கறியமுதுகள் - பொரியல்கள் - அகத்திக் கீரை கறியமுது ! / பொரியல்

by **krishnaamma** Fri Sep 14, 2012 8:20 pm

First topic message reminder :

இந்த திரி இல் நான் கறியமுதுகளைப்பற்றி எழுதப்போகிறேன். 'கறியமுது' என்றால் குழம்பு ரசம் சாதங்களுக்கு தொட்டுக்கொள்ளும் சைடு டிஷ் என்று அர்த்தம். அதாவது 'பொரியல்' அதன் வகைகளை யும் செய்முறைகளையும் இப்ப பார்க்கலாம்.

இதில் பல வகைகள் உண்டு. அதாவது :

1 . தேங்காய் பருப்பு போட்டு செய்வது
2 . வதக்கல்
3 . பருப்பு உசிலி
4 . மசியல் வகைகள்
5 . பொடிமாஸ்
6 . மசாலா போட்ட கறியமுது
7 . பல காய்கள் போட்ட கறியமுது
8 . பொடி போட்ட கறியமுது
9 . வேகவைத்த கறியமுது
10. வாழைக்காய் பொடி
11. வெறும் தேங்காய் போட்டு செய்யும் கறியமுது
12. வேகவைத்து வதக்கும் கறியமுது

இவைகளை ஒவ்வொன்றாக பார்ப்போம் .

by **krishnaamma** Fri Sep 14, 2012 9:35 pm

பலா முசுடு கறியமுது. இது எங்க அம்மா ஆத்து ஸ்பெஷல் புன்னகை

கொஞ்சம் வெல்லம் போட்டு செய்வா, எங்க அப்பாவை பெற்ற தாத்தாக்கு ரொம்ப இஷ்டமாம் . ரொம்ப சுவையாக இருக்கும். பங்குனி மாதம் அந்த தாத்தாவின் ஸ்ரார்தம் சரியாக பலா சீசன். எனவே பிஞ்சு சுலபமாக கிடைக்கும்.

தேவையானவை :

பிஞ்சு பலாக்காய் 1
தேங்காய் துருவல் 1 /2 கப்
தண்ணி கொஞ்சம்
உப்பு
தாளிக்க கொஞ்சம் கடுகு, மிளகாய் வற்றல் 4
கொஞ்சம் எண்ணெய்
கறிவேப்பிலை

செய்முறை :

பிஞ்சு பலாக்காய் அலம்பி, கைகளில் எண்ணை தடவிக்கொண்டு நறுக்கவும் .
நிறைய பிசின் இருக்கும்.
வாணலி இல் எண்ணெய் விட்டு கடுகு ,மிளகாய் வற்றல், கறிவேப்பிலை தாளிக்கவும்.
நறுக்கின காய்களை அதில் போடவும்.
தண்ணி விடவும்
கொஞ்சமாய் உப்பு போடவும்..
கொஞ்ச நேரம் முடி வைக்கவும்.
பிறகு நன்கு கிளறி , காய் வெந்ததும் தேங்காய் துருவல் போட்டு இறக்கவும்.
பலாக்காய் கறியமுது தயார்.

குறிப்பு : இதையே வெல்லம் போட்டும் செய்யலாம். மிளகாய் வற்றலுக்கு பதில் துளி உப்பு + வெல்லம் போடணும்.அவ்வளவுதான்.

by **krishnaamma** Fri Sep 14, 2012 9:44 pm

தேவையானவை:

கத்தரிக்காய் 1/4 கிலோ
தேங்காய் துருவல் 1 /2 கப்
உப்பு
தாளிக்க கொஞ்சம் கடுகு, மிளகாய் வற்றல் 4
கொஞ்சம் எண்ணெய்
கறிவேப்பிலை

செய்முறை :

கத்தரிக்காய் களை அலம்பி நறுக்கவும் .
வாணலி இல் எண்ணெய் விட்டு கடுகு ,மிளகாய் வற்றல், கறிவேப்பிலை தாளிக்கவும்.
நறுக்கின முள் கத்தரிக்காய் களை அதில் போடவும்.
உப்பு போடவும்..
கொஞ்ச நேரம் முடி வைக்கவும்.
பிறகு நன்கு கிளறி , காய் வெந்ததும் தேங்காய் துருவல் போட்டு இறக்கவும்.
கத்தரிக்காய் கறியமுது தயார்.

by **மாணிக்கம் நடேசன்** Sat Sep 15, 2012 8:46 am

பாவம் மாமா அக்கா, இப்படியே சமச்சு போட்டு அவர இன்னும் கிண்டாக்கிடாதீங்க. மாப்ள கிருஸ்ணாவ வேணும்னா நீங்க சமச்சத டெஸ்ட் பண்ண சொல்லுங்க. மாமா வேண்டாம் அவர விட்ருங்க.

by **krishnaamma** Tue Aug 06, 2013 12:47 pm

தேவையானவை :

பிடி கருணை 1/2 கிலோ
பச்சை மிளகாய் 2 -4
துருவின இஞ்சி - 1 டேபிள் ஸ்பூன்
புளி தண்ணீர் 1/2 கப் அல்லது புளி பேஸ்ட் 1 டேபிள் ஸ்பூன்
பெருங்காயப்பொடி
உப்பு
எண்ணை தாளிக்க
கொத்துமல்லி கொஞ்சம்

தாளிக்க:

கடுகு - 1 ஸ்பூன்
உளுத்தம் பருப்பு - 1 ஸ்பூன்
கடலை பருப்பு - 1 ஸ்பூன்
மஞ்சள் பொடி 1/4 ஸ்பூன்
கறிவேப்பிலை கொஞ்சம்

செய்முறை:

முதலில் பிடி கருணையை நன்கு அலம்பி குக்கர் il வேக வைக்கவும்.
கொஞ்சம் ஆறினதும் தோலை எடுத்துவிட்டு நன்கு மசித்துக்கொள்ளவும்.
ஒரு வாணலி இல் எண்ணை விட்டு தாளிக்க கொடுத்துள்ள பொருட்களை கொண்டு தாளிக்கவும்.
பிறகு மசித்த கிழங்கை போடவும்.
புளித்தண்ணீரை அல்லது புளி பேஸ்ட் ஐ போடவும், பெருங்காயப்பொடியும் போடவும்.
நன்கு கிளறவும்.
உப்பு போடவும், அது நன்கு கொதித்ததும், கொத்துமல்லி தூவி இறக்கவும்.
ரசம் சாதத்துடன் பரிமாறவும்.
அல்லது சூடு சாதத்தில் நெய் யுடன் இந்த பிடி கருணை மசிலலையும் பரிமாறலாம், ரொம்ப நல்லா இருக்கும் ஜாலி

by **ராஜா** Tue Aug 06, 2013 12:51 pm

நான் கேட்ட பாசந்தி .... ரசகுல்லா எங்கே அழுகை

by **krishnaamma** Tue Aug 06, 2013 12:57 pm

கறியமுதுகள் - பொரியல்கள் - அகத்திக் கீரை கறியமுது ! / பொரியல் - Page 2 IMG_2126

இது தான் பிடி கருணை புன்னகை

ரொம்ப அரிக்கும் எனவே கண்டிப்பாக புளி சேர்க்கணும். அதுவும் ரொம்ப ஃபிரெஷ் ஆனா கிழங்காக இருந்தால் அதை அப்படியே 1 வாரம் 10 நாள் வைத்திருந்து விட்டு பிறகு மசிக்கணும் புன்னகை

by **krishnaamma** Tue Aug 06, 2013 1:12 pm

ராஜா wrote:நான் கேட்ட பாசந்தி .... ரசகுல்லா எங்கே

போடறேன் ராஜா புன்னகை

by **ராஜா** Tue Aug 06, 2013 1:14 pm

krishnaamma wrote:
ராஜா wrote:நான் கேட்ட பாசந்தி .... ரசகுல்லா எங்கே
போடறேன் ராஜா

by **krishnaamma** Tue Aug 06, 2013 1:16 pm

கறியமுதுகள் - பொரியல்கள் - அகத்திக் கீரை கறியமுது ! / பொரியல் - Page 2 Elephant-foot-yam1

இது சேனை கிழங்கு , இதுவும் அரிக்கும் என்றாலும் ருசியாக இருக்கும். கிழங்கு சிவப்பாய் இருந்தால் வறுபடும் கிழங்கு, மஞ்சளாய் இருந்தால் வேகும் கிழங்கு என்று தெரிந்து கொள்ளவும் புன்னகை

தேவைக்கு ஏற்ப பார்த்து வாங்கவும்.

by **krishnaamma** Tue Aug 06, 2013 1:19 pm

தேவையானவை :

சேனைக்கிழங்கு 1/2 கிலோ
பச்சை மிளகாய் 2 -4
துருவின இஞ்சி - 1 டேபிள் ஸ்பூன்
புளி தண்ணீர் 1/2 கப் அல்லது புளி பேஸ்ட் 1 டேபிள் ஸ்பூன்
பெருங்காயப்பொடி
உப்பு
எண்ணை தாளிக்க
கொத்துமல்லி கொஞ்சம்

தாளிக்க:

கடுகு - 1 ஸ்பூன்
உளுத்தம் பருப்பு - 1 ஸ்பூன்
கடலை பருப்பு - 1 ஸ்பூன்
மஞ்சள் பொடி 1/4 ஸ்பூன்
கறிவேப்பிலை கொஞ்சம்

செய்முறை:

முதலில் சேனைக்கிழங்கு நன்கு அலம்பி, தோல் சீவி குக்கர் il வேக வைக்கவும்.
கொஞ்சம் ஆறினதும் நன்கு மசித்துக்கொள்ளவும்.
ஒரு வாணலி இல் எண்ணை விட்டு தாளிக்க கொடுத்துள்ள பொருட்களை கொண்டு தாளிக்கவும்.
பிறகு மசித்த கிழங்கை போடவும்.
புளித்தண்ணீரை அல்லது புளி பேஸ்ட் ஐ போடவும், பெருங்காயப்பொடியும் போடவும்.
நன்கு கிளறவும்.
உப்பு போடவும், அது நன்கு கொதித்ததும், கொத்துமல்லி தூவி இறக்கவும்.
ரசம் சாதத்துடன் பரிமாறவும்.
அல்லது சூடு சாதத்தில் நெய் யுடன் இந்த மசிலலையும் பரிமாறலாம், ரொம்ப நல்லா இருக்கும் புன்னகை