படமும் செய்தியும்!

by யினியவன் Mon Apr 30, 2012 11:29 am

First topic message reminder :

பிரசன்னா wrote:

ராசா கவலப் படாத ராசா - எந்த மனுசனும் 116 வயசு தாண்டினதா சரித்திரம் இல்லை - அந்த எம் எல் ஏ - புதுசா வந்தவன் மாட்டிக்கிட்டான். நாம பாக்காத கோர்ட்டா தீர்ப்பா - பணத்த நா பாத்துக்கறேன் - உடம்ப நீ பாத்துக்கோ ராசா.

by அச்சலா Wed Dec 26, 2012 9:46 pm

படமும் செய்தியும்! - Page 44 ELARGE_20121221134542000000

ரொம்ப நல்லவங்க...:
தவித்த வாய்க்கு தண்ணீர் தருவதற்காக, யாரோ ஒரு புண்ணியவான், சென்னை செங்குன்றம் பகுதியில் தண்ணீர் தருவதற்கு ஏற்பாடு செய்திருந்தார். சில நாட்கள் நன்றாகத்தான் போய்க்கொண்டு இருந்தது. நிறைய பேர் தண்ணீர் குடித்து தாகம் தீர்ந்து சென்றனர். திடீரென யாரோ ஒரு புண்ணியவான் தண்ணீர் பிடித்துக் குடிக்க பயன்பட்டுக் கொண்டிருந்த, சங்கிலியால் கட்டப்பட்டிருந்த டம்ளரையும், தண்ணீர் வரும் குழாயையும் திருடிச் சென்றுவிட்டார். ரெண்டையும் விற்றால் அதிகபட்சம் கால் கிலோ பேரீச்சம்பழம் தான் கிடைத்திருக்கும். ஆனால் அவர் செய்த இந்த நல்ல காரியத்தால் இப்போது அங்கு தண்ணீர் தர்மம் செய்வது நிறுத்தப்பட்டு அதற்கான காரணம் எழுதிப்போடப்பட்டுள்ளது.

by அச்சலா Wed Dec 26, 2012 9:47 pm

படமும் செய்தியும்! - Page 44 ELARGE_20121222162447000000

கருணாநிதிக்கு கண்டனம்:
முன்னாள் முதல்வர் கருணாநிதிக்கு அவரது நாக்கு தான் பலமும், பலவீனமும். சமீபத்தில் மின்வெட்டைக் கண்டித்து அவர் நடத்திய ஆர்ப்பாட்டத்திற்கு போதிய வரவேற்பு கிடைக்காததால் வெறுத்துப் போனவர், பேசும் போது தேவையில்லாமல் தினமலர் பற்றி கருத்து வெளியிட்டு இருந்தார். அவரது கருத்திற்கு தற்போது பல பக்கங்களில் இருந்தும் கண்டனம் கிளம்பியுள்ளது. மதுரையில் ஒட்டப்பட்டுள்ள கண்டன போஸ்டர் இது.

by அச்சலா Wed Dec 26, 2012 9:48 pm

படமும் செய்தியும்! - Page 44 ELARGE_20121226005342000000

பொங்கல் பண்டிகைக்கு இன்னும் இரண்டு வாரங்களே உள்ள நிலையில் சிதம்பரம் பகுதியிலிருந்து சென்னை கோயம்பேடு சந்தைக்கு கரும்பு வரத்து துவங்கியுள்ளது.இருபது கரும்புகள் கொண்ட ஒரு கட்டு கரும்பு தற்போது 200 ரூபாய்க்கு விற்கப்படுகின்றன.விளைச்சல் அதிகமாக உள்ளதால் பண்டிகை நெருக்கத்தில் விலை குறையும் என வியாபாரிகள் தெரிவித்தனர்.

by அச்சலா Wed Dec 26, 2012 9:54 pm

படமும் செய்தியும்! - Page 44 ELARGE_20121226175853000000

பொருத்தமில்லாத படம் போடலாமா?:
எத்தனை ஆண்டுகளானாலும் மறக்க முடியாத சோகத்தை சுமந்து கொண்டிருப்பது தான் சுனாமி. எட்டு ஆண்டுகளுக்கு முன் இதே நாளன்று சுனாமியால் பலியான பல்வேறு உயிர்களுக்கு அஞ்சலி செலுத்தும் நிகழ்ச்சி சென்னையில் இன்று (26/12/12) நடைபெற்றது. அம்மாவின் ஆணைக்கிணங்க இந்த நிகழ்ச்சியை நடத்துவதாக பேனர் கட்டிய அதிமுகவினர், பேனரில் முதல்வர் ஜெயலலிதாவின் சிரித்த முகத்தை போட்டதற்கு பதிலாக, சாதாரணமான படத்தை போட்டு இருக்கலாம், அல்லது படமே போடாமல் கூட விட்டிருக்கலாம். இந்த சிரிப்பு சோகத்தின் கனத்தை குறைத்து மதிப்பிடும் என்பதை இனியாவது உணர்வார்களா.?

by அச்சலா Wed Dec 26, 2012 9:54 pm

படமும் செய்தியும்! - Page 44 ELARGE_20121225170827000000

கிணத்தைக் காணோம்...:
சினிமாவில் அவ்வப்போது நகைச்சுவைக்காக கையாளப்படும் ‘கிணத்தைக் காணோம்’ விஷயம், கன்னியாகுமரி மாவட்டம் களியாக்காவிளை பகுதியில் மெய்யாலுமே நடந்து விட்டது போலும். அங்குள்ள காம்ரேட்கள் போஸ்டர் அடித்து ஒட்டியுள்ளனர். காணாமல் போன கிணத்தை திருடியவர்கள் வந்த விலைக்கு பக்கத்து மாநிலமான கேரளாவிற்கு விற்றுவிடப்போகிறார்கள். அதற்குள் கண்டுபிடித்துவிடுங்கள்.

by அச்சலா Wed Dec 26, 2012 9:55 pm

படமும் செய்தியும்! - Page 44 ELARGE_20121224131129000000

ஐயாவுக்கு நாலு தோசை...:
காஞ்சிபுரம் மாவட்டம், கூடுவாஞ்சேரி டி. 3, காவல் நிலையத்தின் உதவி ஆய்வாளருக்கு, சட்டம் ஒழுங்கை கட்டிக்காக்கும் கண்ணியமான வேலைப்பளுவின் போது ஏற்பட்ட களைப்பினை போக்கிக் கொள்ள, நாலு தோசை சாப்பிட வேண்டி இருந்திருக்கிறது. நடந்து போய் சாப்பிடக்கூட முடியாத அளவு களைத்துப் போனார் போலும். அதனால் தனது முத்திரையை ஒரு பேப்பரில் பொறித்து தனது கையெழுத்தையும் போட்டு, நான்கு தோசை கொடுத்தனுப்பவும் என கால் கடுதாசி கொடுத்தனுப்பிய விஷயமே இது., தோசைக்கு காசு கொடுத்தார? காவல்துறை முத்திரையை இதற்கு பயன்படுத்தலாமா? என்பதெல்லாம் கேட்கக்கூடாத கேள்விகள்.

by அச்சலா Wed Dec 26, 2012 10:03 pm

படமும் செய்தியும்! - Page 44 ELARGE_20121226004737000000

கிழக்கு கடற்கரைச்சாலையில், முன்னாள் போலீஸ் கமிஷ்னர் ராஜேந்திரன் சென்ற வாகனத்தின் மீது மினி டெம்போ வாகனம் ஒன்று மோதி விபத்துக்குள்ளானது. இடம் : ஈஞ்சம்பாக்கம்.