என்னது டீசல் விலை ஏறிடுச்சா? என்னைய்யா சொல்றீங்க?

m.mohan · m.mohan Fri Sep 14, 2012 11:36 pm

ஒரு நாடகத்தை எல்லா அரசியல்வாதிகளும் ஒன்றாக சேர்ந்து நடத்த ஆரம்பிச்சிட்டானுங்க.

காங்கிரசுக்கு நிலக்கரி ஊழலிருந்து எல்லோருடைய கவனத்தையும் திசை திருப்பனும், அதுக்குதான் இந்த விலை ஏற்றம். (சீக்கரம் காமராஜர் ஆட்சியை அமைச்சிடுவீங்கன்னு நினைக்கிறேன். யாரு ராகுல்தான் காமராஜரா?)

திமுக கண்டனமாம் (அதான் 2g யை மறந்திட்டோமே)

அதிமுக கண்டனம் (கவலபடாதீங்க பஸ், கரண்ட், பால் எல்லாத்தையும் மறந்திட்டோம் )

தேமுதிக கண்டனம் (உங்களுக்கு வாய்ப்பு இன்னும் கிடைக்கல. கவலைபடாதீங்க எதிர்கட்சியா இருக்கும்போதே தெரியுது நீங்க நல்லா வருவீங்கன்னு)

பாமக கண்டனம் (கவலைபடாதீங்க அன்புமணி பிரதமர் ஆகிவிட்டால் எல்லாம் சரியாகிடும். அண்ணே அடுத்து எந்த மரம் காலியா இருக்குன்னு பாருங்க தாவுனும்ல)

கம்யூனிஸ்ட்கள் கண்டனம் (இதுக்குதான் இத்தியாவ ரஸ்யாவோட இணைச்சிடுங்கன்னு சொன்னா எவன் கேக்குரான்).

சமத்துவ மக்கள் கட்சி(சரத்குமார்) கண்டனம் (இந்த விலை ஏற்றத்தினால் அண்ணன் ஆண்டுக்கு இரு படங்களில் மட்டுமே நடிப்பார். மக்கள் போராட்டம் நடத்தினால் முடிவுகள் மாறலாம். அண்ணே பவுடர் கம்மியா இருக்கு.)

பாஜக கண்டனம் (அண்ணே நீங்க தமிழ் நாட்ல இருக்கீங்களா. சரி விடுங்க இங்க ஏன் வந்தீங்க? அதான் மா.பி க்கு ராஜபக்சே வை கூப்பிட்டு இருக்கீங்களே வரவேற்க போகல. கவலை படாதீங்க அதையும் நாங்க சீக்கிரம் மறந்திடுவோம்).

ஏன்பா மத்த கட்சியெல்லாம் கண்டனம் தெரிவிச்சிட்டீங்கள்ள அப்புறம் நாங்க மறந்துட்டோம்ன்னு வந்து அழுவல்லாம் கூடாது.

இத கேக்க நீ யாருன்னா கேக்குற நான் தமிழன்டா. என்னது நமீதாவ புது படத்துல நடிக்க புக் பண்ணிட்டாங்களா? ஆமா நான் இவ்வளோ நேரம் எதப்பத்தி பேசிக்கிட்டு இருந்தேன். நமீதாவ பாத்ததில எல்லாமே மறந்து போச்சு. சரி விடுங்க போய் பொழப்ப பாப்போம். ஆமா இந்த படத்தோட ஸ்டில்லு எப்ப வரும் ? --- நான் தமிழன்டா!

என்றும் அன்புடன்
மோகன்