எவரெஸ்டில் ஏறிய முதல் மனிதர் குறித்து புதிய சர்ச்சை

**சிவா** · **சிவா** Mon Sep 17, 2012 1:25 am

உலகின் மிக உயர்ந்த சிகரமான எவரெஸ்டில் கால் பதித்த முதல் நபர் டென்சிங் நார்கே என்று நினைத்துக் கொண்டிருக்கிறோம். ஆனால், எட்மண்ட் ஹிலாரி என்பவர்தான் முதலில் அங்கு கால் பதித்தவர் என்று இங்கிலாந்து எழுத்தாளர் மிக் கோன்பிரே என்பவர், தான் எழுதிய 'எவரெஸ்ட்-1953' என்ற புதிய புத்தகத்தில் குறிப்பிட்டுள்ளார். இப்புத்தகம் அடுத்த மாதம் வெளியாகிறது.

எட்மண்ட், டென்சிங் ஆகிய இருவரும் ஒரே குழுவாகத்தான் எவரெஸ்ட் சிகரத்தில் ஏறினார்கள். ஆனால், எட்மண்ட்தான் முதலில் மலை உச்சிக்கு சென்றதுடன், டென்சிங்கையும் தனக்கு பிறகு கூட்டிச் சென்றார்.

ஆனால், அப்போது நேபாளத்துக்கான இங்கிலாந்து தூதராக இருந்த கிறிஸ்டோபர் சம்மராயசும், மலை ஏற்றக்குழுவின் தலைவர் ஜான் ஹன்ட்டும், டென்சிங்தான் முதலில் மலை ஏறியதாக திரித்து விட்டனர் என்று அப்புத்தகத்தில் கூறப்பட்டுள்ளது. அப்போது, இங்கிலாந்துக்கு எதிரான மனநிலை, இந்தியாவிலும், நேபாளத்திலும் நிலவியதால், அதை தணிப்பதற்காக, அவர்கள் அப்படி செய்ததாக புத்தகத்தில் கூறப்பட்டுள்ளது.