ஏ என்னப் பெத்த மக்கா!

"அப்பாவுக்கு எப்பவும் எட்டு முழ வேஷ்டியும், தேங்காப்பூ துண்டும்தான் பிடிக்கும்."

"நேத்தே ஒரு ஜோடி வாங்கி வச்சுட்டம்ணே..!"

"அப்பாவுக்கு சங்கரங்கோயில் பிரியாணின்னா ரொம்ப இஷ்டம்..."

"சரிண்ணே. அதுலே அரை பிளேட் பிரியாணி வாங்கிக்கலாம்..."

"அப்புறம், குவார்ட்டர் பிராந்தி வாங்கிக் குடு. அப்பா எப்பவும் நெப்போலியன்தான் குடிப்பாரு. பார்த்து வாங்கு."

"குட்டியாபிள்ள ஹோட்டல் பூரி செட்டும், அவிச்ச மொச்சப் பயிறும்னா அப்பாவுக்கு உசிறு. அப்பிடியே ரெண்டு கட்டு சொக்கலால் பீடி. எப்பவாச்சுலும் பாசிங்ஷோ சிகரெட் பிடிப்பார். அதுல ஒரு பாக்கெட்டு, பட்டணம் பொடி டப்பா ஒண்ணு..."

"மறந்துட்டமே? அப்பாவுக்கு 'பனங்கள்' இருந்தா சோறு தண்ணியே வேண்டாமே?"

"சரி, அங்கன போற வழில ஒரு கலயம் பனங்கள்ளும் வாங்கிட்டாப் போச்சு."

"அப்புறம் அப்பாவுக்குப் பிடிச்ச மசால் வடையையும், கால் கிலோ அல்வாவையும் மேலப்பாசார்ல வாங்கிடு..."

அண்ணனும் தம்பியும், அப்பாவுக்கு என்னென்ன பிடிக்குமோ அத்தனையையும் பார்த்து பார்த்து தேடிப் பிடித்து வாங்கிக் கொண்டு ஊர் போனார்கள்.

ஒரு பெரிய தலை வாழை இலையை விரித்தார்கள். அப்பாவுக்குப் பிடித்தது என்று அவர்கள் வாங்கிவந்த அத்தனை பண்டங்களையும் ஒன்றுவிடாமல் பரப்பி படையல் போட்டார்கள்.

செத்துப்போன அப்பாவின் நினைவு நாளை படு அமர்க்களமாகக் கொண்டாடிவிட்டு அந்தப் பாசமுள்ள மகன்கள் ஊருக்குக் கிளம்பும் போது-

கதவிடுக்கிலிருந்து ஈனஸ்வரத்தில் ஒரு குரல் வந்தது-

'பெத்த தாயி நானொருத்தி இருக்கேனே உசிரோட... எனக்கு ஒண்ணுமே வாங்கிட்டு வரலையா? ஏ என்னப் பெத்த மக்கா.'


- கரடிக்குளம் ஜெயாபாரதிப்ரியா

மனதை கலக்கும் உண்மை நிலை இது.

உசிரோடு இருக்கையிலே பாக்க நாதி இல்ல
பாடையிலே போனபின்ன பாசத்த பொழியுது பெத்த புள்ள...

யினியவன் wrote:மனதை கலக்கும் உண்மை நிலை இது.

உசிரோடு இருக்கையிலே பாக்க நாதி இல்ல
பாடையிலே போனபின்ன பாசத்த பொழியுது பெத்த புள்ள...

என்னை மிகவும் பாதித்த கதை இது தல!

இது தான் உண்மைநிலை.... யாருமே தன்னை மாற்றிக்கொள்ள தயாராக இல்லை

மிகவும் பாதித்த கதை

உண்மையிலேயே இப்படியான மனிதர்கள் இருக்கிறார்களா?

மனதை பிழியும் உண்மை நிலை , இதுபோல எத்தனையோ குடும்பங்கள் இருக்கின்றன தமிழ்நாட்டில்....