10-ல், 10-ம், 10-வது = எது சரி?

**சாமி** · **சாமி** Tue Sep 18, 2012 10:54 am

First topic message reminder :

யாரோ எதனாலோ, எப்போதோ வழுக்கி விழுந்த பின்வரும் இடங்களில் நாமும் நம் சோம்பலால் வழுக்கி விழுந்து கொண்டே இருக்கிறோம்.
10-ல், 10-ம், 10-வது
மேல் உள்ளவாறு எழுதுவது எவ்வளவு பெரிய தவறு என்பதை அவற்றை முழுமையாக எழுத்தால் எழுதிப் பார்த்தால் விளங்கும்.

10-ல் இதை முழுமையாக எழுத்து வடிவத்திலேயே எழுதினால் பத்து+ல் = "பத்துல்' என்று தானே எழுத வேண்டும். இதைப் படித்துப் பாருங்கள். பத்துல் என்றுதானே வருகிறது. பத்தில் என்று நினைத்துக்கொண்டு எழுதும் நாம், பத்துல் என்று எழுதுகிறோமே இது முறைதானா?

அவ்வாறே பத்தாம் வகுப்பு என்று எழுதும் போதும் 10-ம் என்று எழுதுகிறோமே, இதையும் மேற்கூறியவாறு முழுமையாக எழுத்து வடிவில் எழுதிப்பார்த்தால் "பத்தும் வகுப்பு' என்றாதானே வருகிறது. ஆகவே, இவற்றை முறையே 10-இல், 10-ஆம் என்றுதான் எழுத வேண்டும். எழுத்தில் முழுமையாக எழுதினால் இந்தச் சிக்கலே வராது. எண்ணும் எழுத்தும் கலந்து எழுதப்படும் போதுதான் இச்சிக்கல் வருகிறது.

இவ்வாறே 10-கு என்று எழுதினால் "பத்துகு' என்றுதானே வரும். ஆகவே, இதைச் சரியாக எழுத வேண்டுமானால் 10-க்கு என்று எழுதுவதே சரி. எனவே, இத்தகைய இடங்களில் நமக்கு ஐயம் வரும்போது அப்பகுதியை முழுமையாக எழுத்து வடிவில் எழுதிப் பார்த்தால் ஐயம் தெளிந்து கொள்ளலாம்.

10-ஆம் வகுப்பு என்று எழுதுவதைக் கைவிட்டுச் சிலர் 10-வது வகுப்பு என்று எழுதுகிற வழக்கத்தை மேற்கொள்கின்றனர். இதை முழுமையாக எழுத்தால் எழுதினால் பத்து+வது = பத்துவது வகுப்பு என்றுதானே வரும். ஆகவே, அதனை 10-ஆவது என்று எழுதுவதே சரி. இதில் நாம் தெரிந்துகொள்ள வேண்டிய மற்றொன்றும் இருக்கிறது. 10-ஆம் வகுப்பு என்று சொல்வதுதான் சரியானதே தவிர, ஆம் என்பதற்கு மாறாக ஆவது என்பதைப் பயன்படுத்துவதற்கு மொழி மரபில் இடமில்லை. ஏனெனில், ஆகும் என்னும் சொல்தான் ஆம் என மருவி வழங்கப்படுகிறது. வது என்பது ஆவது என்பதிலிருந்து வந்ததென்று கூறவும் முடியாது. அப்படி ஒரு மரபு இருப்பதாகவும் தெரியவில்லை. அதன் பொருளும் ஏற்புடையதாகத் தோன்றவில்லை. ஆகவே, "ஆவது' அல்லது "வது' என்று எழுதும் முறையை முற்றிலும் கைவிடுவதே பொருத்தமாகும்.

(புலவர் மா.நன்னனின் "தமிழைத் தமிழாக்குவோம் நூலிலிருந்து...)

பூவன் · பூவன் Sun Oct 07, 2012 1:33 pm

யினியவன் wrote:
சிவா wrote:நல்ல விளக்கம், நன்றி சாமி!
சிவா நமக்குத்தான் இது பிரச்சினையே இல்லியே - நாம எயித்து பெயிலாச்சே...

இது புது பிட்டா இருக்கே சிரி

யினியவன் · யினியவன் Sun Oct 07, 2012 1:37 pm

பூவன் wrote:இது புது பிட்டா இருக்கே

பிட்டடிச்சும் வேலைக்கு ஆகல.
நாங்க பெயிலு பெயிலு தான்னு
மயிலு டீச்சர் சொல்லிடுச்சு...

பூவன் · பூவன் Sun Oct 07, 2012 1:47 pm

யினியவன் wrote:
பூவன் wrote:இது புது பிட்டா இருக்கே
பிட்டடிச்சும் வேலைக்கு ஆகல.
நாங்க பெயிலு பெயிலு தான்னு
மயிலு டீச்சர் சொல்லிடுச்சு...

இது ரயிலு ரயிலா விடற
பெயிலு கதையா ...
இது பாஸ் ஆகாது பாஸ்

யினியவன் · யினியவன் Sun Oct 07, 2012 1:58 pm

லாசு லாசுதான்
காசு வேஸ்ட்டு தான்னு
படிப்ப நிறுத்திட்டோம்ல...

பூவன் · பூவன் Sun Oct 07, 2012 2:02 pm

இது பேஸ் பேஸ் தான்
நல்ல நடிப்புக்கு பேஸ் இதான் ...

யினியவன் · யினியவன் Sun Oct 07, 2012 2:04 pm

படிப்புக்கு நீங்க
நடிப்புக்கு சிவாங்க...

பூவன் · பூவன் Sun Oct 07, 2012 2:07 pm

யினியவன் wrote:படிப்புக்கு நீங்க
நடிப்புக்கு சிவாங்க...

நல்ல கடிக்கு நீங்கள் ...

யினியவன் · யினியவன் Sun Oct 07, 2012 2:10 pm

நல்ல கடிக்கு நல்ல பாம்பிருக்கு
தீபாவளி வெடிக்கு சிவகாசி இருக்கு
காசை கரியாக்க பெற்றோரின் பர்சிருக்கு...

பூவன் · பூவன் Sun Oct 07, 2012 2:15 pm

கரிய காசாக்க நல்ல
மனசு இருக்கு ...
மனசுக்கு தேவை
நல்ல குணம் இருக்கு ..
இதெல்லாம் இருக்கு எதுக்கு
எங்களுக்கு அடுத்தவர் பர்ஸ் எதுக்கு ...

Sponsored content · Sponsored content

10-ல், 10-ம், 10-வது = எது சரி?

10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

Re: 10-ல், 10-ம், 10-வது = எது சரி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக