ... துள்ளி விளையாடவில்லை ...
எள்ளி நகை மட்டுமே ஆட முடிந்தது ..........

ஏதோ ஒன்னு ஆடினா சரி

பாடினால் ஆடலாமே ,,,, மகிழ்ச்சி

நான் தினமும் ஒரு நெல்லிக்காய் சாப்பிடுகிறேன். அதனால்த் தான் என்னவோ என்னை யாரும் 60 வயதென்றால் நம்ப மறுக்கின்றனர். 40 - 45 வயதிருக்கலாம் என்கின்றனர். எல்லாமே நெல்லியின் மகிமையை இருக்குமோ. மகிழ்ச்சி