ரத்தம் வெவ்வேறு நிறம்..........

பூவன் · பூவன் Sun Sep 16, 2012 5:37 pm

அங்கே
பிணங்கள் விழுந்துகொண்டிருக்கின்றன
நாம்
‘எத்தனை விக்கெட்டுகள் விழுந்தன? என்று
விசாரித்துக்கொண்டிருக்கின்றோம்.

அங்கே
குண்டுகள் வெடித்துக்கொண்டிருக்கின்றன
நாம்
பட்டாசு வெடித்துப்
பரவசப்பட்டுக்கொண்டிருக்கின்றோம்.

அவர்கள்
வேட்டையாடப்பட்டுக்
கதறிக்கொண்டிருக்கின்றார்கள்
நாம்
வெள்ளித் திரைகளுக்கு முன்
விசிலடித்துக்கொண்டிருக்கின்றோம்.

அவர்கள்
கற்பழிக்கப்பட்டுக்கொண்டிருக்கின்றார்கள்
நாம்
‘கற்பில் சிறந்தவள் கண்ணகியா? சீதையா?” என்று
பட்டிமண்டபம் நடத்திக்கொண்டிருக்கின்றோம்.

அவர்கள்
வெளிச்சத்தின் விளைச்சலுக்கு
ரத்தம் சொரிந்துகொண்டிருக்கின்றார்கள்
நாம்
இருட்டுக்காடுகளுக்கு
வேர்வை வார்த்துக்கொண்டிருக்கின்றோம்

அவர்கள்
சயனைட் அருந்திக்கொண்டிருக்கின்றார்கள்
நாம்
அதர பானம் பருகிக்கொண்டிருக்கின்றோம்

இதில் வியப்பேதும் இல்லை.
அவர்கள் கவிரிமான்கள்
நாம் கவரிகள்.

இதோ
தேவவேடம் போட்ட சாத்தான்கள்
வேதம் ஓதுகின்றனர்.
இதோ
ரத்தப் பற்களை மறைத்த ஓநாய்கள்
நீரைக் கலக்கிய பழியை
ஆடுகளின்மீது சுமத்திக்கொண்டிருக்கின்றன.
இதோ
சித்தாந்த வித்துவான்கள்
ஒப்பாரியில்
ராகப் பிழை கண்டுபிடித்துக்கொண்டிருக்கின்றார்கள்.
இதோ
வெள்ளைக்கொடி வியாபாரிகள்
விதவைகளின் புடவைகளை
உருவிக்கொண்டிருக்கிறார்கள்.
அன்று
அசோகன் அனுப்பிய
போதிமரக் கன்று
ஆயுதங்கள் பூக்கின்றது.
இன்று
ஆசோகச் சக்கரத்தின்
குருட்டு ஓட்டத்தில்
கன்றுகளின் ரத்தம்
பெருகிக்கொண்டிருக்கின்றது.
தாய்ப் பசுவோ
கவர்ச்சியான சுவரொட்டிகளைத் தின்று
அசைபோட்டுக்கொண்டிருக்கின்றது!
______________

கவிக்கோ அப்துல் ரகுமான்

Guest · Guest Sun Sep 16, 2012 10:35 pm

உள்ளம் வலிக்க ஒரு கவி எழுதிய ஒரு கவி :வணக்கம்:

பூவன் · பூவன் Sun Sep 16, 2012 10:37 pm

புரட்சி wrote: உள்ளம் வலிக்க ஒரு கவி எழுதிய ஒரு கவி

அப்போதாவது காதில் ஒலிகும்மா அப்படின்னு பார்போம்........

Guest · Guest Sun Sep 16, 2012 10:40 pm

pooven wrote:
புரட்சி wrote: உள்ளம் வலிக்க ஒரு கவி எழுதிய ஒரு கவி

அப்போதாவது காதில் ஒலிகும்மா அப்படின்னு பார்போம்........

சினிமா இரைச்சல் காதில் விழும் வரை இது விழாது..

யினியவன் · யினியவன் Sun Sep 16, 2012 11:10 pm

நம் ஆதங்கத்தை வெளிப்படுத்தலாமே தவிர
செவிடன் காதில் சங்கொலி விழவே விழாது...

பூவன் · பூவன் Sun Sep 16, 2012 11:12 pm

யினியவன் wrote:நம் ஆதங்கத்தை வெளிப்படுத்தலாமே தவிர
செவிடன் காதில் சங்கொலி விழவே விழாது...

அடி மேல் அடி வைத்தால் விழும் அண்ணா ...... :idea:

யினியவன் · யினியவன் Sun Sep 16, 2012 11:17 pm

தோலை உரித்து தொவச்சு காயப் போடணும் பூவென் அப்பத்தான் சரிவரும்.

அசுரன் · அசுரன் Sun Sep 16, 2012 11:21 pm

இதோ
சித்தாந்த வித்துவான்கள்
ஒப்பாரியில்
ராகப் பிழை கண்டுபிடித்துக்கொண்டிருக்கின்றார்கள்

என்னை திட்டுவதை போல இருக்கு... ஹி ஹி..

வலி மிகுந்த கவிதை...... தமிழக அரசுக்கே மீனவர்களின் மரணத்தை தட்டிக்கேட்க உரிமையில்லாத போது... நம்மால் முடிந்தது ஓட்டு மாற்றிக் குத்துவது.. அதை தான் சரியாக செய்தோமே? சோகம்

பூவன் · பூவன் Sun Sep 16, 2012 11:21 pm

யினியவன் wrote:தோலை உரித்து தொவச்சு காயப் போடணும் பூவென் அப்பத்தான் சரிவரும்.

கண்ணுக்கு கண் என்ற மாதிரி ....

பூவன் · பூவன் Sun Sep 16, 2012 11:22 pm

அசுரன் wrote:
இதோ
சித்தாந்த வித்துவான்கள்
ஒப்பாரியில்
ராகப் பிழை கண்டுபிடித்துக்கொண்டிருக்கின்றார்கள்
என்னை திட்டுவதை போல இருக்கு... ஹி ஹி..

அனைவரும் இது அல்லது அது என்ற தேர்வு முறையில் திரும்ப திரும்ப தமிழகம் சுழன்று கொண்டு உள்ளது
வலி மிகுந்த கவிதை...... தமிழக அரசுக்கே மீனவர்களின் மரணத்தை தட்டிக்கேட்க உரிமையில்லாத போது... நம்மால் முடிந்தது ஓட்டு மாற்றிக் குத்துவது.. அதை தான் சரியாக செய்தோமே?

Sponsored content · Sponsored content

ரத்தம் வெவ்வேறு நிறம்..........

ரத்தம் வெவ்வேறு நிறம்..........

Re: ரத்தம் வெவ்வேறு நிறம்..........

Re: ரத்தம் வெவ்வேறு நிறம்..........

Re: ரத்தம் வெவ்வேறு நிறம்..........

Re: ரத்தம் வெவ்வேறு நிறம்..........

Re: ரத்தம் வெவ்வேறு நிறம்..........

Re: ரத்தம் வெவ்வேறு நிறம்..........

Re: ரத்தம் வெவ்வேறு நிறம்..........

Re: ரத்தம் வெவ்வேறு நிறம்..........

Re: ரத்தம் வெவ்வேறு நிறம்..........

Re: ரத்தம் வெவ்வேறு நிறம்..........

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக