டீசல் விலை லிட்டருக்கு ரூ. 5 உயர்வு

**சிவா** · **சிவா** Fri Sep 14, 2012 12:15 am

டீசல் விலை லிட்டருக்கு ரூ.5 உயர்த்தப்படுவதாக பிரதமர் தலைமையில் நடந்த மத்திய அமைச்சரவை குழு கூட்டத்தில் முடிவு எடுக்கப்பட்டுள்ளது.

பிரதமர் இல்லத்தில் இன்று மாலை நடைபெற்ற மத்திய அமைச்சரவை குழு கூட்டத்தில் டீசல் விலையை லிட்டருக்கு ரூ.5 உயர்த்துவது என்று முடிவு எடுக்கப்பட்டுள்ளது. பெட்ரோல், மண்ணெண்ணெய், சமையல் எரிவாயு (எல்பிஜி) ஆகியவற்றின் மீதான விலையில் எந்தவித மாற்றமும் இல்லை என்றும் அறிவிக்கப்பட்டுள்ளது.

மேலும் பெட்ரோல் மீதான கலால் வரி ரூ.5.50 குறைக்கப்படுவதாகவும், சமையல் எரிவாயு மானிய விலையில் ஆண்டுக்கு 6 சிலிண்டர்கள் மட்டுமே வழங்குவது எனவும் அமைச்சரவை கூட்டத்தில் முடிவு எடுக்கப்பட்டுள்ளது.

இந்த விலையேற்றைத்தை தொடர்ந்து சென்னையில் டீசல் விலை லிட்டருக்கு ரூ.48.91 ஆக உயர்வு. பழைய விலை ரூ.43.91.

**சிவா** · **சிவா** Fri Sep 14, 2012 12:15 am

டீசல் விலை உயர்வு: முதல்வர் ஜெ., எதிர்ப்பு

சென்னை: டீசல் விலை உயர்வு, சமையல் காஸ் கட்டுப்பாடு ஆகியவற்றிற்கு முதல்வர் ஜெயலலிதா கடும் கண்டனம் தெரிவித்துள்ளார். இது குறித்து அவர் வெளியிட்டுள்ள அறிக்கையில், டீசல் விலை உயர்வு காரணமாக தனியார் வாகனங்கள் தங்கள் கட்டணத்தை உயர்த்தக்கூடிய அபாயம் ஏற்பட்டுள்ளதாக தெரிவித்துள்ளார். எனவே டீசல் விலையுயர்வு மற்றும் சமையல் காஸ் கட்டுப்பாடு ஆகியவற்றை திரும்பப்பெற வேண்டும் என மத்திய அரசுக்கு அவர் கோரிக்கை விடுத்துள்ளார்.

**சிவா** · **சிவா** Fri Sep 14, 2012 12:16 am

டீசல் விலை உயர்வு: கட்சிகள் எதிர்ப்பு

புதுடில்லி: டீசல் விலையை அதிரடியாக லிட்டருக்கு ரூ. 5 உயர்த்திய மத்திய அரசுக்கு பல்வேறு அரசியல் கட்சிகள் கடும் எதிர்ப்பு தெரிவித்து வருகின்றன. டீசல் விலை உயர்வை திரும்பப்பெற வேண்டும் என பா.ஜ., திரிணமுல் காங்கிரஸ் மற்றும் சமாஜ்வாடி ஆகிய கட்சிகள் வலியுறுத்தியுள்ளன.

**சிவா** · **சிவா** Fri Sep 14, 2012 12:18 am

பெட்ரோல், சமையல் காஸ், மண்ணெண்ணெய் விலையில் மாற்றம் இல்லை

பெட்ரோல், சமையல் எரிவாயு மற்றும் பொது விநியோகத்திட்ட மண்ணெண்ணெய் ஆகியவற்றின் விலை தற்போதைய நிலையிலேயே தொடரும் என அறிவிக்கப்பட்டுள்ளது. மேலும், பெட்ரோல் மீதான கலால் வரி ரூ. 5.50 குறைக்கப்படுவதாக அமைச்சரவை குழு அறிவித்துள்ளது.மானிய விலையில் வழங்கப்படும் சமையல் காஸ் இனி ஆண்டுக்கு 6 மட்டுமே வழங்குவது எனவும் குழுக்கூட்டத்தில் முடிவெடுக்கப்பட்டுள்ளது. டீசல் விலை உயர்வு மூலம் அரசுக்கு சுமார் ரூ. 19 ஆயிரம் கோடியும், சமையல் காஸ் கட்டுப்பாடு மூலம் ரூ. 2 ஆயிரம் கோடியும் மிச்சம் ஏற்படும் என கூறப்படுகிறது.

அசுரன் · அசுரன் Fri Sep 14, 2012 12:21 am

இதற்கு திமுக மென்மையான கண்டனத்தை தெரிவித்துள்ளது.

இந்த விலை உயர்வை ஏற்றுக்கொள்ள முடியாதுன்னு தலைவர் கலைஞர் சொல்லியிருக்கார்.. என்ன பண்ணப்போறாரோ? பயம்

சாந்தன் · சாந்தன் Fri Sep 14, 2012 8:01 am

நாளையில் இருந்து காய்கறி விலை இரண்டு மடங்கு ஆகிவிடும்
அத்தியாவசிய பொருள்கள் அனைத்தும் இரண்டு மடங்கு விலையேற்றம் செய்ய்யப்படும் ......
எங்களை மாதிரி நடுத்தர மக்கள் இனி என்ன தான் செய்வது ????????????

யினியவன் · யினியவன் Fri Sep 14, 2012 12:21 pm

பெட்ரோல் மண்ணெண்ணெய் விலையில் மாற்றம் இந்த வாரம் இல்லைன்னு சொல்லுங்க பாஸ்.

வாரா வாராம் எதையாவது ஏத்திகிட்டே தான் இருக்கானுங்க.

இந்த கவலையை மறக்க டாஸ்மாக் பக்கம் போயி கொஞ்சம்
ஏத்திக்கிறேன்னு மக்கள் அசால்ட்டா இருக்காங்களே என்ன பண்றது.

பூவன் · பூவன் Fri Sep 14, 2012 12:28 pm

யினியவன் wrote:பெட்ரோல் மண்ணெண்ணெய் விலையில் மாற்றம் இந்த வாரம் இல்லைன்னு சொல்லுங்க பாஸ்.

வாரா வாராம் எதையாவது ஏத்திகிட்டே தான் இருக்கானுங்க.

இந்த கவலையை மறக்க டாஸ்மாக் பக்கம் போயி கொஞ்சம்
ஏத்திக்கிறேன்னு மக்கள் அசால்ட்டா இருக்காங்களே என்ன பண்றது.

அண்ணா இந்த விலையேற்றம் டாஸ்மார்க் பக்கம் போகிரவரையும் விடாது ..........

யினியவன் · யினியவன் Fri Sep 14, 2012 12:36 pm

அது சரி பூவென் - ஆனா மக்களுக்கு அரசுக்கு எதிராக போர்க்கொடி தூக்கனும்ன்னு கூட தோனாமா இருக்கேன்னு சொல்ல வர்றேன்.

பூவன் · பூவன் Fri Sep 14, 2012 1:16 pm

யினியவன் wrote:அது சரி பூவென் - ஆனா மக்களுக்கு அரசுக்கு எதிராக போர்க்கொடி தூக்கனும்ன்னு கூட தோனாமா இருக்கேன்னு சொல்ல வர்றேன்.

அண்ணா மக்கள் தான் இலவசம் என்ற பெயரில் முழுவதுமாக வசப்பட்டு இருக்கிறார்களே ...

Sponsored content · Sponsored content

டீசல் விலை லிட்டருக்கு ரூ. 5 உயர்வு

டீசல் விலை லிட்டருக்கு ரூ. 5 உயர்வு

Re: டீசல் விலை லிட்டருக்கு ரூ. 5 உயர்வு

Re: டீசல் விலை லிட்டருக்கு ரூ. 5 உயர்வு

Re: டீசல் விலை லிட்டருக்கு ரூ. 5 உயர்வு

Re: டீசல் விலை லிட்டருக்கு ரூ. 5 உயர்வு

Re: டீசல் விலை லிட்டருக்கு ரூ. 5 உயர்வு

Re: டீசல் விலை லிட்டருக்கு ரூ. 5 உயர்வு

Re: டீசல் விலை லிட்டருக்கு ரூ. 5 உயர்வு

Re: டீசல் விலை லிட்டருக்கு ரூ. 5 உயர்வு

Re: டீசல் விலை லிட்டருக்கு ரூ. 5 உயர்வு

Re: டீசல் விலை லிட்டருக்கு ரூ. 5 உயர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக